سفير السودان السابق لدى روسيا ينضم للحركة الشعبية
أعلن شول دينق سفير السودان السابق لدى روسيا إنسلاخه من حزب المؤتمر الوطني أمس وإنضمامه الي الحركة الشعبية . وإتهم دينق الوطني بعرقلة إتفاقية السلام والتشبث بالسلطة ، واضاف في مؤتمر صحفي عقده أمس بدار الحركة الشعبية بالخرطوم ان مجموعة بالمؤتمر لم يسمها تسعى لإلغاء اتفاقية السلام ، مستشهداً باحداث ملكال وأبيي والتحرشات بمناطق التماس . وأكد ان الوطني لا يختلف شيئاً عن احزاب الشمال في معالجة القضايا الوطنية ، ووصف دينق المجموعة بأنها رافضة للتغيير وفاشلة في سياستها . وفي السياق أكد مصدر بالمؤتمر الوطني ان السفير شول دينق كان يسعى الانضمام للحركة الشعبية منذ قرب إنتهاء فترته سفيراً بموسكو ليجد له موطئ قدم فيها ، وذكر المصدر بأن الخارجية لا توجد فيها انصبة سياسية ، وأضاف ان (الكوتة) هي لجنوب السودان وفق اتفاقية السلام . وبحسب صحيفة الرأي العام اعتبر المصدر بأن السفير باحث عن منصب بإعتبار ان الحركة لديها توظيف شاغر في حكومة الوحدة الوطنية بالإضافة الي الجنوب بولاياته العشر .
كوتة ايه هي تجارة ولاسياسة
هذه هي أساليبكم يا المؤتمر الوطني.
المصيبة فى السودان انو اى واحد فى الحكومة تنتهى مدة خدمته يعارض يعنى الشغلانية ذى ماقال الاخ اكل عيش وبس فليذهب شول وامثاله واشاء الله اعملوه فى الحركة الشعبية رئيس حكومة الجنوب والله الجنوب ده كان انفصل كان ارتحنا من فلان قال وعلان قال وكل قرد اطلع جبلو ونشوف الفلهمة دى القوها وين والله البلد دى ماينفع فيها الى حكم العسكر لان اى واحد لبس ليهو بدله وكرفتة عمل فيها سياسى قعد اتكلم فى السياسة وهو كوعو من بوعو مابعرفو ارحمونا عليكم الله
والله يا ناس الحركة حيرتونا ، بس بقت عليكم حكاية ضربني وبكى وسبقني اشتكى ، ناس الحركة آخر من يتحدث عن( التشبث!!!) بالسلطة وعن( عرقلة!!!) اتفاقية السلام ، وأحداث ملكال وأبيي يعلم البعيد قبل القريب من هو المتسبب فيها ومن له مصلحة في تأجيج الصراعات بين قبائل تلك المناطق ، وما يحدث الآن في كل أصقاع الجنوب من انعدام للأمن وانتشار للأسلحة والاشتباكات بين القبائل أبلغ دليل على عنصرية الحركة وعدم اهتمامها بإنسان الجنوب ، و(هبر) المال المال العام ، زما توابيت الأموال المهربة التي ضبطت في الحدود ببعيدة عن الأذهان ، فيا سيد شول دينق عايز تروح للحركة عشان تهبر ليك هبرة أو تشيل ليك شليه في نهيبة اموال الجنوب ، أمشي يا أخوي ساكت وبلاش ضحك على دقون الشعب ،
الحكاية كلها وما فيها اكل عيش يابا
اخشى ان ينطبق عليك قول الفنان ندمان انا وسجمان انا؟؟؟؟؟؟؟؟؟؟؟؟:cool:
اسمو شول دينق ودايرنو يكون معاكم من غير يكون وزير ولا مساعد رئيس ؟
شول ده شنو كمان والله البلد بقت ملطشه ماينضم للحركة طعمه شنو هو لو انضم او لم ينضم والله اخر زمن صحيح كثير من الجنوبين هم طامحين فى المناصب فقط ويكون شول ده قراء الساحة السياسية غلط فبعد مذكرة التوقيف بحق الفارس البشير قال اخير انضم للحركة يمكن القى لى منصب سفير والله وزير .
الانسحاب من الوطنى دليل على قرب انفصال الجنوب و نرى كل ذو كفاءه من الجنوب يعلن الانضمام الى الحركه ليجد موقعا فى تشكيل حكومه الجنوب بعد الانفصال
ما راى الاستاذ الطيب مصطفى
معليش يا خوانا, الخواجة حسبها غلط :|:lool:
اتمني من السيد شول يسحب كل الجنوبيين من الشمال ويغادر الي دولتة الوليدة في الجنوب بلا وجع راس واستنكاح الشماليين يتمنون انفصالكم اليوم قبل بكرة
😎 والله والله العظيم 75 فى100 من الجنوبين فى موتمر الوطنى اشان القروش و طامحين فى المناصب فقط 111 وايا زول انطمة للحركة الشعبية بعد مع فقد منصابه من الموتمر الوطني نعتبره انسان مصالح (interest) وبس,,,,,,,,,,,,,,,,,,,,,وانتو يا ناس الحركة الشعبية …الكوتة…بتا المناصب الشاغرا ده ,,,,,,,.. ادهو للمناطيلين المع اشتاركو فى المناصب السياسية ;(
It is funny because this same guy who in 1977 was selected by us to head the Sudanese Association in Odessa, Ukraine. Then couple of years later he was replaced by some one else and immediately at that point he decided to leave the Sudanese Association and went to join the Union of African student. This is who Shoal Deng Alak was. So, let us not be surprised. Wait for him couple of years, the People movement will trash him and he will move somewhere else
ما هو الغريب في الأمر كم من شمالي تحول من حزب الى حزب آخر ثم ان الجنوبيين في المؤتمر الوطنى تربطهم مصالح مادية بنجرد ان تنتهى ينتهى كل شيئ /وهذه هى ديمقراطية العمل الحزبي الجهوى
انتقال شول دينق سفير السودان السابق الى الحركة زي انتقال طمبل من الهلال الى المريخ فقط الشعار لكن الكيكة هي الكيكة
والله انتو زاتكم ما عندكم موضوع شول شنو وقزاز فاضي شنو ديل صح فيهم قول الشاعر يأتيك من طرف اللسان حلاوة ويروق منك كما يروق الثعلب
امشي انشالله ماتجي