سياسية
السودان : د. الكودة جهـــــاز الأمن السوداني يستعين بالسحرة والمشعوذين لإيذاء المعتقلين !
وانا من الطائره المصريه وتحت قبضة خمسه من ضباط الامن ومن علي السلم وقبل ان تحط رجلي علي ارض المطار قال لي احد الضباط وهو صاحب لحية كثه وبنطال قصير ونحن في طريقنا الي المعتقل : ( ما كنا نتوقع من شيخ مثلك يفعل ذلك ) فقلت له وعلي الفور : ( اسكت يا مرتزق ) فرد مندهشا : كيف ؟! فقلت له : كيف تستطيع ان تستمر علي وظيفتك هذه ان لم يسمعوا منك وانت توجه لي مثل هذا القول فتدخل مباشرة احد العقلاء منهم مهدأ للأجواء وانا بعد الوصول ومن مكتبهم بالعمارة والي مكان غرف الاعتقالات فإذا بشاب وسيم لا يتجاوز عمره الثلاثين يقف من داخل غرفته ممسكا بالباب من الداخل ويتحدث وبصوت عالي مرة باللغة الانجليزية ومرة بالعربيه ولساعات طويله
ويكرر ذلك يوميا وبعد ايام سالت احدهم ممن كان يحسن المعاملة لي : الزول ده مالو ؟ قال لي : مجنون فقلت له : والأمن ماله ومال المجانين ده مكانه مستشفي التجاني الماحي فقال لي : جن هنا ثم أردف قائلا : يا مولانا ديل ما الناس ألما بصلوا ولا بحصنوا رقبتهم
ثم علمت وبعد ذلك وللأسف الشديد ان هذا الجهاز ما يطلق عليه بجهاز الامن والمخابرات يتعامل مع مشعوذ ين وسحره لإيذاء المعتقلين وكان ذلك الشاب من ضحاياهم فيرسلون المردة من الجن والشياطين والعياذ بالله لإيذاء المعتقلين
ووالله العظيم ثلاثا لو حدثتكم بمحاولاتهم من ذلك مع شخصي لطال المقام ولكني توفقت بعون الله من هزيمتهم شر هزيمه ورد كيدهم في نحرهم بكل من سورة البقره وآل عمران وآية الكرسي وأذكاروتحصينات اخري كثيره
اني اعرف ان بعضا من الناس لا يؤمن بذلك ولكني أؤمن به تماماً كايماني بالله عزوجل وبرسوله صلي الله عليه وسلم
ولولا وصايابعض الصحابه ومنها : ( حدثوا الناس بما يعرفون أفتريدون ان يكذب الله ورسوله ) لحكيت لكم العجب العجاب مما جري لي من محاولاتهم هذه تجاهي
ولكني خرجت من المعتقل بحمد الله بزيادة من الإيمان علي ما عندي من ايمان بالقرآن ومعجزاته .
وكان الكودة قد وقع بكمبالافي يناير 2013 على ميثاق تحالف مع الجبهة الثورية المعارضة للحكومة السودانية ، مما دعا السلطات الأمنية لإعتقاله فور وصوله من القاهرة التي كان قد جاء إليها من كمبالا عقب التوقيع على الميثاق .
سوداناس
يا راجل ! اخجل من كده كلام
هذا آخر ابتداعاتك ؟
ولما هو فيهاسحر ما كان يسيطروا على الحركات ويقيدوك بجن كااارب عشان ما تمشي للجبهة
المتكلم لو غبيان القراء يجب أن يكونوا واعيين
ياخى قوم لمها ,, انت واحد عفنان ساكت
ياحليلك ياالكوده خلاص بقيت تخرف !!!
لو كلامك دا صاح . كان أزوك انت اول زول
قلت لى تانى الداير يعمل ليهو عمل ” رااااااااابط ” يمشى ناس الامن .. و الله كان كده تانى نسابتى تعبوا تعب ..
ههههههههههههههههههههههه الله يشفيك ي عمك
ياخي لو الناس دي بتعمل كدا كان نقد رحمة الله عليه بلقط ورق 🙂 ولا صحي ي الاخو نقد كان زي اب دفان يغطس بالسنين المهم خليك من نقد نشوف من الجماعة الشفوت بتاعين المعتقلات الركب الشارع وبقى يلقط ورق منو ونجيك تاني
داير تعمل لنفسك داعيه بعد ماراحت ليك ي كابتن كابو كان ليـــــــك ي كوكو
الخوف يكون ناس عرمان العملوا ليك العمل (وانت مش داري وكدا)
بصراحة ي الاخو (واسعه شويتين ي عمك)
معروف عن السياسة انها قذره .. والشغالين فيها قذرين .. وبصراحه مبلوعه لسببين : الاول لصقة ربع قرن دى ما ااااااا شغل بنى ادمين
والسبب التانى : بيستعينو بى اخوانهم من شياطين الجن .. وانا واخويا على ابن عمى .. والفطامة من الورق الاخدر صعبه بالحيل للبيضوقو
بالله نقول لمنو اخجل للموقع ولا للبيتكلم .. هذا الرجل يبدوا انه مخرف او انه مهووس وهو دائما يبحث فيما يكون بهشاذا ليلفت الاعلام ولذا هو اول معتقل يخرج لنا بمثل هذه الحكاوي ، والتي اراد منها ان ينطلق مسمى او تعبيرا ماشبه لبيوت الاشباح ..
طالما انت براك بتقول بتقرا وتتحصن يعني عندك مساحة من الزمن وهم لو عايزين او فعلا بينتهجوا الكلام دا ابس حاجة يختوك في مكان انجس من مخك المزرنخ دا ويبعد عن التحصين والحرز ,, وزي مابتقول بيرسلوا الشوايطن يا شيطان ممكن برضه يسرلوا الجان المسلم الممكن يلخبطك فوق تحت ..
يا اخي خليك عاقل وخليك عندك منطق وترفع عن مثل هذه التفاهات ولو عندك راي او نشاط سياسي اطرحه بعيدا عن افكار لاتدل الا على جهلك الديني والسياسي ..
يا شيخ لما وقعت على ميثاق الفجر الجديد الشياطين طمعوا فيك براهم بدون ناس الأمن ما يكلفوهم … بس دا كل الموضوع.
قال لي احد الضباط وهو صاحب لحية كثه وبنطال قصير ونحن في طريقنا الي المعتقل : ( ما كنا نتوقع من شيخ مثلك يفعل ذلك ) فقلت له وعلي الفور : ( اسكت يا مرتزق )
+++++++++
صاح يا صلاح ، إنت قايل في راسنا في قنبور
كل إناء بما فيه ينضح , قوم بلا خبل و خطرفه , فعلا تشبه الجبهة البقرية , لم نقبلك و انت محشور حشرا وسط العلماء بدون مناسبة براسك الخاوي حتى نستمع الى هذه التخاريف التي تشبهك !!!!!!!!!!