سوداني تكرم إبنة صاحب الكارو التي تفوقت وقهرت الصعاب وأحرزت أولى مرحلة الأساس !!

[SIZE=5]والله دا من أجمل الأخبار اللي واحد سمعها مؤخرا .. معظم أخباركم محبطة … وناس سوداني مشكورين، صراحة تصرف انساني وراقي جدا .. ربنا يوفقها .[/SIZE]

تكريم صادف اهله وجزاكم الله خيرا….ليت البيوتات التجاريه والشركات تقدم مثل هذه المبادرة وتسهم فى تمكين الذين تحرمهم الامكانيات من مواصلة تعليمهم

ربنا يوفقها ويبعد عنها أولاد الحرام ؟

الشكر كل الشكرة لشركة سوداني على هذا العمل و الذي يسهم في دفع الاعمال الاجتماعية التي تسهم في استقرار المجتمع ونآمل من كل المقتدرين على المساهمة بمثل هذه الأعمال ويا حبذا لوكان هنالك منظمات طوعية سودانية محلية تتقبل المساهمات من المقتدريين والذي يرغبون في أعمال الخير لتنفيذ أعمال تفيد المجتمع بكافة طوائفه.

بسم الله مشاء الله اهم دول اولاد الغلابة المناضلين والمكافحين لا مكيف ولاعربة ترحيل بس بالعزيمة المابتلين حققت الهدف العظيم شكراوسوداني علي هذا الدعم المعنوي قبل المادي ربنا يحفظها وتحقق امل والدها

ما شاء الله تبارك الله ومبروك التفوق وعقبال الدكتوراة بإذن الله وتستاهل التكريم والشكر الجزيل لشركة سوداني على هذا العمل الذي يدل فعلا على أنها سوداني ” وجعله الله في ميزان حسنات القائمين على أمرها ونتمنى لها مزيد من النجاحات (ولو ما جيت من زي وأسفاي وأمأساتي وآ ذلي” ويستاهل والد الطالبة “بس نقول ليه تعلم سواقة الركشة أو عندك ولد علمه السواقة ولو بدوام جزئي ولا تؤجر سائق ولو من أهلك لأنه سوف يأكلها يكسرها وتضيع الركشة ” .. السودان بمليون خير بإذن الله

ليت كل ما اكل من مال هذا الشعب ليبني ويعلم اولاده في مدارس خاصة ويربيهم بمال حرام ان يتعلم من هذه الاسرة معني الحياة الحرة الكريمة وليت السيد الرئيس ان يقوم بتكريمها بدلا من مجاملة ولاته ووزرائه الظالمين .وشكرا سوداني وما تقومون به وان لانسمع عنكم الا كل خير ولا تتركوا فاسدا وسطكم .والف مبروك الابنة هند وعقبال الدكتورة .

الله يجعلك من بنات المستقبل الصالحات ، وأن ينفع بك البلاد والعباد وأن تكوني ذخراً لوالديك وقرة عين لهما.

[B][B]ماشاء الله تبارك الله رزق في بنات نشفو ريق اهلهم بالكريمات والمصروفات وطالعه ونازله نا في الجامعه جامعة شنو ياجماعة للساعة 10 بالليل بعد دا تلقى تخصصها تخصص ضياع زمن . لكن من صورة وشكل هذا الرجل رجل صالح ولا ياكل الا الحلال والبنت ربنا يوفقها والله فيها الخير هذه البنت جابت لابوها الرزق في البيت من كارو وحش قش وبرسيم [/B][/B]

وأنا أقرأ الخبر وأشاهد الصور انحبست الدمعة في عيني وأبت العبرة ( بفتح الباء ) أن تفارق خلقي للحظات … في حضرتك يا هند تعجز الكلمات عن التعبير … التحية لك والتحية لوالدك هذا الرجل النبيل .

والله انها تستاهل اكثر من ذلك اتمنى لو كرمها السيد الرئيس لان فى تكريمها تكريم للبسطاء من هذا الشعب الطيب

هذه اسره ماكلها ومشربها طيب لذا اتتها طيبات الدنيا تسعي. وذلك بفضل استجابه الدعاء

[B][SIZE=6]كدي خلونا من كلام الشكر ده سوداني عملت كويس انتو وين من ده ,, امبارح قلنا الكلام ده هنا يلا نعمل تبرعات الهدف منها جمع مليار لهذه الاسره حتي يعلم الذين يريدون المال الا عن طريق الاجتهاد في طلب العلم وانا ولتكن النيلين مركزا لتجميع الاموال يتم التنسيق مع الاداره وانا ببداها ليكم بي خمسمائه يورو [/SIZE] [/B]

سا عم احمد .. ربنا يخليها ليك .. و يخليك ليها
وانتو اسرة ترفع الراس بالجد

مبرووووووووووووك

بسم الله ماشاء الله – مبروك لهذه النابغه ولاسرتها الكريمة .وجزي الله شركة سوداني والقائمين عليها كل خير وان كنت أري أن الركشه والكاروا قريبين من بعض وشركات الاتصالات كثيره ولو كملتوا المبلغ واشتريتو ليهم أمجاد يكون أحسن .
وما تقدموا لانفسكم من خير تجدوه عند الله هو خيرا واعظم أجرا.

[FONT=Arial][SIZE=4] [B] دي بنت حلتنا ربنا يوفقها في مقبل ايامها ويحفظ ابوها عم أحمد … وبعتزر عن كل مرة إتزمرت من صوتك لمن اكون نايم وإنت سايق الكارو الصباح وتكورك ( الطماطم – البصل – البامية – العجور – البطاطس – الجرجير ) … حقيقة ماعارفك ياعم أحمد إنت كنت بتربي هبه وبتلف بالكارو في عز الهجير علشان توفر ليها ولي اخواتها اللقمة الحلال – ربنا يحفظك ويحفظ الكادحين امثالك ويعوضهم في اولادهم والرزق الحلال بيظهر في الجنا زي ما قالو اهلنا

… يادوبك وعيت لكلام الحجة في البيت ونسوان الحلة لما يتلمو ويقولو السنة دي مافي بنت ح يزيعوها مع الاوائل في التلفزيون لاتو هبوية بنت عم احمد عيانة باليرغان ايام الامتحانات وبتمشي تمتحن والفراشة مركبة في يدها وبيقعدوها في مكتب الاساتزة وبتكتب ليها بنت من سنة سابعة

… حقيقة حنيت عليك لانو المرض اللعين ممكن يضيع ليك السنة وماكنت عارف إنو الحاجة دي ماجديدة عليك لانك إتحديتي ظروف اصعب من كده لما والدتك الله يرحمها إتوفت قبل شهور وكل الناس بتحكي إنو زوجة عم احمد خلت وراها اطفال صغار ربنا يعينهم … اعزريهم لانهم ما كانو عارفين إنو هبوية كبيرة بادبها وعقلها وهسه كبرت في نظر اهلها وناس حلتها والسودان كلو … ربنا يحفظك هبوية وياريت بنتي تبقي زييك واصلو الشطار ديل اولاد البسطاء والكادحين … وياكافي البلاء ودي ماشماتة اولاد المسئولين ديل اهلهم يجمعو ليهم في المال ويقروهم في احسن مدارس وبعد ده كللللو ما سمعنا لينا واحد منهم زاعو في الإذاعة مع الاوائل – ما قلت ليكم الرزق الحلال بيظهر في الجن[/B]ا[/FONT][/SIZE]