إصابتها خفيفة : عربة سفاري تصطدم بطفلة بامدرمان
شهدت مدينة أمبدة الحارة الخامسة أمس حادث حركة مؤسف لمدافع المريخ الدولي محمد علي سفاري حيث إصطدمت عربته بطفلة صغيرة أثناء عبورها للشارع مما سبب لها الأذى وتم نقلها لحوادث أمدرمان بموجب أورنيك 8 ثم فتح بلاغ بالحادثة وباشرت السلطات تحرياتها في الحادثة . هذا وقد هب الوسط المريخي لمتابعة الحادثة حيث كان المدافع سفاري في طريقه للمشاركة في تمرين الفريق باستاد المريخ قبل الحادثة ولم يشارك في المران لمتابعته لعلاج وإسعاف الطفلة . هذا وقد أجرت صحيفة الدار اتصالاً بالمدافع الخلوق سفاري لمعرفة تفاصيل الحادث واكد بان الطفلة تعرضت لإصابات خفيفة وقام بنقلها للحوادث بامدرمان واجريت لها الأشعة والتي جاء التقرير الطبي بأنها سليمة وأنه أعادها لمنزلها والوقوف بجانبها وإطمأن علي سلامتها وتمنى لها دوام الصحة والعافية واكد سفاري إنضمامه لمعسكر المريخ لقيادة الفريق في مهمة وطنية امام اتراكو الرواندي بالسبت .
اكيد مخلي بالو في التمرين00بس ا لحمدلله جا ت سليمه00وخلي تاني بالك يا حبيبنا بس الطفله دي حتطلع هلاليه مره0000
الف سلامة للبت وربنا يشفيها وكفارة لكابتن سفاري
طبعا جاري ما مصدق انو ساق عربية ( كرت)
تلقاه سايق عربية 2009 00000 ارزاق يا دنيا وناس فوزي وشوقي والكوري سايقين موديل 67
ياأبو الليل ماتخليك حاسد وعينك حاره أنت عشان ماشي كداري ولاشنو كلو زول بي رزقو وسفاري يستاهل يركب طياره خليها عربيه موديل 2009 وناس فوزي يسوقوا الربنا قسمها ليهم .قول الله أكبر خلي عينك الحاره دي تبرد:lool:
عيب تقولوا اصطدمت عربة سفارى يعنى عشان لاعب معروف والصحيح ان اللاعب دهس او ضرب بعربته طفلة وهذا حادث يحدث كثيرا وكل يوم ولكن كتابة الخبر كان الطفلة هى السسب او ان اعلربية ماشة بدون سواق
نرجو اختيار الصيغ المناسبة من الصحف السودانية التي نشرت الخبر
كفارات للطفلة وليك يا سفاري وبطلو حسد يا ناس الود دا يستاهل كمان وكمان …. وخلي بالك المرة دي جات بسيطة وما معروف عيون الناس دي تعمل فيك شنو ياكابتن
رقم اني هلالابي ع السكين بس سفاري والسعودي ديل عندهم معزة
خاصة … لانهم شباب خلوقين ومهذبين …
عشان كدا بالجد ناسف لي سفاري والحمدلله جات سليمه
وكفارة للبت عمرها طويل انشاءالله ….
أهه خد دي كمان ؟! نحنا مالنا ومال سفاري وعربة سفاري وتمرين المريخ ذاتو كمان .. ما كل يوم ناس بتدعس وناس وبتندعس وما فيش حد جايب خبرهم .. حوادث بصات يموت فيها العشرات والموضوع يعدي زي السلام عليكم ..
والله خايف يجي يوم ونبقى ( والظاهر بقينا خلاص ) شعب يجمعه الطبل ويفرقه السوط ؟؟؟