البشير: رئيس السودان لا تختاره أمريكا أو بريطانيا

30 ألف فارس، يا أخواننا نحن ما في زمن الصحابة، الحرب بقت آلة و الما يمتلك الاسلحة الفتاكة هو الضعيف، حقو نعرف مقدراتنا و نلعب على وتر السياسة و تكوين رأي عالمي مش استعداء كل من هب ودب و نجعجع انو نحن احفاد المهدي و نحن …….. ونحن …..
حقو نخت أهدافنا و نشوف الطرق المنطقية المناسبة عشان نحققها ونأخذ في الاعتبار الحصل في العراق و غيرو، الناس ديل لا عندهم وازع ديني ولا انساني ولا اخلاقي ولو دخولوا ح يفسدو ويجعلو اعزة اهلها أزلة وكذلك يفعلون.
المصالحة الاتعملت مع الجنوبيين فيها إزلال لكل الشعب السوداني حكومة و شعب
وبعد ده بيقولو انها قرار حكيم، ليه ما نعمل مصالحة حكيمة مع دول الغرب، الانقاذ مما جات و بي خرافات انو السوداني ما بيرضى الحقارة و الجعلى أحمق فوت على نفسو فرص بتاعة تنمية كتيرة ومشاريع بالكوم كان ممكن تستثمر في السودان.
نحن مع البشير رمز الامة لكن البعملة فيهو ده كيكسرنا و و الله الناس البيجعجعو في المظاهرات ديل هم أكتر ناس ح يجعجعو لي المحتل لمن يجي، و الكلام ده كان ظاهر في استقبال الناس للمرتزقة بتاعين خليل.
نلخص أهدافنا في:
1-البشير بفضل عزيز بين أهلو وناسو
2-ما يحصل زي الحصل في العراق

يلا الطريقة الصحيحة عشان نعمل الكلام دة شنو ؟