نقل الترابي الي سجن بورتسودان

يارب ارحنا كما ارحت الرسول من ابوجهل ……… كل مشاكل السودان من هذا الدكتور لانه باحث عن السلطه وبس والسودان واهله لا يساون شيء عنده اللهم جازه بكل قبيح عمله وتركه في اهل السودان من فتن والله الناصر

حسن الترابى وأعوانه يستنكرون إعتقاله وهو الذى ملأ سجون السودان حتى فاضت بمن كان يعارض سياسته الخرقاءمنذ عام 1989 وحتى 1999 ، وهو الذى سن القوانين ليقمع بها أعداءه والحمد لله اليوم تطبق عليه ما جنت يداه من قوانين يبكى ويشتكى منها اليوم لأنها طبقت عليه ، إن ما يدعوا له حسن الترابى ونائبه الهارب من العدالة المدعوا على الحاج بخصوص تسليم رمز الأمة وقائدها الرئيس البشير لما يسمى المحكمة الجنائية تدل على أن الرجلين فى حالة يأس وإحباط من فشل مشروعهم الإجرامى لتفجير الأوضاع فى السودان والسعي لإطاحة البشير وقد أعيتهم الحيل والسبل فى تنفيذ مشروعهم الإجرامى ولم يتبقى فى جعبتهم إلا سهم صدئ واحد هو ما يسمى بالمحكمة الجنائية والتى يعولون عليها كثيراً لتنفيذ ما عجزوا هم عنه ، إن الذى يستحق الوقوف أمام العدالة السودانية ولا أقول الدولية ( لأننا لا نؤيد محاكمة سودانى مهما كان بيد من لهم أجندة ضد السودان ) هو حسن الترابى ومساعده الأيمن المدعوا على الحاج لمحاسبتهم على الجرائم الشنيعة والتى إرتكبوها طوال 10 أعوام ولا زال جسد الأمة السودانية يعانى منها ، إن المثل القائل ( الإختشوا ماتوا ) و ( رمتنى بدائها وإنسلت ) ينطبق على هذين الرجلين الذين يريدان أن يرميا البشير بما فيهما ويخرجوا منها هم ( كالشعرة من العجين ) إن سياسة الفهلوة والبلطجة والحنك السنين لم تعد تجدى نفعاً فقد ولى زمانها وما عاد شعبنا الواعى ينخدع بغث القول من هذين الرجلين ؟!

بعد تأسيس حزب جبهة الميثاق الاسلامى و اذكر و نحن فى المرحلة الثانوية العليا بام درمان انطلقت المظاهرات الطلابية بسبب ارتفاع سعر السكر فى عهد حكومة مايو و بحكم سيطرة الاخوان على كل اتحادات الطلاب بمختلف المراحل الدراسية و هذا للتاريخ ؟ لدى اخ عزيز و صديق ينتمى الى الاخوان المسلمين و بايعاز من حزيه خرج من السودان الى ليبيا عبر مليط برا و شاء القدر ان تكون نهايته رحمة الله عليه فى الصحراء ظماءا الا رحمه الله و اسكنه فسيح جناته .
و اما الذين وصلوا الى ليبيا فكان مصيرهم الضياع وفقدوا مستقبلهم الدراسى و اصبحوا عمال فى قطاع المعمار و منهم من عاد الى السودان و منهم مازال مجهول المكان و كم من اسرة مكلومة ضاع بنوها بسبب هذا الترابى الباحث على السلطة و حكم السودان مهما كلفه ذلك من ثمن من سفك دماء و اذلال للسودانين و التحالف مع الشيطان الاكبر للوصول الى سدة الحكم و لكن هيهات دا بعدك يكفى ما انابنا و الملاحه فى انتظارك

المشلكة مافي حسن الترابي المشكلة في القاعدين في نفسنا ديل ،،، كلهم بحملو نفس افكار الترابي وكلهم تجار دين وحرامية سلطة وكراسي والفرق بينهم انهم في السلطة خليهم يكون برة والله يعملو اكثر من شيخ حسن !!! نسأل الله ان ينقذنا منهم جميعاً ،،،، ومن ينقذنا من منقذنا ؟؟؟؟؟؟

عمك الترابي عفوا الشيخ حسن الترابي ماممكن يعيش بعيد عن الاضواء حتى لو يدخل السجن وكل مره الحكومه تطنش منو يقول يطلع ليهو بي فتوى غريبة او يصرح تصريح بتاع مخرفين عشان الصحافة تتكلم عنو او الحكومه تعتقلو ، والله الحكومة لو طنشت منو وخلتو يهضرب زي الواقع من جمل كان اتهدّ من زمان ومسك محلو .

انشاء الله كمان يودو خلف الشمس دا اكبر مصائب وبلاوى السودان

هذا يوكد بان الموتمر الوطنى غير مستعد للديمقراطية وتنفيذ:rolleyes: ماكتبة فى دستورة الفاشل وا;) ن الحركة الشعبية -الخجلو ماتو:cool:

مع اختلافي في ما طرحه الترابي بشأن تسليم الرئيس لنفسه ، ولكنني اعتقد ان الخطاأ الاكبر هو إعتقاله من ابنائه الذين كانوا بالامس يخافون منه واليوم اصبحوا يتطاولون عليه . علينا اولا احترام قيادات السودان جيمعا فهم اعلام الصادق المهدي ومحمد عثمان الميرغني وحسن الترابي ومحمد ابراهيم نقد ……الخ الذين قدموا كل عمرهم من اجل السودان ماذا قدمت انت؟؟!! عندما نحترم قادتنا وزعمائنا جميعا باختلاف مشاربهم في ذلك الحين نكون قد عرفنا لغة الاختلاف والحرية والديمقراطية وفي ذلك الحين سيكون السودان على اعتاب نهضة سياسية واستقرار .
والله لو ترك لقادة السودان هؤلاء ان يجلسوا جلسة لحلوا مشكلة دارفور ولكن كيف مع دولة قوامها اجهزة وسلطة امنية قابضة رادعة لا ترعى في مؤمن إلاً ولا ذمة …
اما الالفاظ الجارجة والعبارات النابية والمقززة فهي لم تقدم امة ولا تطور شخصا وانما هي خصما عليك .
اتمنى للسودان التقدم والتطور وان يتم انتقال السلطة الى الشعب الشي الذي لا اظنه سيتم من هؤلا المتنفذين الحاكمين حالياً .