معلق رياضي شهير يطلق ألفاظاً نابية على أثير أم درمان

مية مرة قلنا ليكم مجتمع الكورة ده كلو ………………………… ساكت انتو ماصدقتونا

قال شنو يا ناس القولات

يا جماعة حرام عليكم ايه يعنى المذيع تلفظ ما دة مغبون وكمان المهزلة كانت قدام عيونو دة لواحد تانى ماكان اتلفظ وبس دة كان شاف ليه بسطونة وطوالى على لاعبينا وضربا فى السوق والاعناق

والله بس فالحين في الفضائح … الزول أصلاً الناس سمعتو في الراديو … وبعدين بعبر عن احساسو بالمرارة عشان منتخبنا تعادل مع جيبوتي ومعروف منتخب جيبوبي منتخب ضعيف والمصريين غلبوووه 4/0 يعني بالجد حاااجة تقرف الواحد … ثم ثانيا لو كان بنسبة واحد في المية شك انو المايك المباشر مفتوح ما كان بقول كدا … يعني لازم تدفنوه وتشوهو سمعتوا …

ما كان في داعي عشان تنقلو الخبر دا من جريدة الصحافة وتعملوا ليه زفة … اصلا قدر السمعو كلامو في الاذاعة فيهم الخير وعندنا خبارين وبتاعين شمارات اسرع من موجة الاثير وبكملو الناقصة … ولا لازم تبلو ريقكم من الشمار دا ؟؟؟

زمان عملو سمعة ونشر غسيل للدكتور بتاع صحة وعافية وقالوا فيه كيت وكيت … يعني كان بحصل شنو لو الراجل اتحاكم وستروا عليهو .. ما تستروا على الناس … أي واحد يغلط غلط بقصد ولا بدون قصد تدمروا حياتو وتخلو غلطتو ملاحقاهو وين ما يروح ؟!!!!!!!!!!!!!!!!!!!!! 😡 😡 :crazy: :crazy: 😡

الكلام لوخلطه خلاص تعملو ليو كشبره واوهام

😉 دي فرصة للمذيع إنه يستغفر ويتوب لربه , ويحمد الله إنه ما زال عايش ويقدر يكفر عن المصيبة العملها دي.
أنا متأكد إنه الإنسان دة فيه خير ,فالمفروض يحمد ربه إنه انتبه قبل ما يموت !
أما المجتمع الرياضي فهو في غاية السوء , ومجتمع الغناء أفجر وأشر منه
;( أتمنى أن لا أقولها … ولكن نسبة كبيرة من المجتمع السوداني في سيئة جداً.

ليه ماعلقتوا على الفاظ اكرم الحاده مع المدددييير الفني ليه ما انكرتــوا قـذف اشــارة الكابتنيــه للكابتن السعودي عند استبداله ( قمــة قلة الادب وعــدم الاحترام ) انا لو مكان المدير الفني او الاداري للمنتخب المهــزوز لطرتهم جميعا ورجعتهم للسودان بدل المهازل امام جيبوتي المغمــور ( بلاش دلع وقلت ادب ، افضل منها عدم التمثيل ) وبي الحاله دي مامنتظرين منهم فائــده للوطن الحبيب ( لابد من ادخال معنى الوطنيه في رؤوسهم وامخاخهم التى افترت كثيرا …. والله المستعان

من كان منكم بلاخطيئة فليرمه بحجر

خطأ كبير وقع فيه المعلق ويجب محاسبته حتى لا تتكرر مرة اخري مثل هذه الامور.
انا لم اسمع ما قاله المزيع ولكن هذا الخطأ اشترك فيه الاخرين عن قصد او بغير قصد.
كان يجب ان يتوقف النقل بمجرد ان انتهت المباراة وبعد ان يحول المزيد او المعلق الميكرفون الي الاستوديوهات.
اين الكنترول ومتابعي البث الازاعي او التلفزيوني تخيل ما حدث من قبل تقبيل احد المزيعين لزميلة له او غيرها من المشاهد او سماع الفاظ بذيئة كل هذ الاخطاء تنتج ويجب ان يحاسب مسئول الازاعة او التلفزيون قبل هؤلاء الضحايا .