سياسية
ولاية الخرطوم تدشن غدا الأربعاء حزمة متكاملة لتحسين النقل والمواصلات
كما شملت الحزمة تدشين العمل بنظام الخطوط الطويلة والسريعة بعدد (11) خط وتدشين حزمة محطات الوقوف على خطوط النقل بغرض تقليل زمن الرحلة وتضم 235 محطة كمرحلة أولى تشمل شوارع الكلاكلة شرق ومحمد نجيب والإنقاذ والثورة بالشنقيطي وشارعي الجامعة والجمهورية وتدشين خط دائري داخلي يربط المدن الثلاث (الخرطوم ـ أم درمان ـ بحري) بالإضافة إلى تحسينات مرورية أبرزها افتتاح شارع الطابية جنوب الجديد الذي سيصبح اتجاه واحد من الغرب إلى لشرق ليصبح شارع الطابية جنوب من الشرق إلى الغرب وإزالة صينية الحرية واستبدالها بإشارة مرورية وأكد الوالي أن هذه الحزمة تتضمن عدة مزايا هدفها الأساسي تحقيق راحة المواطن.
سونا
خ.ي
سعادة الوالى متى سنسمع ان سعادتكم ستدشن حملة تحسين وتطهير مكتبك من الداخل اطال الله عمرك ؟
ياخلف الله ماعزبتنا ياخي والله بالغت معانا by the way ياجدو جوجول احتار ورفع الشعار لا لا لعذاب المواطن جهجهتو عمنا جوجول والمواطن الغلبان كل يوم موقف في حتة الله المستعان ياخي اتقي الله في رعيتك اضغطوا علي نفسكم وشوفوا لينا ترماي انشا ء الله مستعمل بدل المهازل الكل يوم نحن فيها دي .
الخرطوم مانقصة زحمة وتلوث بيئي يعني يسدوها بجاي تنقد بجاي
بعد شوية تجيكم سرطانات وازمات وربو من التلوث البيئي بتاع ثاني اكسيد الكربون وتتجه حكومة الخرطوم للتوسع في المستشفيات الصدرية وتيتي تيتي رحت متل ماجيتي.
المواصلات مافي معقولة بس مواصلات مافي
وين العربات الكتيرة
ناس شغالة بمزاجها من الساعة اربعة الواحد من الكسل ينوم يقول ليك ما عايز اشتغل
وبقية الناس التانية بتشتغل بمزاجها واي زول عنده تعرفة لوحده في غياب تام للرقابة وحماية المستهلك
ناس الكريزات ديل شغالين بمزاجهم بضعف التذكرة واصلا بصات الوالي دي كلها منتهية الصلاحية وراقدة سلطة في الشجرة
الحافلات الكبيرة الواحد فيهم لما يطلع الضحاكات ديل من اربعة بنوم تاني ما بشتغل عشان كدا في ازمة مرورية واختناقات بالبشر مش بالعربات
الحل الناجع هو ايلولة المواصلات لشركة عامة تعمل علي مدار الاربع وعشرين ساعة بنظام الورديات وبكدا نكون حلينا مشكلة المواصلات وارتحنا من شجع الناس الوهم ديل
وبعد كدا يقولوا ليك البلد ماشة تحت
ماشة تحت عشان النفوس ما طيبة والحرام ملا وعم كل الناس من صغيرهم لكبيرهم وياما تشوفوا لسه الغريق قدام.
لكن يا والي الخرطوم شوارعنا ما بتكفي الشارع الواحد يكفي لييك عربيتين وتقوم تجيب لي بص كبير قدر الليلة وبكرة
اول حاجة وسعو ااشوارع ونضفوها وطوشجروها وخلوها تبقى سمحة حتان تفكرو تجيبو الباصات