وكت فضلت قروش إن شاء الله أشترو بيها (دم) يا ما عندكم (دم ) !

الأستاذ الجليل
الفاتح جبرا … السلام عليكم
ارسل اليك هذه الرسالة التي وأعلم علم اليقين انها لن تثير في نفسك أي نوع من الدهشة والإستغراب على الرغم غرابتها ومرارتها لأن ما يحدث في بلادنا الآن يفوق حد الدهشة .
أستاذي :
ﻛﻠﻨﺎ ﻋﺎﺭﻓﻴﻦ ﺍﻧﻮ ﺍﻟﺠﺮﺩ ﺍﻟﺴﻨﻮﻱ ﻭﻣﻌﺎﺩﻟﺔ ﺍﻟﻤﻴﺰﺍﻧﻴﺔ ﺑيتم ﻓﻲ ﺷﻬﺮ 12 ﻭﺍﻛﻴﺪ ﻛﻠﻨﺎ ﺷﻔﻨﺎ ﺍﻼﺟﺘﻬﺎﺩ ﻭﺍﻟﺰﺣﻤﺔ ﺍﻟﺒﺘﻜﻮﻥ ﻓﻲ ﻣﻜﺘﺐ ﺍﻟﺤﺴﺎﺑﺎﺕ ﺍﺧﺮ ﻳوم .. أنا طبيبة إمتياز أعمل بإحدي المستشفيات الحكومية ، ﻗﺒﻞ ﻳﻮﻣﻴﻦ عندي ورق بيخصني لازم يمشي (الوزارة) ، إدارة المستشفي مشكورة جهزت الورق لكن الموظف بتاع السيرك الفي المستشفي إتضح إنو عربيتو عطلانة قمتا قلتا أوصلو بعربيتي عشان ما أعطل روحى .. طيب ايه الرابط بين معادلة الميزانية والزحمة والحسابات وبين السيرك والمشوار ده أقول ليك يا استاذ .
أول ما الموظف بتاع السيرك ركب في العربية بدأ يتونس معاي بدأ يحكي ليا ﻛﻴﻒ ﺍﻧﻮ ﻣﺒﺴﻮﻁ ﻣﻦ ﻧﺎﺋﺐ ﻣﺪﻳﺮ ﺍﻟﻤﺴﺘﺸﻔﻲ ﻻﻧﻮ ﺍﻗﺘﻄﻊ ﻣﻦ (ﺍﻟﻔﺎﺋﺾ ) ﺍﻟﺴﻨﻮﻱ ﺑﺨﺰﻳﻨﺔ ﺍﻟﻤﺴﺘﺸﻔﻲ ﻋﺸﺎﻥ ﻳﺸﺘﺮﻱ أﺩﻭﻳﺔ ﻣﻦ ﺍﻼﻣﺪﺍﺩﺍﺕ طبعاً إندهشتا وسألتو هي مستشفياتنا الما فيها (شاش) دي بيقضل في خزينتا فائض آخر السنة؟
لما الموظف شاف إني مندهشة من الكلام القالو بدأ يشرح ليا :
شرح ليا إنو في آخر كل سنة بتكون في مبالغ فائضة في خزينة المستشفى وإنو قبل بداية السنة المالية الجديدة لازم خزينة المستشفى وحسابها في البنك يكونوا (نضاف) ولونهم أبيض (يسر الناظرين) .. قمتا سالتو في إندهاش (والقروش البتفضل دي بتاعت شنو وبتجي من وين؟) فأجابنى بأنها بتكون مثلاً في فروق حسابات لصالح المستشفي يعني فحص مثلاً بى 6ﺟﻨﻴﻪ ﻭ 85 قرش ﻭﺍﻟﻤﻮﺍﻃﻦ ﺑﻴﺪﻓﻊ ﺳﺒﻌﺔ ﺟﻨﻴﻪ ﻭﻛﺬﻟﻚ الأدوية ﻭﺑﻘﻴﺔ ﺍﻟﺨﺪﻣﺎﺕ ﻏﻴﺮ ﺑﺎﻗﻲ ﻗﺮﻭﺵ التسيير ﺍﻟﻤﺪﻳﺎﻫﺎ ﺍﻟﺪﻭﻟﺔ ﻟﻠﻤﺴﺘﺸﻔﻲ ﺍﻟﻤﻬﻢ ﻃﻠﻊ ﺍﻧﻮﺧﺰﻧﺔ ﺍﻟﻤﺴﺘﺸﻔﻲ ﺑﻴﻔﻀﻞ ﻓﻴﻬﺎ ﺑﺎﻗﻲ ﺯﻱ 30 -100ﻣﻠﻴﻮﻦ ﺟﻨﻴﻪ ﺑﺎﻟﻘﺪﻴم ﻭﻃﺒﻌﺎ ﺇﻧﻔﺎﺫﺍ ﻟﻠﻘﻮﺍﻧﻴﻦ ﻭﺍﻣﺘﺜﺎلاً ﻟﻠﻮﺍﺋﺢ وعشان تبدأ السنة المالية (على بياض) ﺍﻟﻘﺮﻭﺵ ﻻﺯﻡ ﺗﺨﺘﻔﻲ ﻓﻴﻮﺩﻭﻫﺎ ﻭﻳﻦ ؟؟ أﺗﺎﺭﻳﻬﻮ إنو ﺍﻟﻌﺮﻑ ﻓﻲ ﻫﺬﺍ ﺍﻟﻤﺴﺘﺸﻔﻲ إﻧﻮ ﺍﻟﻘﺮﻭﺵ ﺩﻱ ﻟﻴﻠﺔ ﺭﺃﺱ ﺍﻟﺴﻨﺔ ﺑﺘﻘﺴﻢ ﺑﻴﻦ ﺍﻟﺴﻴﺪ ﻣﺪﻳﺮ ﺍﻟﻤﺴﺘﺸﻔﻲ ﻭﺍﻟﺴﻴﺪ ﻧﺎﺋﺒﻪ ﻭﺍﻟﺴﺎﺩﺓ ﺍﻟﻤﺤﺎﺳﺒﻴﻦ ﺍﻟﻠﻲ ﻋﺸﺎﻥ ﻛﺪﺓ ﺑﻴﻜﻮﻧﻮ ﻗﻤﺔ الإﺟﺘﻬﺎﺩ ﻓﻲ ﺿﺒﻂ ﺍﻟﻤﻴﺰﺍﻧﻴﺔ (ﻓﻲ ﺍﻧﺘﻈﺎﺭ ﺍﻟﻘﺴﻤﺔ)..
بعد ما سمعتا كلام الموظف لقيت نفسي لا إرادياً ﺍﺗﻔﺘﺤتا فيهو وهاك يا (ردحي) .. ده كلام غلط .. ده شئ ما مفروض يحصل .. المستشفيات لا فيها شاش لا جونتيات لا فراشات يكون فيها قروش بتفضل؟ المهم بعد شوية إتذكرتا إنو ﺍﻟﺮﺍﺟﻞ ﻻﺣﻮﻝ ﻟﻪ ﻭلا ﻗﻮﺓ وما عندو ذنب في الموضوع قمتا ﺍﺳﺘﻐﻔﺮتا وإﻋﺘﺬﺭتا ﻭﺑﻌﺪﻳﻦ ﻭﺍﺻﻠﺖ ﺍﻟﻴﻮﻡ ﻭﻋﻴﻮﻧﻲ ﻮﺳﻂ ﺭﺍﺳﻲ ﻣﻦ ﺍﻟﺨﻠﻌﺔ ﻭﻣﺘﻴﻦ ﻳﺎﻟﻠﻪ ﺍﺻﻞ ﺍﻟﺒﻴﺖ ﻋﺸﺎﻥ ﺍﺣﻜﻲ ﺍﻟﻜﻼﻡ ﺩﺍ ﻻﺑﻮﻱ .ﺍﻟﻤﻬﻢ ﺍﻧﺎ ﺑﺤﻜﻲ لأﺑﻮﻱ ﺟﺎء أﺧﻮﻱ ﺍﻟﺬﻱ ﻳﻌﻤﻞ ﻟﻌﺪﺓ ﺳﻨﻮﺍﺕ ﺑﺼﻴﺪﻟﻴﺔ ﺍﺣﺪﻱ ﺍﻟﻤﺴﺘﺸﻔﻴﺎﺕالحكومية ﻓﺴﺎﻟﺘو: ﺍﻧﺘﻮ نهاية السنة بيكون ﻋﻨﺪﻛﻢ ﻓﺎﻳﺾ ﻓﻲ ﺍﻟﺨﺰﻧﺔ ﺟﺎﻭﺑﻨﻲ .. (أيوه) .. قمتا سألتو : ﻭﻃﻴﺐ ﺑﺘﻌﻤﻠﻮ ﺑﻲ ﺷﻨﻮ؟ قام ﻋﺎﻳﻦ ﻟﻲ ﺑﺎﺳﺘﻐﺮﺍﺏ ﻭﻗﺎﻝ ليا : ﻣﺎﻃﺒﻌﺎ ﺑﻴﺘﻘﺴﻤﻮﻩ ﺍﻟﻤﺪﺭاء ﻭﺍﻟﻤﺤﺎﺳﻴﻦ .

إبنتك الدكتورة (س)

الرد :
لا تندهشي يا بنتي .. لازم الخزنة تكون نضيفة و(طاهرة) في بدية كل عام !

كسرة :
طيب وكت فضلت قروش إن شاء الله أشترو بيها (دم) يا ما عندكم (دم ) !

كسرة ثابتة :
أخبار ملف خط هيثرو العند النائب العام شنو(وووو وووو وووو)+(وو)
[/JUSTIFY]

الفاتح جبرا
ساخر سبيل
[email]gabra-media@hotmail.com[/email]