جرائم وحوادث
زوج يقود قوة مسلحة ويداهم منزل زوجته
إتهمت إحدى السيدات بالخرطوم زوج إبنتها بمداهمته لمنزلها وإختطاف إبنته وطفل آخر كان معهم على خلفية مشاكل بينه وبين زوجته . وكشفت السيدة البالغة من العمر (45) عاماً لشرطة الجريف شرق ان زوج ابنتها جاء على رأس قوة مسلحة تتكون من (9) أفراد يرتدون الزي الرسمي لاحدى الحركات الموقعة على اتفاقية سلام ويستغلون عربة هايس ، قامت بمداهمة المنزل للأعتداء عليهم فهربت زوجته مستغلة الحائط عند مشاهدتها للقوة وقام المتهم بأخذ ابنته كما إصطحب معهم طفل كان يلعب معها ، وشاب كان متواجداً بالمنزل لحظة المداهمة . وبحسب صحيفة حكايات باشرت الشرطة إجراءات التحري وفق المادة ( 44) من قانون الإجراءات ومخاطبة وحدته للتأكد بأنه يتبع لها .
يا حليلك يا ابو عاج
ياناس حركات شنو ياناس فكونا من البلاء
اي حركة من الحركات الموقعة على اتفاقيات السلام عندها سلاح وما عندها ظابط مسؤول عنها ؟؟ وكان لقيت واحد مسؤول تلقاه جاهل وماخذ الموضوع استرجال ورجاله تقول السودان ده بتاع ابو واحد فيهم ولا وارثه من جده .
يجب ارجاع كل خركه ما حركه ديه خركه لمواقعهم علشان يصلحوا ويعمروا مناطقهم ويجب الزام اي قيادي موقع على الاتفاقية يكون متواجد مع حرسه الشخصي فقط والباقي يرجع يعمر مناطقه ولا عاوز يركب الهمر والهايس والاندكروزر وشايل طبنجته ولا كلاشه ويسترجل على خلق الله .
والله والله صدق يا حليليل يا ابو عاج
مثل ديل زمان في عهد ابو عاج كان الواحدنزل على السوق العربي ساكت بكون بتلفت احدي ما يخلص الموضوع الجاي ليه لكن اسع خلاص امرحوا امرحوا
انت وقعت اتفاقية البقعدك مع عساكرك شنو في الخرطوم فز شوف مصالح اهلك
قمة العشوائية 😡
الزوجة كمان نطت بالحيطة ( )
المادة 44 من قانون الإجراءات دي شنو 😮
هذا زمانك يامهازل فامرحي
يا جماعه الموضوع عادي . الراجل ده ضابط وبعدين مرتو مـتـمرده عليه فقام بمداهمت منطقة التمرد
والله الناس البتكتب فى المواقع ىدى مفروض يحجزوها فى تجانى الماحى لانو غرقانين فىبحر الظلام والعنصرية الصارخة
عاد دا كلام الواحد كان كدى
يشترى ليهو دبابة عديل عشان يحرس بيتوووووووووووووو