رياضية
التلفزيون السوداني يعلن إنطلاق قناتى الهلال والمريخ
اعلن الاستاذ محمد حاتم سليمان المدير العام للهيئة السودانية للاذاعة والتلفزيون امس عن اقتراب انطلاق بث فضائيتي الهلال والمريخ على ان تكونا مشفرتين لجماهير الناديين وتهتمان بنشر اخبار الناديين المتعلقة بالاستحقاقات الداخلية والخارجية وذلك دعماً من الهيئة لتطوير كرة القدم السودانية والرياضة بصفة عامة .
جاء ذلك لدى زيارته لنادي الهلال ومن ثم متابعته للتدريب الرئيسي للمريخ مساء امس باستاد الخرطوم .من جانبه اكد رئيس نادي المريخ جمال الوالي انهم في نادي المريخ يرحبون بالفكرة وسيشرعون في انطلاق فضائية المريخ في القريب العاجل ومرحبا بالاستاذ محمد حاتم سليمان ومشيداً بحرصه على متابعة التدريب الرئيسي للمريخ استعدادا لمباراة الغد امام الفريق الرواندي .
صحيفة قوون
الاخ المدير العام
الفضائة القومية مافى زول بيشاهدها خليك من ان تكون امثال الامراض الهلال والمريخ -ارحموالمشاهد السودانى وجود القومية اذا كنت جادى
بالل عيك مخك يقول ممكن يشترك واحد في قنوات مشفرة للهلال والمريخ ؟؟ عشان يشوف ايه 7 صفر واربعة صفر ويمكن يشوف صلاح ادريس يدي شداد بنية .. لا ولا ممكن يمكن جمال الوالي يدي حسن عبد السلام كف …
سيبونا بلا مرض وعفن كورة سودانية لاتسمن ولا تغني من جوع ..
الخطوة جميلة بانشاة فضائيات خاصة بالتيمين لكن الطبزة العملتوها حكاية مشفرة يعنى المابدفع ما يشوف والماعندو مايعرق اخبار النادى البشجعه عموما انا حا اشترى هذا الديكودر الجديد الما بتقيف قدامه شفره وبرضوا حانشوف هاتين القناتين وحا اعزم الاصدقاء وكل من هب ودب لؤية هذه القنوات عندى مجانا وكمان معاه واحد شاى سليمانى او قهوة مجانى ياناس حرام عليكم حكاية الشفرات دى يعنى باقى الشعب السودانى العظيم ما يشوف اخبار ناديه الا يدفع ومن وين يا احباب حرام عليكم العليهم ما مكفيهم كمان طالعين ليهم بى شفرات
فضائية الهلال وفضائية المريخ طيب وين فضائية الموردة والاهلي وبيت المال والخرطوم 3 ؟
بالله انتو ما بتستهبلوا يااخي اقدروا اعملوا برامج للفضائية السودانية المافي زول بشوفها بعدين فكروا في قنوات رياضيه متخصصه مش قنوات عشان نشوف الهزائم النكراء وفضائح الكورة السودانية اقليميا وقاريا.
بعدين في قناة المريخ او الهلال حنشوف شنو ؟ التمارين ولا الكورتين ثلاثه البلعبوها في التصفيات الاوليه من كل بطولة ويرجعوا خائبين .
خلااااص يا ليفربول ويا تشيلسي …