سياسية
نافع في المتمة الجمعة والمواطنون يطالبون بنصيبهم في المشاريع الاستثمارية
وفي سياق آخر صعّد مواطنو الريف الجنوبي للمحلية بالقرى المحاذية لمشروع طابا الزراعي من لهجتهم بشأن منحهم حقوقهم وتحديد مساحة المراعي وتوظيف وتخديم أبنائهم في المشروع وعدوا زيارات وجولات وفود حكومة الولاية والمحلية وشركة الروابي المنفذة للمشروع عدوها وعودا مضافة إلى وعود سابقة دون تنفيذ. بينما جأر مواطنو قرى ريفي ود حامد بالشكوى نتيجة طول أمد وعود إعطائهم حقوقهم وتسليمهم رشاشات للزراعة وفتح مسار لحركتهم من خلال سور مساحة المشروع للعبور إلى المراعي بدلا من المشوار الطويل. وأوضح عدد من المواطنين أنه وبدلا من إعطائهم نصيبهم في مساحة المشروع فوجئوا بآليات تتبع للشركة اللبنانية المنفذة للمشروع تحفر الأرض خارج السور فاعترضوها وتجددت الخطوة أمس (الثلاثاء) وفتح المواطنون بلاغا بالحادثة بقسم ود الحبشي. وطالب عدد من المواطنين بتوصيل التيار الكهربائي لنحو (20) قرية بريفي ود حامد
صحيفة اليوم التالي
[/JUSTIFY]
نفسى اعرف الاستثمار الغبى ده البلد بتستفيد منو شنو
لا بيشغل مواطنين ولا بيعمل خدمات اجتماعيه وكمان الحكومه بتقول انهم ما ملزمين يودعو عائد النقد الاجنبى فى البنك المركزى
يعنى بقينا زى المرة البتاجر رحمها بس تاخد حق الايجار مرة واحده وتمشى
نفس المشكله دى عندنا فى مشروع زايد الخير
استثمار أجنبي عشان يزرع برسيم؟ – ليه ما توزع الأراضي على مواطني بلدك في شكل حيازات صغيرة عشان كل زول يلقى شيء، وتوفر لهم المدخلات الضرورية البسيطة؟ عايزين تجيبوا ليهم أجانب عشان يذلوهم؟ ويعطوهم فتات وياكلوا خير بلدهم لا حمدة لا شكرة ؟
يا كافى البلاء وسادل النعم انتو الاستثمار والطرق دى غير مناطق اهلكم ما تعملوها ما خلاص شبعتوهم خدمات طرق كهرباء مويه واستثمار خلاص شوفوا غيرهم السودان وااااسع والاراضى شاسعه اتقوا الله يا نافع وامثاله كلكم راع وكلكم مسؤول عن رعيته….