ردود فعل ساخرة على قول مدير قناة النيل الأزرق بأنهم يعينوا مذيعات سمروات فيتغير لونهن فجأة !

دي قناة التنقيه البشريه المتعنصره.انا كان شايفهم في الجامعه عاملين استطلاع بفتشوا الا في ناس ريم ونسرين وبطنشوا ناس التومه وكوشي.

كلامه فعلا حقيقه .. فالمشاهد العادى يشاهد هذه الظاهره وفعلا المزيعات صاروا كالحربويات فى كل القنوات وليست قناة النيل الازرق لوحدها

يا جماعة المدير كلامه واضح ونحن كمشاهدين شهود على ذلك وارجعوا للبرامج القديمة كل المذيعات بشرتهم كانت سمرا ووجوههن (مكربجات) ممكن تستعين بمختار الصحاح لمعنى كلمة (مكربجات)
لكن يجب على القناة النص في عقد العمل على عدم تغيير لون البشرة وهذه ليست مزحة..مش معقول كل الشاشات السودانية مذيعات لونهم واحد..المرأة الافريقية لها ملامح وهذه الملامح لا تستقيم الا اذا تطابقت مع لون البشرة عشان كدة ربنا خلق هؤلاء الناس الوانا مختلفة وقسمهم جغرافيا..مذيعة لونها ابيض والانف افريقي والقدوم خليوه ساكت والفك والكلام واللسان والعيون سودانية ,,,هذه السمرة نعمة وتمييز للانسان
يا سيادة المدير افسح كل عقود المذيعات للاخلال بالعقد لأن التعاقد في شخص المتعاقد معه بما في ذلك هذا اللون.
كل مذيعاتنا يشبهن أوبرا للاسف

برضوا كان عليك مهما كان تستر المذيعات البتقول عليهم يجو داخلين بلون اسمر وبعد شويه يتغيروا للون تاني ابيض وفاتح
طبعا المذيعات المقصودات في كلام مدير القناة يستحيل يقدرو يحتجوا على كلام مديرهم لانه معروف كما تعودنا ان نقرأ اخبار موقع النيلين اقل كدا ولاّ كدا طوالي غيت آوت برا القناة
وثم تانيا مافي فرق بين ابيض واسمر يعني الاسمر دا ما انسان ؟؟؟!!! انا شخصي الضعيف لوني ابيض لكن الحمدلله ابدا ما شفت نفسي في زول اسمر مهما كان يمكن هو يكون احسن مني وافضل .. الحكايه ما حكايه لون البشرة الحكايه والاهم الايمان .. الاخلاق .. التربية ..