” صلاح ولي ” .. على عينك يا تاجر : أنا دفعت للإعلام ” قروش ” عشان أظهر
سقت هذه المقدمة لأعلق على حديث ” مهرج ” أو ” أراجوز ” استضافته قناة النيل الأزرق قبل فترة في سهرة ” تقاسيم ” وأظن أن أسمه ” صلاح ولي ” وكان برفقته أثنين من قامات النقد والغناء عندنا وبكل أسف كان الأستاذ ميرغني البكري حاضرا وكان الدكتور الدرديري ” ديكورا ” للسهرة عمل بعدها ” ككورس ” مع صلاح ولي .
وقد شدني حديث الضيفين على الفنان صلاح ولي فأيقنت تماما أنه ” قنبلة ” فنية جديدة فجرتها قناة النيل الأزرق عبر سهرة ” تقاسيم ” ولكن سرعان ما غنى الشاب ” صلاح ولي ” وليته لم يغن !!
ليس من حقه تقييم صوته وأداءه لأنني لست مخصصا وهذا نتركه لأهل الاختصاص ولكن استفزني جدا حديثه عن الإعلام السوداني ” صحافه إذاعة تلفزيون ” وقال أنه ” يدفع ” للإعلام منذ بداياته لكي يجد فرصته وحظه من الاستضافة وتأتي المصيبة الأكبر حينما قال لأستاذي ميرغني البكري ” والله يا أستاذ وأنا عشان أصل هنا دفعت دفع تقيل ” وكانت رسالته واضحة للأستاذ حسن فضل المولى والأستاذ الشفيع عبد العزيز مدير البرامج لمراجعة لمراجعة داخلية ومحاسبية سريعة كيف يتم اختيار الفنانين في مثل هذه السهرات ؟ّ! ومن المسئول عن اختيار الضيوف والفنانين ؟!
وكيف مر حديث هذا الشاب مرور الكرام رغم مراجعه ومشاهدة السهرة قبل بثها ؟!
لقد قيم ” صلاح ولي ” حال الفنانين الشباب في بداياتهم وذكر أن ” القروش ” هي سر النجاح ومواصلة المشوار .
صحيفة الدار
ت.إ
والله أنا بعتبر هذا الشاب إنسان شجاع
جدا وهذه هي حقيقة الإعلام من زمان وليس
جديد وكل المتعاونين مع الإعلام فنانين كبار ولا
صغار دفعوا دم قلبهم ليتم تلميعهم وأسهل حاجه تدخل
الإذاعه والتلفزيون بصحن فول ممكن تغني .
لا أظنه يكون مخطيء ، ويدلي بتصريح خطير أمام الملاْْء .
أنتم معظم الإعلامين وبالاخص الصحفيين بتاعين شمارات ، وليس حادثة برادو السفارة الاجنبية ببعيدة ، والتي تورط فيها رهط من الصحفيين ، هم الآن تحت رحمة المفتري عليها .
[SIZE=6]دفع رباعي ولا أمامي [/SIZE]
رغم انه فنان واقع وماعنده موضوع لاكن بجد شجاع وشجاع جدا لان قال الحقيقه المعاش وانت زعلان ليه اصلا ماده واقع الاعلام فعلا بيقبض قبض تقيل من الفنانين وغير الفنانين
الولد اشتر شتاره شديده وزي ما بقولو بشوت ضفاري ساكت – في مهرجان بورتسودان السياحي المذيعه – في الوصله الفنيه سالتو عن بورتسودان – قال ليها بلد جميله وكان لقيت لي واحده هنا بعرسها ههههههههه – دايرنو مايقول دفعت عشان أجي هنا بركه الوقفت هنا بس ( قال اعلام وتلفزيون قال كل شيْ على الدنيا السلام )
انا عرفت هذا الولد من يوم ما غنى فى مهرجان سياحة بورتسودان وهو عفوى وصادق والكلام القالو صحيح وانت يا العامل صحفى عارف انو كلامو صحيح
تدفع شان تغني سيحان الله
هذاالصحفى شكلوا زعلان شديد لان صلاح ولى فنان جيد وكونه يقول اظن اسمه صلاح ولى وهو عارف اسمه ده معناه انه عنده شى شخصى واحتمال يكون رفض يدفع ليه لان الاعلام يشمل الصحافه برضو . النقد الهادف مطلوب والهدام مرفوض
يا كاتب المقال هى بقت على صلاح ولى بعدين فنانين شباب وعاملين فيها كبار وارقوزات اكثر من صلاح ولى واظنك شاهدتهم فى اغانى واغانى وصلاح بتعامل بعفويه شديده بعدين ما اظنك انت لوحدك بتقيم البشر منو فنان ومنو ليس بفنان فى ٤٠ مليون بشر فى السودان هم ايضا لهم راى خير فى صلاح وطبعا انت زعلان لانو ماجاك ودفع ليك عشان كده شانى هجوم على الولد بعدين الاساتذه حسن فضل المولى والشفيع هما قامتين اعلاميتين فى السودان بيعرفه يختارو كويس جدا ضيوف سهراتهم وما اظن يحتاجو لتوجيهات منك يا ؟ اترك الناس فى حاله وشوف شغلتك
طبعا بعد ما صرح بإنه دفع ليبقي
فنان أثار إهتمامي وسمعته عدة مرات
فنان صوت جميل حضور مسرحي رائع
أداء متمكن يرجي منه الكتير أنا مادفع لي ولكن.
يستحق الإشاده.وربنا يكثر من أمثال صلاح ولي الذي
يطعن الفيل في عينه وليس ظله.