جرائم وحوادث
ندي القلعة تطرد سائقها الثانية صباحا بسبب أكله ( الكفته )
قال : بدأت العمل معها منذ أكثر من ( 14 ) عاماً سائقاً وحارساً لعربتها.
وما السبب الرئيسي الذي جعلها تطردك من المنزل؟ قال : تفاجأت بها تصرخ في وجهي قائلة : (يا صلاح الخلاك تأكل أكلي شنو).
ما الذي أكلته من مطبخ الفنان ندي القلعة؟ قال : أكلت ( كفته ).. وأكلي للكفته وحده الذي أغضبها بتلك الصورة التي لم أكن أتوقعها من قريب أو بعيد فهل تتصور أنها قالت لي : (الخلاك تدخل مطبخي وتأكل كفتتي شنو)؟.
هل الخطاب موجه لك وحدك أم هنالك أشخاص آخرين شملتهم ثورة ندي القلعة؟ قال : لم أكن وحدي بل معي بعض العاملين معها في المنزل لذلك التزمت الصمت ولم أتفوه بأي كلمة رداً علي ما عليها سوي أنني قلت لها : (يا أستاذة معليش أنا غلطان بدخولي إلي مطبخك وأكلي لكفتتك.. ومن هنا غضبت منها غضباً شديداً وبالتالي قررت من ساعتها أنني إلي أن يتوفاني الله سبحانه وتعالي لا أريد أن أشاهد الفنانة ندي القلعة التي غادرت منزلها إلي منزل جارها نسبة إلي أن الوقت كان متأخراً من الساعات الأولي من صباح اليوم التالي حيث كانت عقارب الساعة آنذاك تشير إلي الثانية صباحاً أي أنه التوقيت الذي طردتني فيه من منزلها.. وعندما أشرقت الشمس دفع لي جارها بـ( 30 ) جنيه لكي أتمكن من استقلال المواصلات (أمجاد ) إلي منزل أسرتي بمدينة أمبدة.
هل رويت لأسرتك الإشكالية التي حدثت بينك والفنانة ندي القلعة؟ قال : أبداً لم أضعهم في الصورة بل قلت لهم إنني عدت من رحلة الفنانة ندي القلعة إلي تشاد وأثيوبيا بدولارات وعندما أحولها إلي عملة سودانية سأشتري لكم الهدايا وهي لم تقصر معكم حيث أنها أرسلت لكم معي مائة دولار.. في حين أنني لم أكن امتلك قرشاً واحداً في يدي.
هل جرت اتصالات هاتفية بينك والفنانة ندي العلقة بعد طردك في الساعات الأولي من صباح اليوم التالي؟ قال : لم أجري اتصالاً بها ولم تتصل هي علي إنما اتصلت أنا بمدير أعمالها وقلت له : أنا لدي ألف جنيه بطرف (وائل) أبن الفنانة ندي القلعة ومرتب ثمانية أشهر.. وعليه أطلب منك أن تخطرها بأن ترد لي حقوقي والعفو والعافية.. فقال : سأتحدث مع ندي وأتصل عليك.. وبعد عشرة دقائق من اتصالي الهاتفي عاد إلي مدير أعمالها قائلاً : يا صلاح ندي دي قالت إنها قطعت لك تذكرة إلي تشاد ذهابا وإيابا ب( 4 ) ألف جنيه قلت له : يا محمد أنا سافرت إلي تشاد وعدت منها في إطار العمل فأنا كنت اعتل لها الساون سستم ولقطت لها النقطة ولم تمنحني مقابل ذلك قرشاً واحداً وعندي منها ( 1000 ) بر إثيوبي ما يعادل ( 280 ) جنيه سوداني سوي ذلك ليست لديها بطرفي أي مبلغ مالي ما عليها إلا أن تخصمها من مرتبي الشهري أو من الألف جنية التي أطلبها لأبنها وائل وكان أن انتهت المكالمة بيني ومدير أعمالها علي هذا النحو ثم عاد متصلا مرة آخري قائلا : في الصباح نتفاهم في هذه الأمور فندي أختك فقلت له : أبشر هي أختي ولم أختلف معها في ( قروش ) ولكن ما حدث منها لم يكن ( حلوا ).. فقال : يا صلاح بعد شوية بعاود الاتصال بك.. إلا أنه لم يفعل.. وأنا في انتظار مكالمته اتصل علي أيمن عفيفي مدير أعمالها السابق وزوج شقيقتها ( وصال ) فقال : يا صلاح أنت تطلب ندي كم من المال؟ قلت : ( 5 ) ألف جنيه.. فقال : أنا بديك المبلغ شرطا أن لا تمشي للجريدة ولا تقدم للنيابة عريضة دعوي في مواجهتها فقلت له : أنا منك لا أريد قرشا فقال : تمام وأنهي المكالمة.. وفي صباح اليوم التالي تلقيت منه مكالمة قائلا : يا صلاح ندي دي أختك وقبل اليوم اختلفت معها وعدت إليها فقلت له : كلامك صاح لكن يا أيمن من هنا وإلي ما لانهاية لا أرغب في العمل معها ولا أريد أي شيء يجمعني بها من قريب أو بعيد.
إلي ماذا وصلت معها في حقوقك؟ قال : آخر ما توصلت له أن ألجأ إلي القانون لاسترداد حقوقي المالية بطرف الفنانة ندي القلعة وأبنها ( وائل).ً
الخرطوم : سراج النعيم
اكل الكفتة
عتل الساوند ولقط النقطة
نفسى اشيل لى سوط واديك 1000 شحطة
[SIZE=4]لاحول ولاقوه الا بالله
بالله شوفو الشعب الماعندو موضوع دا
والله تستاهلو يحكمكم من هم اسوأ من الكيزان
ياخ كفته في عينكم للدرجه دي بتستهزئوا بينا
ودا شنو دا (ولقطت لها النقطة) شغاله رقاصه دي ولاشنو!!
[/SIZE]
انت يا صلاح المقعدك الساعة 2 صباحا في مطبخ ندى شنو؟
بعدين لو الكفتة ما حقتك , بطنك دي ما حقتك تملاها كفتة 2الساعة صباحا.
قال شنو ما حصل معي لم يكن( حلوا)
يلا يا الحلو تعليق كارب كدا الجماعة جابوا سيرتك
انت علطان تاكل كفته الساعه 2 في مطبخ ندى سجم حبوبتك انت زول بطنى افضل لك اكل الهوت دوق كما قال بشه
معليش يا راجل اصلها كانت محرومة وجيعانه ثم اصبحت تقتات من عورة صوتها واكلك من ما تشتريه من مالها حرام وربنا نجاك ( كفتها ان شاء الله شيطان يعوج خشمها ويخليها تنطق العين نون )
العمل الذي تعمل فيه سائق عمل شريف بلا شك لكن يبدو ان الله يريد بك خيرا عسى ان تكرهوا شيئ هو خير لك…امشي شوف ليك شغل احسن من تلقط النقطة لأن ما شغل اولاد ناس وتأكل اسرتك من عرق جبينك الحلال
طردتو عشان اكل كفته دى فعلا جعانه
خلونا في المهم : هسع ندووية عايزة ليها سواق واللا حتسوق براها؟ أنا لا باكل كفتة ولا بدخل البيت بقعد في العربية بره
سيرجو دا بيرمى الودع ولا شنو .. من وين بتلقط الشمارات دي … قاتل الله الجوع .. نحنا ناقصين خلونا في وثبة بشة وتفسيرها
[SIZE=6]
خلاص مشاكل السودان انتهت يا ناس النيلين بقينا في مشاكل ندي القلعة والسواق ؟ طردتو واكل الكفتة وكلام فارغ ياناس الجريدة دي بقروها ناس ما سودانيين ونحن معروفين بالكرم دا شنو دا الاسفاف دا , الله يهدينا ونهتم بمشاكل السودان الحقيقية[/SIZE]
[SIZE=5]ههههههههههههههههااااي
والله جنس شمارات!!!
ضحكتونا مع الصباح.
عندي سؤال لـ “سراجو”:
بما أنّك تشتكي من مقاطعة الضيوف في حواراتك وأنّهم لا يتركونك للوصول لـ(حلول جذريّة)؛ كيف تخطّط لحوار مع هذا السائق للوصول لحلول جذريّة لتفادي الإعتداء علي أكل الفانة؟ ومشكلة من يلّقط النقطة بعد الزول ده؟[/SIZE]
ههههههههههه
ههههههههههه
هههههههههههههه
هههههههههههه
هههههههههههه
ههههههههههههه
مؤامرة اختفاء كفتة ندى القلعة في ساعات الصباح الباكر . والاصابع تشير الى المؤتمر الشعبي .
يكفتك شيطان يا،،،دنيئ.
فلقتنا ياسراج.
ارجو التصحيح اللغوي …لغتك ركيكة شديد..كاتب بلغة سوداعربي مالك؟؟؟ياأكتب بالسوداني ولا اكتب بالعربي الفصيح.ولو ماكتبت نهائي تكون ريحتنا بجد ووفرت زمنا.
ههههه يا اخي والله نحنا بقينا شعب تافه تفاهه ، دا شنو يا صلاح كفتة ، انت داير تاكل الكفتة بتاعتها و دايرها تخليك ، بعدين انت تاكل الكفتة ليه ، ما كان تاكل ليك رجلة ولا دمعة ، وانت شكلك كنت بتاكلها طوالي والمرة دي وقعت وما سمو عليك ، عليك الله شوف الزول الدرويش دا ، يكفتك شيطان يلخبط وشك ، وانت يا ندي الله لا بارك ليك لافي كفتتك ولا في مالك ، خلي الناس الجعانة دي تاكل ..قال كفتة قال ، الله يكفينا شركم وشر بلاويكم.
الموضوع لايستاهل النشر ياناس النيليين الموضوع بجد هايف جدا لاتسخفو بعقول البشر مع احترامي لكم
[SIZE=5][SIZE=4]ياسراج النعيم فكنا بالله [/
هسه القضيه دي بتخدم المجتمع في شنو ؟؟ SIZE][/SIZE]
ماليك حق ( كبير ) وتاكل كفتت ( ندى العلقه ) .. دى معمولة بالخلطة السرية .. وبعدين انته ودوك سياحة تشاد .. وبالطيارة .. واكلت كفته تشادية لمن قلته بس .. وماخد راتب .. وكشفته شيكس تشاد .. بعد ده كله تجى تقول ما ادونى حقى ..
وبعد طردتك وتعريفه ماعندك .. ومعلم الله .. امجاد شنو ليك .. ماتشوف ليك ركشة ولا مواصلات .. وبعدين ( كبير ) كده ومبارى الشفع مابتختشى .. وائل ده قدرك .. !!
اشم رائحة قصد من التشنيع بندى ,,وليس من منطلق الدفاع عن ندى فهي تستاهل يشنقوها مش يشنعوها لانها هي الفتحت الباب لتشاد واحرجتنا بصورها والفديو الاتوزعت ,,
ندى كل خلافاتها مادية وهذا يدل على انها بخيلة ومستجدة نعمة وكدا تكون وقعت في شر اعمالها ومافي زول بيقول السواق غلط لانه معاها 14 سنة ,و وبعدين من باب العشرة بالله 10 الف جنيه تعمل ايه لندى لو قالت ليه دي مكافاة لسهرك معاي وسفرك معاي ..
لكن يبدو ان ندى اصيبت بلوثة عقلية او ان اعصابها منهارة حيث مر راس السنة دون دخل يذكر والعداد بدا يقل تحت الظروف الاقتصادية الحالية وظهور فنانات بدان يكتسحن السوق وضايقنها في الحفلات .. وامثال انصاف مدني وفهيمة وحرم النور وهسي جات فاطمة عمر ودا اكيد خصم من رصيدها .ز وتكون فاقدة اعصابها
وهذه ياندى ضريبة الشهرة المبالغ فيها فكل المشاهير انتهت حياتهم بطريقة مأساوية وحزينة اما انتحار او الى بيت المجاذيب او دار العجزة من غير ان يسال عنه احد ..وانظر حولك
يا جماعة حكاية يأكل الكفتةالساعة 2 صباحا حاجة عادية ما دام هو حامل الساوند وسواق الهانم ، يعني جو راجعين من حفلة والحفلة بتنتهي الساعة 11 ولو كان هناك أوفر نايت يعني حيخلصوا الساعة الوآحده صباحا ودآب ما فكه الساوند وحملوا بالأمجاد ورجعوا البيت الساعة كانت 2 صباحا والرآجل كان مهوي وجعان دخل المطبخ ولقي كفته وأكلها … والله حاجة عاديه وخاصة ليهو 14 سنة شغال معاها .. بس ندي طلعت زبالة ، يعني لو ولدها أكل الكفته كانت حتضربوا …..
الحمدلله جات علي الكفته وطردتو لو أكل كلبها الحار ” الهوت دوك ” كانت سحبت منه الجنسية …………..
عجبتني عبارة الساعات الاولي من صباح اليوم التالي وتكرارها
سؤال يا سراج النعيم: ماذا تقصد بالتالي وتالي لي شنو؟ نصيحتي ليك تالي اقصد تاني ما تكتب عشان مستواك ومواضيعك تافهه
الراقصة والطبال
تحت رعاية المشاطة سراج النعيم
موضوع تافه وقصة تافهة
اجمل ما عجبني في المقال “ندى العلقة ”
و صلاح الخايب .
قال اكلت كفته بتاعتها الساعة 2 بالليل
نعمل لينا قنابير
لكن يا صلاح والله انت مبالغة ، هسه امكن الكفتة دي فيها محاية عشان يجيها عريس اها خم وصر إن شاء الله يطلب يدك الدكتور كوباني عشان تاني تاكل الكفتة
طردتك عشان الخيابة تاكل كفتة بدل ما تاكل الفيهو الدهن
جنس تفاهة وقلة عقل وبعدين في كلامو هو الساب الشغل عموما عموما يا سيد سراج إيه رايك نسميك سراج كفته ؟
يا ناس هووووووي هلاهلا علي الجد والجد هلاهلا عليه . الساعة اتنين صباح طردتو وتقولو كفتة ؟ كفتة شنو ياناس الموضوع خطير
ندوية يا اصل الجمال
الما طبيعى وعالى فوق
كفاية صورتك وطلتك
بدل الشمس للكون شروق
نورت صفحتنا بيك
هالات ونور وسنا وبروق
وعشان جمالك انتى ليك
يا ستى كل الناس تسوق
الناس في شنو والحسانية في شنو ( ندي القلعة طايره ) بالله عليك المساحة الكتبت فيها الموضوع الهايف ده والله لو تركته فارغ كان احسن
خلاص دي قصيدة جديدة بعنوان ( كفتتي ) ( ده شنو ياصلاح دخلت مطبخي واكلت كفتتي وقاعد كمان مرتاح ,, ده جزاي انا دخلتك بيتي تجي تدخل مطبخي وكمان تاكل كفتتي كده انت غضبتني وزعلتني ,,
لو في طريقه تموها او لو في زول عنده قصيده احسن من دي يجدعا لينا
(( كشف صلاح كبير الأسيدي سائق الفنانة ندي القلعة الأسباب التي استدعتها لطرده من منزلها في الساعات الأولي من صباح اليوم التالي بسبب تناوله (الكفتة) من المطبخ )) .
ده شنو يا ندوش حسي لو أكلتيها والراجل نفسو فيها.. أحمدي الله كان حصل ليك شيء .. بعدين ليه إنت تاكلي ( كفتة )…. والباقيين ياكلو ( نيم ) … تخجلي يا ندوش .
[SIZE=5]اها يا شمار النعيم
وداير الناس تتعامل معاك ومع كتابتك المن العينة دي كيف
بي موضوعية برضو؟؟
بلا يخمك ياخ
وربنا يفضحك في اعز ما تملك زي ما مباري اعراض وفضايح الخلق[/SIZE]
يا ندويه انا بكتب ليك فى اغنيه عن كفتتك الاكلوها مطلعه بيقول الاكل كفتتى ينضرا وانا طردو برا والتلحين عليك
ما من حقك تدخل المطبخ وتاكل الكفتة حقت عشاها ” وأكيد كانت جيعانة شديد وتمنى نفسها بأكل الكفتة .. ما ليك حق …
يا ناس ألحقونا بالحلو … فهذا الموضوع يحتاج تعليقا (حلويا) خاصا …
هو نداء دى ما شبعت من عشاء الفنانيين ولا شنو ولا الجعان عمره ما يشبع
يا اخي كان تربط بطنك وتنتظر الصباح ما كان احسن من الفضائح ديه بطنك غالبيك شكلها امراه بخيلة
ههههههههههههه
ده سواق ولا كديس
وبعدين يا ندوية كفتة شريف نيجيريا ما شبعتك
لله درك يا بلد
ندي عندها فيديو لو نزل الوتساب سوف يضيع مستقبلها ربنا يبعدو من اولاد الحرام
ياخ عليك الله انت هسي راجل شغال تلقط النقطة وتاكل الكفتة …محلك الماما يا حبيبي واحسن ليك تتمكيج وتبقي برضك رقاصة
دي كذبتا فيها 1000 بر بساوي 250جنيه انت طر
طردوك قبلي خمسه سنه البر فات الجنيه زماااااان