مأساة أم سودانية تناشد إبنها المفقود .. ” والله الروح طلعت وراك .. كنت انت بتواسيني و جيت انت وبكيتني وما خليت لي غير الدموع وعايزة البصبرني “
لاصحاب القلوب الرحيمة دا ولدي الجيلي خرج منذ 3 شهور وانا امو وعايزة اموت من خوفي عليو واخوهو مهند عيان ومحتاج ليو شديد يا اولاد الحلال العارف حاجة عنو يطمئني بس حتي لو ابني ما عايزني اطمئن انو عايش وكويس بس عليكم الله ساعدوني القاه سريع قبل الموت ما ياخدني حسرة عليو وانا عافية ورضيانة عليو دنيا واخرة بس انا ام وقلبي واجعني علي الجيلي ساعوتي الله يساعدكم
ونشرت ايضاً :
ياناس سالتكم بالله كل من يعرف ولدي الجيلي وين مكانو يقول لي اوحتي عندو مجرد شك بمكان ابني يكلمني ارجوكم ارحموا عزابي وكل واحد يخت امه مكاني ويحس بي عليكم النبي ساعدوني اني القاه وقولوا ليهو امك ماعايزة الا تطمنئن عليك حبيبي بس قول لي ي يمة انا طيب والله العظيم علاوي روحي يسمع صوتك بس كلمة واحدة ود تلفوني احتمال تكوم نسيتو 00660860438875 وتاني 0066 دا فتح الخط والرقم ابداه بصفر جاء معاك خلاص ما جاء اكتب الصفر الاول يعني جرب فتح ااخط 0066 وابداء ب 0 ماجاء اتصا من غير صفر وعندي واتساب ممكن رسالة ولاكلمة بهديك اغنية وردي تزكر لمان كنت بتسمع وردي بتقول لي عشان انتي بتحبي وردي مين قسي قلبك انت حنين علي تزكر علاوي لما يرسل ليك في الهند ويقول ليك يتولد امي شفقانة عليك طمنها الليله مالك موتني بالحياة وانت عارف قلبي انت فكيف اعيش من دونك عافية ورضيانة عليك دنيا واخرة لو قريت رسالتي طمئني ولو كلموك القاعد معاهم برضو طمني والله ما بعيش كتير خلاص بعادك هداني وشال عافيتي بوصيك بعلاوي ارجع ليهو لو انت زعلان مني معليش ياقرة عيني انت عارفني مرة جاهلة وغبية ما بقدر اوزن كلامي انا اسفة سامحني والله العظيم تاني ما ازعلك بس ارجع عود لي واديني بالشبشب لو سالتك حتي كنت وين؟ هنو محتاج ليك لو ما عشاني عشانو
يا ناس يا خلايق الله دا ابني الصغير والحبيب والعزيز علي قلبي انا ماعايزة اقل ضائع لكن بقول في حفظ الله والله معاك وانا عافية ورضيانة عليك دنيا واخرة والله مهند بسال عليك الطير في السماء حن عليو وعلي زنبنا شنو نحنا لو انت زعلان من سليمان او ناس البيت حريقة فيهم عاين لاخوك المريض بقول لي يايمة انشاءالله ايقي طيب وافتش ليك ولدك عالم ربي قربت اعمي من كترة الدموع مالك قسيت وقسيت قلبك وين كلامك لي يايمة ما تبكي ما عايزين دموع عايزين فرح مهند بطيب وببقي كويس بس خلي ايمانك قوي بالله واحسني الظن بالله وجيت انت وبكيتني وما خليت لي غير الدموع وعايزة البصبرني والبواسيني ارجع قرة عيوني ارجع حبيبي محتاجة ليك تشجعني وتصبرني وتشد من همة مهند وتونسوا وتهاظرو ياخوة الريد الريد انا ما عارفة ظروفك شنو لوكان طلوعك بخاطرك مسامحاك لكن تعال لي ولو ابيتنا بس ازكر انا ام وانت حنين علي طمئني بصوتك انا كويس يا حجة اشتقت لكلمة يا حجة ويا يمة لكن ما انت البتقسي علي وعلي هنودي لالا مهما كانت ظروفك لو في مشكلة ولو في معتقل اسال الله يفرج كربتك ويفك ضيقك واستودعتك ربي خير حافظ وهو احن مني عليك ينقزك ويفرج عنك ويطلعك سالم مسلم عافية ورضيانة عليك دنيا واخرة حبيبي يا ناس كل من شاف الصورة دي يساعدني ويدلني علي مكانو اخوهو مريض ومحتاج ليو وانا خلاص انتهيت ساعدوني القاه وربنا يجازيكم خير ياجيلي لو قريت رسالتي دي امشي لرماز وقول ليها قولي لامي انا كويس بس لانو هي كل يوم معاي وانا حية ميتة عافية عليك دنيا واخرة ربنا يساعدك وينصرك ويفرج كربتك وامنتك للخلقك في امان الله ولا تخاف ربنا معاك وعلي الظالم وبازن الله فرجو قريب قادر ربي بين رمشة عين وعين القاك قدامي بصحتك وعافيتك ( انت عارف ياجلجولتا انا مامناك لامين الوداعة يحفظك ويغطيك كان ختوك في النار ماتحرق وكان ختوك في الشارع ماتسرق وكان ختوك في البحر ماتغرق في جناح جبريل لا ينكسر لا يلين يارب لو ولدي في خشم تمساح طلعوا يارب يا من شفيت ايوب من بلواه ورددت موسي لامه وانجيت يونس من بطن الحوت وجعلت النار بردا وسلاما علي ابراهيم احفظ الجيلي ورده لي سالم وقر عيني برؤيته سالم يا جامع الشمل يا رقيب بصلاتك علي الحبيب رد ابتي وبقراء الضحي 10 مرات ويسن بالنية والله نسيت اخوك المريض وبقيت فيك ارحع ساعدني في اخوك مالك قسيت يا ولدي حن علي وعليه)(اللهم ياحافظ نوح في ااماء ويا حافظ ابراهيم في النار ويا حافظ يونس في بطن الحوت ويا حافظ يوسف في البئر ويا حافظ محمد بن عبدالله في الغار اللهم احفظ ابني الجيلي ورده لي لكي تقر عيني به اللهم افرح به اخوانه اللهم فرج كربته اللهم انه لا راد لقضائك اللهم يا من امره بين الكاف والنون ارجع الي الجيلي سالما معافي مت كل شر يالله امييييييييين )لو عايز تعرف غلاوتك والله اغلي من الروح انت حتة من كبدي ارحم اخوانك محمد اخوك بقي زي المجنون اي تلفونو يمسكل يرجع ليهو بسرعة ويتصل علي امي الجيلي كويس مسكل لي ونمشي وراء التلفون للنهاية شئ واتساب فايبر رسائل وفي النهاية تعب ساكت ومحمد اخوي بصبرني انك عايش وانك طيب ماتخافي بس قولي لا تخافي ولا تحزني انا رادوهو اليك ) والله الروح طلعت وراك في كل ظروفك امنتك للخلقك في امان الله وعافية ورضيانة عليك دنيا واخرة
نشر علي : https://www.facebook.com/profile.php?id=100000204725509
النيلين – ق ع
[/JUSTIFY]
” وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا (23)وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا (24) ” (الإسراء 23 ، 24)
[B]انا شايف الزول داء لكن وين ماعارف ؟؟![/B]
الناس ديل في تايلاتد ؟ لانو المفتاح 0066 مفتاح تايلاند !!!!
كل يوم سيناريو مؤلم أو فضيحه عبر هذا الواتساب وربنا يسهل…
نسأال الله العلى ان يكون على قيد الحياه وان يجمعها بإبنها كماونسأله ان لا يكون من الجالسين على حفر الدخان.
معذره لكن الامور بدأت تأخذ مآخذ متكرره وبطريقه مفاجئه لفظاعتها وكأن ما شخص يحمل ريموت كونترول ليبث جرعات ذات اهداف ومغزي …فلنستعد للجرعه القادمه اذن .
وبالتهيئ المستمر , نتعود على تلك المفاجآت حتى تتلاشي حدود ال Tabu (المحظور و المحرم في نظر المجتمع) وتنهار القيم والموروثات بإنهيار الحاجز الفكرى والنفسبي , بإختصار تموت القلوب .
الأبن الجيلى من رقم التليفون و الصور مقيم فى تايلند بانكوك .. ادا امكن التواصل فلدى علاقات واسعة و معرفة ببانكوك و تايلند عامة و ربنا يقدر
و نساهم بالمساعده للوصول اليه .. فقط احتاج لبعض المعلومات .. للتواصل
بريد الكترونى :tarabhadalhadal@yahoo.com
السبب شنو يخلى البيت وناس سليمان ديل منو فى انة فى القصة تانى حاجة تايلاند بعملو شنو معروفة تايلاند بجودة العلاج ورخصة وحاجات تانية ثالثا احتمال بيحاول العبور الى استراليا كندا او تكون القصة من اصلها فبركة وشاف وطلح
[SIZE=5]ربنا يجمع به لامه وتقر عينها به
والله ياسوداني ماليك حق في كلامك دا ( شنو حفرة دخان وغيروا .. )[/SIZE]
ربنا يطمنك عليهو .. ويبرد قلبك .. قادر .. كريم
صلى الصبح واذكرى الله وقلى يا جامع يا رقيب 1000 مرة
هذه ام تستنجد الأرض والسماء تستصرخ الدم واللبن اللذان يربطانها بفلذة كبدها..فوالله ابكتني بكاء الرضيع الجائع والأم الثكلى والأب المكلوم. هذه امرأة تمر بإمتحانيين عسيرين.. احد ابنائها معلول والأخر مفقود..فوالله يا اماه ما باليد حيلة غير أن نشد من ازرك ونسأل الله ان يغر عينيك بابنيك الغائب منهما يعود والمريض يشفى بإذن الواحد الأحد.. فوالله اسلت منا الدموع وقطعت فينا الكبد والحشاء فإستعيني على مصيبتك بقوله تعالى في قصة يوسف ” فصبر جميل والله المستعان…”
وأقترح على الأخوة ان يضيفوا رقم الأم المكلومة ويرسلوا لها رسائل مواساة ويشدوا من عضدها فوالله هي محن كثيرة غريبه غريبهبلاد غير ارضها غريبة اللسان غريبة الجنان غريبة المكان فيا اخوتي من يستطع منكم فليقل لها خيرا او يصمت.. حسبي الله ونعم الوكيل ولا اله الا هو رب المحيا ورب الممات.
[SIZE=4]يا اخوانا ما تشيلكم العاطفة
الفبركة ريحتا طاقة
و اوعى تضربوا لللأرقام أعلاه ما يسحبو ارصدتكم
لاحظ إن الكاتبة لم تذكر إسمها أو عنوانها كما إنها لم تذكر تايلاند رغم معرفتها بالرقم
بعدييين طالماعندها الصور دي الشرطة القبضت بتاع الدخان قادرة تجيبو
و إحتمال برضو تكون المسالة فقط إشانة سمعة لصاحب الصورة
أخيرا مثل هذه الإعلانات يجب أن تكون عبر الشرطة و بعد التأكد من الحالة[/SIZE]
[B][SIZE=4]سلام يا اهلنا الطيبيين الموضوع دا ما حقيقي والظاهر انو نوع من النصب [/SIZE][/B]
دي ام عصرية جدا من الصورة ولدها عمره 28 سنة يبقي الكبير 44. سنه اذا افترضنا انها اتزوجت. عمرها. 16. سنة وحملت وانجبت بعد سنه. يصبح عمرها. 61 سنة. عرفت المس كول والواتساب والفايبر والفيس كيف. اذا كان كلامها حقيقي تنزل رقم تلفونها وعنوانها
اللهم ياجامع الناس ليوم لا ريب فيه اجمع بينها وبين ولدها – امين
ربنا يرده الى امه واهله سالماً غانماً ..
اسأل الله العظيم رب العرش العظيم أن يعيده الي امه سالما غانما .
وان لايكلم احدا من المسلمين في ابن او ابنه.
اللهم خفف عنها وعن كل مكروب .
آمين آمين آمين
[FONT=Arial][SIZE=7][COLOR=#FF0045][B]
لا إله إلا الله.. ربنا يرجعوا ليك سالم.. والله واقسمت بالله ثلاثا.. بكيت من حرقة أمه على فراقه.. ومن الكلمات القوية الحنينة.. وييييين يا الجيلي تلقى حنية ام زي دي وتفارقها.. والله قلبي تقطع ألما وما باليد حاجة أو حيلة لكي نساعد.. ربنا يعيدك سالم غانم لأمك المكلومة دي ويرحم أمهاتنا وامهات المسلمين.. والله ما عنده ضمير او احساس رجاءاً لا يعلق على الموضوع[/B][/COLOR][/SIZE][/FONT]
الله يرده لك