منوعات
أبقار يوسف وكذبة إبريل
– مشيت ليك في المشروع بتاعك ما لقيتك.
* الليلة تعبان شوية قتا أريح في البيت.
– يعني إنتا الحاصل في مشروعك ما عرفتو شنو؟
* أبداً الحاصل شنو يا طارق؟
– لقيت واحد من عمالك وكانت نفسياتو سيئة وقال لي الظاهر الموية بتاعت الخزان البتشرب منها الأبقار واحد حاقد لوثها بالسم وهسع الأبقار كلها ماتت.
وضع يوسف رأسه بين كفيه في حالة أقرب إلى الإنهيار وأخذت تراوده التوقعات السيئة فهو لن يستطيع أن يتزوج وسيدخل السجن لأنه لن يستطيع أن يفي بما تبقى للبنك من أقساط وفي تلك اللحظات إنسحب طارق تاركاً يوسف في حالة نفسية سيئة ثم عاد له لاحقاً وأخبره بأن ما قاله له لم يكن سوى كذبة إبريل.
غضب يوسف وطرد طارق من منزله ولم يكتف بذلك بل رفع دعوى ضرر طالب فيها طارق بالتعويض.
سيدي القارئ لو كنت القاضي بم تحكم في هذه القضية؟
صحيفة حكايات
ع.ش
[SIZE=5]السجن لمدة سنة علي يفرج عنه يوم 01أبريل من العام القادم (عشان يتذكر كذبة أبريل كويس). الجلد 100 جلدة. غرامة 5 ألف جنيه تدفع كتعويض للشاكي[/SIZE]
[SIZE=4]كــــذبة إبريل اختراع يهودي فرجاااااء تجنبوها
وغفر الله لنا كنا نمارسها قبل معرفة حقيقتها….ففي مرة أيام الجامعة خدعت صديقي المصري وكان شابا طيبا وأخبرته أن هناك فتاة بالطابق السادس تنتظره ، فذهب يبحث عن الفتاة بالمواصفات التي حددتها له ولكنه ماوجد أحدا …فعرف أني ألعب عليه …لكني استسمحته
وخدعوني في شيء يخص كرة القدم وكنت مهووسا بالهلال والكرة العالمية إلى أن عافاني الله[/SIZE]
الجلد 500 جلدة عشان بحاكي الخواجات في كذبة ابريل .. ياخد بقر الراجل للنيل يوميا للشرب من الفجر ويرجعهم الساعة 12 ظهر طول شهر ابريل .. عشان ممكن زول يسمم البقر في ابريل … غسل البقر بعد الساعة اتناشر (حمام بارد) طوال شهر ابريل عشان ممكن زول ختي ليهم حاجة في الزريبة ويتسمموا .. وكل شهر ابريل يسوي كده لحد 5 سنوات .. وبعدين نشوف …
شطب الدعوى مع التوبيخ للمدعى عليه
إذا أقر طارق أمام المحكمة بما قاله ليوسف فإدانة طارق واجبة بحكم إعترافه اما تقدير الحكم فمتروك طبعا للقاضي وفق وزنه للامور وما يلمسها من الحيثيات الماثلة أمامه.. وإنشاء الله يعدل لان ما حدث ليس أمرا سهلا وكانت الصجمة كافية بان تؤدي بحياة يوسف !!!
الاعدام رميا بالرصاص يوسف ده كان عندو ضغط ولاسكرى كان راح فييها