صلاح احمد عبدالله : كده جاطت .. ناس دايرة.. وناس ما دايرة ..!
الاتحادي.. ناس دايرة.. وناس ما دايرة.. والأمير الصغير أصبح (محتار) وما عارف يشوف شغلو داخل القصر.. والأمير التاني قاعد مبسوط وما هماهو.. أكل تمام.. ولياقة تمام.. ورياضة وركوب خيل.. ومصارعة.. وحريقة في السياسة.. ما دام اللياقة ما شاء الله.. تمام..؟!
باقي الأحزاب تمشي خطوة.. اتنين مستحيل.. وعين في القصر.. وعين (شاخصة) تجاه مبنى المالية.. عسى ولعل..!!.. وعين في الشارع لزوم التخدير.. (النضالي).. ثلاث عيون الحكاية شنو ما عارفين..؟!.. يمكن (بعاعيت)..؟!
الشعبي.. يحن إلى (أهلو) الزمان.. لأنو القصة ممكن تفلت منهم جميعاً.. وحاجة (حريصة) دائماً حريصة جداً.. على (المحفظة).. وسير المحفظة.. ودي براها دايرة شرح للجيل الجديد الذي لا يعرف سوى الحبوبات المودرن..؟!!
المفاوضات طرشقت في أديس أبابا.. الحركة الشعبية قطاع الشمال تريد أن تتكلم عن كل السودان.. وأهالي المنطقتين لا يريدون (عرمان).. وعرمان لا يحتفظ بالجوكر بصورة جيدة.. (وأمبيكي) المسكين.. زي ما رحتي.. زي ما جيتي..!!
والموضوع كما تقول شمارات البلاد في طريقه إلى مجلس الأمن.. لشنو ما عارفين.. ولا نقول ليكم.. عارفين ومطنشين.. وما يهم أي أحد.. ما دام كل (الخميرة) الجيدة التي تأمن رغيف المستقبل.. كلها خارج البلاد.. خميرة ده.. ولا خميرة داك.. ولا(دولاك)..؟!!
ودارفور.. دورت من جديد.. وقطر مشغولة جداً.. بالحكاية السعودية ـ البحرينية ـ الإماراتية.. وكل واحد يتهم التاني بأن له دور في سوريا.. الحركات الإسلامية هناك تقاتل بعضها.. وبعضهم يقاتل الجيش الحر.. وقوات الأسد تقاتل الجميع بعد أن فلتت من المصيدة الأمريكية.. واحتمت بالدب الروسي.. ولكن الثمن كان أن فقدت أمضى أسلحتها التي كانت تهدد بها الجميع..!!
صحيفة الجريدة
[B][SIZE=5]ونحنا ذاتنا فقدنا البوصلة بقينا نعاين بى جاى ونعاين بى جاى وما عارفين فى ياتو طريق نمشى واحلامنا وامانينا اصبحت كوابيس مزعجة[/SIZE] [/B]
[B]حسي عليكم الله نحنا فرقنا من ركاب الطائرة الماليزيه شنو ؟
يا حليل التونسيه[/B]