صورة لعامل محطة وقود تثير إنتقادات بمواقع التواصل !

ياجماعة الخير ماتحكمو علي الراجل قبل ماتعرفو الحاصل احتمال عنده الام في الظهر او اي مشكلة منعته الوقوف فلا تظلموه حتي تسمعوا منه.

عمال المسدسات بتاعين محطات البنزين ديل .. غالبيتهم والله مرض عدييييييييل .. الواحد تكاردو فى المحطة عشان يجى يتكرم ويكب ليك البنزين .. ومنهم التنزل عشان تدفع ليهو .. مايجيك حتى للعربية عشان ياخد قروشو .. ومنهم التلقاهو داقى الحنك جوه المحطه فى الفارغه وشايف عربيتك وقفت ومايشتغل بيك .. ومنهم اليجيك يتمايع التقول عروس فى ليلة دخلتها ..

[SIZE=5]ان كان سليما ولا يمنعه مانع من ماولة عمله واقفا على ادارة المحطة ان توقفه فوراا[/SIZE]

ياجماعة احسنو الظن بالناس ربما الرجل معاق او ربما يكون قد داهمه الم اثناء عمله او قد يكون مضطر للعمل باكثر من دوام في اليوم الواحد بمجهود يفوق طاقته ربما يكون الرجل سليما ومعافي لكنه (فط) وجبة فطور او غداء محتاج الي مصروفها
ياجماعة يا البتعلقو ماتكونو ناس خفاف تهزكم اي سخرية من اي جربوع
ثانيا الناس اللعلقت علي الطائرة بشئ اضر بالسودان وسمعة السودان والله لو سودانير عندها طيران كان خسرت المليارات بسبب ذاك الفيديو ياجماعة اي طيران في ارقي المطارات من اعرق الخطوط من افخم الطائرات عادي جدا الطائرات بجروها جر الي الورش والناس اللي كانت بتجر في الطائرة كلهم عمال في المطار عساكر وامنجية وعمال نظافة وربما تم الامر بعفوية بغرض التجربة فقط

اللوم وكل العتب واللوم علي هذا الغبي الذي قام بتصوير ونشر هذه الصوره التي تثبت للعالم الخارجي ان شعب ( كسلان ) وعندنا مدينه اسمها ( كسلا ) لماذا نوثق نحن دائما للعادات السالبه في مجتمعنا ولا نوثق للعادات والقيم الجميله التي تنفي عنا مايبثه الاعلام سواء العربي او الاجنبي عن السودان , بعض من الجهلاء هم من يتسببون في الاساءه الي سمعة السوداني والتي هي اصلا في الحضيض وخاصة في صفة الكسل والتي قام ( الفراعنه ) بنسبها الينا, لماذا يقوم بعض ابناء جلدتنا بنشر تلك المقاطع والصور وبثها علي تلك المواقع دون مراعاة للعواقب والتاثيرات التي تحدتها تلك الصور , كل شعوب العالم تنشر وتبث الاشياء الجميله في مجتمعاتها حتي تعكس الصوره الرائعه لهم الا نحن , كم عامل يقوم بتعبئة المحروقات وهو جالس في العاصمه مثلا ,اعتقد انه شخص واحد او اثنين فقط , لماذا هذه الصوره الباهته يااخي الكريم الي قمت بهذا العمل المشين في حقنا نحن السودانيين , نحن نحارب ونقاتل في نفي صفة الكسل عن الشعب السوداني وبعضهم يفعل العكس من اجل ( شهره ) يحلم بها ويتناسي ان اساء لشعب وامه كامله , الوعي والادراك ضروري لنهضة الامه ,اتمني من العقلاء عدم تداول مثل هذه الصور والمقاطع التي تفضحنا وان لا ننشر ملابسنا القذره علي حبال غسيل الجيران ,

فعلا احنا السودانين عاوزين لينا دراسة كل الصفات السيئة بقت فينا فساد كسل احتيال مايقوما …….. الا الربع كما شهدت احدي نساء المؤتمر الوطني واشك في الربع دا هو نفسة عاوز غربلة!!!!!!!!! حسب اراء بعض القراء ان احتمال انو العامل يمكون عنده مرض مثل الم بالظهر في حاجة اسمها اجازة مرضية يعني بالواضح يوقف شغل وبلاش فضايح اكثر من كدا هو احنا فاضين كل يوم مصيبة .

سلام عليكم ورحمه الله مع احترامي لكل الذين يدافعون عن هذا الشخص او يلتمسو له عذر فالحقيقه من وجهة نظري ليس له اي عز فاذا كان مريض او معاق فان هناك اشغال يمكن ان تناسب ظروفه يعني انا ذنبي شنو اذا كان مثلا لا قدر الله تعبان او ظهرو كما قالو الاخوة انزل من العربه او اتتي بالعربيه بالقرب منه اصلا ماف داعي لي الكلام دة كلو ممكن يمشي يرتاح لمن يبقى كويس يجي اكيد بيدو اجازة لكن والله هناك من اهلنا السودانين والله كسلانين بجديعني وهولاء هم الذين شوهو صورتنا في الخليج واعتقد هذا واحد منهم اذ لم يكن مريض وانا كان نريض ياخ عليك الله خت المسدس دة وامشي اتعالج

يا أخوان حرام عليكم ما في داعي للتعليقات غير الكريمة لمن لا يعرف الأخ العامل في محطة الوقود: هو من أكثر العمال نشاطا وسبب جلوسه أنه أصيب بانزلاق في الكتف الأيسر وطلب منه زملاؤه الذهاب واخذ راحة ولكنه فضل العمل لأنه يعمل باليومية ولا يود أن يفقد راتب اليوم علما بأنه يستلم راتبه كل أسبوع وليس راتب شهري ثابت كما في الوظائف الثابتة أدعوا له بالشفاء ولا تسيئوا له