سائح خليجي يهرب (50) غزال من السودان

50 غزال وما اتقبض؟

الفوضى والهملة النحن والبلد فيهم ديل حدهم وين 😡 😡 😡

لا حول ولا قوة الا بالله الله يفضحكم

بس فالحين يفنشو السودانيين ويبهدلوهم فى الفارغة والمليانة

اخا العرب طال عمرو ده عصر للجماعة كم عشان يعملو فيها نايمين

وطبعا ولا حنسمع بواحد اتحاكم ولا اترفد ولا اتحاسب

حسبى الله ونعم الوكيل بلد ما عندها وجيع

;( ;( ;(

من المؤسف حقا حدوث مثل هذا التسيب و عدم المسؤولية من جهات الاختصاص فى هذه المواقف و تجدهم دوما يقفون ضد المواطن و ينبشون متاعك و يرفضون لك بحمل زيت السمسم المانقا الكركار خمرة زيت المحلب و هى من اساسيات المراة السودانية ؟
و من اهم متطلبات المراة فى الغربة لعدم توفرها بنكهتها و جودتها و اتقان صناعتها بالرغم من توفر المواد الاولية ؟
لكن نقول شنو غير أن الله اكون فى عون السودان و يهدى اصحاب العلاقة بالامر و يخافوا الله فينا و فى ثروات البلد و يبعدنا عن كل المتربصين و الحاقدين و المنافقين انه سميع مجيب .

خبر هام اعلنت وزارة الداخلية عن ترقية كلاً من (فلان وفلان وفلان وفلان) وذلك لقبولهم بالرشوة وقاموا بعملهم على اكمل وجه – وبيعهم لخيرات البلد بأرخص الاثمان – والله من وراء القصد – يعني حا تسمعوا شنو غير كدا ابكوااااا سااااي – وقولوا لي المترقين الف مبروك 😡 😡 ;( ;( ;( ;( ;(

آي .. ما البلد سايبة وما عندها وجيع ..

أصبح السوداني عشان القرش يسوي أي شيء ويروح السودان في 60 داهية ..

أصبحت سمعتنا برة زي الزفت نتيجة التساهل مع الأجانب والزوار في جميع ما يخص وجهنا الحضاري وبيئتنا وشرفنا حتى ..

هذه تسمى رحلات قنص والخليج كله يتحدث بيها ويقولوا السودان أحسن بلد للقنص عارفين لييييه ؟؟؟؟

لأنهم يمشوا هناك يلفوا زي ما عاوزين ويصطادوا قدر ما عاوزين ويرجعو محملين وشبعانين ونحن الشعب الحمار لا من شاف ولا من دري .. والشاف عامل نايم ويروح السودان في 100 داهية عشان حبة قرشين ؟!؟!.

وهنا في الخليج بيحافظوا على ثرواتهم سوى كانت برية أو نفطية أو أياً كان وعندهم هيئة بيسموها حماية الحياة الفطرية .

أنا غايتو ما عارف بقدر ما الحكومة دي أوجدت لينا نوع من الكرامة بقدر ما أوجدت أشياء في مجتمعنا كنا سابقاً نفتخر بأنها غير موجودة عندنا وقتلت قلوب الناس وأصبحوا باردين تلج لا حرارة قلب ولا نخوة ولا شهامة … الخ والمواقف اللي أنا شاهدتها ومريت بيها كثييييرة والبسمع بيها برضو ..

كان الله في عون السودان .. زي ما قالت واحدة أختنا زمان الله يطراها بالخير (الرجال ماتوا في كرري ) لكن نقول الرجال ماتوا مع الإنقاذ .

طبعا يصيد 50 غزال عشان ناس الحياة البرية لمن يلقو سيد البلد(اولاد البلد) ضاربين غزالة واحدى تعال شوف البهدلة مصادرة عربية مصادرة السلاح معينات الصيد كل نفر فى الرحلة مليون يستاهلو انشاء اللة مايخلو ليهم غزالة واحدة الخلايجة وبعد ماقبضو انشاء اللة يعملو لية حاجة بتقع فى راس العساكر المشو معاة وهو صاحب الجرم بطلع منها زى الشعرة من العجين ناس سفارة بجو يستلمو عادى ويمشو:mad:

هو فى زول جايب خبر حاجة من اصلو ما الدنيا خربانة عندنا وكل زول بشوف مصلحتو وين وما فى حد فاضى يحاسب ليهو حد ولا غرضم فى السودان ولا اهله انشا الله يتباع كله هم مالم وملو عايزين يمشو حالهم بس ربنا قال كلكم راعى وكلكم مسؤول عن رعيتة والسودان ليهو رب اسمو كريم هو الشايف وعالم بكل شئ وانشا الله ربنا يحاسبهم فى الدنيا قبل الاخرة ونحن سودانين وبندعى على كل خائن ربنا يورينا فيه لانه نحن ما بنقدر نسوى شئ غير الدعاء مش لاننا ضعفاء و ما قدرين لانه الناس كلها ساكته واليد الواحدة ما بتصفق لو الناس كانت متضامنة على الحفاظ على البلد وعلى ممتلكاتها وغيوره على اهلها ما فى الاانانية وحب الذات وكل زول بقول يا روحى وحريق تحرق البلد بالفيهو ما كان بتحصل مثل هذه الاشياء الغريبة وين الايمان بالله وبحب الوطن. ناس تموت عشان تحمى وطنها وناس بتبيع وطنها بما فيهو بابخص الاثمان .سبحان الله. حسبى الله ونعم الوكيل.

أكيد الجمارك كان لديها خبر,وأسألوا عنهم مساعدى التخليص الجمركى يطلعوكم بأشياء يشيب لها الولدان,وأبسط دليل فليسأل مدير الجمارك ضباطه الذين لا يتعدون فى رتبهم رتبة الرائد من أين لهم بالعربات الكوريلا التى لا يركبها حتى قادتهم,والتى يحرصون على ايقافها بعيدا عن المطة الجمركية التى يعملون بها وخصوصا ببورتسودان والخرطوم وحاويات سوبا وقرى.

ياجماعة ميناء سواكن الرشوة حاجة عادية جدا وتسول الجنود والضباط في البواخر وضاح للعميان والله يستر السودان

مامفروض يمسكو المواطنين المفروض الجهات التى اتمت هذه العملية واكيد اخدو فيها قروش وبعتبرة انا دى خيانة للبلد ويستاهلو ضرب النار والمثل بقول حاميها حراميها

بلد ذات ضوابط امنيه وجمركيه وكمية موظفيين في الجمارك كيف عدد 50 غزال

تمر بدون رقابه جمركيه وبدون تفتيش عفش وين الرقابه الامنيه علي الجمارك

وين مسؤل الفتره أو المراقب الجمركي علي العفش الصادر وين أمن الجمارك

وين ؟ وين ؟ وين ؟ وين ؟ الف سؤال بدون جواب

الان البلد دخلت فيها كم هائل من الاجانب لا ظابط ولا رابط ياخوانا لازم الضبط

والربط علي كل داخل وخارج وعلي الصادر والوارد وعلي كل شارده ووارده

سوف يسألكم الله عز وجل يوم الموقف العظيم يوم لاريب فيه