الوطني: اشتراكات عضويتنا (8) مليار جنيه شهرياً

يعني عايزين تقولوا نحن ما بنسرق .. عضويتنا هي البتسرق وتجيب لينا ..

بهذا التصريح زادت قنابير السودانيين كمان قنبور .. اللص الاسلامي محي الدين عثمان حرامي الاقطان اعترف في 16/9/2013م أمام القاضي بانه تبرع بجزء من المال المسروق موضوع القضية في مسلسل فساد الاقطان بقيمة (700 الف) سعودي أو مليار و400 الف بالسوداني للمؤتمر الوطني؟؟؟؟ الغريب انه لا المهندس حامد صديق ولا اي جلوز من المؤتمر الوطني طلع ونفى الحكاية او انكرها. والموضوع كله لا يحتاج الى درس عصر. فالمؤتمر الوثني ليس بحزب وطني او أهلى شأن بقية الاحزاب، وانما هو حزب الحكومة المصنوع بامكانيات الدولة وموارد الدولة التي هي السودان، وهو المسيطر على برلمان النوام والولايات والمحليات والمعتمديات والمستشاريات. الادهى من ذلك انه لا يوجد ولو خيط رفيع يميز لنا بين المؤتمر والحكومة ولا حتى يفصل بينه وبين الحركة الاسلامية ست الجلد والرأس. انه تنظيم ماسوني بالف وجه ووجه، حتى صار افتتاح الحكومة لمردم للزبالة يعتبر انجازا للمؤتمر الوطني ويجير للكسب الحزبي لترسيخ سلطة الانقاذ التي لا زالت تخشى من استماعنا للبي بي سي وترتعد فرائصها من مقال لكاتب نظيف. أدونا الحرية عشان نوريكم من وين المؤتمر الوثني بجيب تمويله. يا باشمهندس الناس بتدخل المؤتمر الوطني عشان تآكل عيش لا أن تتبرع للحكومة باشتراكات لا تكفي لبث ساعة واحدة من الدعاية الكاذبة على قناة الشروق بتاعتكم.. سينتصر المؤتمر الوثني ويتقدم وربما يسود العالم أجمع ولكنه لن يتقدم بالسودان قيد أنملة، حتى تدمرونه قطعة قطعة .. ومبروك عليكم فقد دق شباب السودان ابواب دولة اليهود هربا من دولة المؤتمر الوثني.

هو حامد صديق دة منو كمان ؟؟؟؟؟؟

[SIZE=6]
متي تستحون …؟

كفاية قرف ………..

تأكدوا أن جابتكم الانتخابات تاني أن في الامر مؤامره

وأنه يراد بكم شــرا كبيرا
[/SIZE]