الحقيقة المؤلمة تواجهك لوحدك وأنت أمام شباك الصراف ، فبالرغم من إعلانات بنك السودان المركزي المتكررة والأخبار المنشورة والتي يقول فيها بنك السودان ( لصاحب التحويل الحق في إستلام المبلغ بالعملة الأجنبية )،إلا أن الحقيقة غير ذالك تماماً فقد وصلنا المواطن (أ،ع) غاضباً ويحمل إيصال التحويل المرفق حيث رفضت الصرافة المعنية في الخرطوم منحه المبلغ المحول من خارج السودان كما هو وتم صرفه له بالجنيه السوداني بالسعر الرسمي والجميع يعلم الفرق الكبير بين السعر الرسمي والسوق الموازي . في حالة هذا المواطن الذي صدق بنك السودان تم الشراء الإجباري منه على سعر الريال القطري 1.49 جنيه فيما يبلغ سعر الريال القطري في السوق الموازي حوالي 2جنيه.وقال المواطن (أ،ع) لوكالة الخرطوم (بنك السودان يكذب ويحاول خداع المغتربين أو لا يتابع تنفيذ قراراته) وأضاف المواطن : أطالب الرئيس بحسم هذه الفوضي ومحاسبة مسئولي بنك السودان. والجد ير بالذكر إن غالبية المغتربين يقوموا بتحويل أموالهم عن طريق تجار العملة عبر مناديبهم المنتشرين في معظم دول المهجر والإغتراب ويشكل ذالك خلل كبير للنظام المصرفي السوداني. صورة إيصال التحويل
وكالة الخرطوم للأنباء kna
الشكيه لغير الله مزله
الغلط منك انت يا شيخنا . معروف فى السودان القرارات وكلام المسؤلين شئ , والواقع شئ تانى
اخى الكريم قبل عشرين سنة دا اسلوبهم بالاضافة لتعاملهم فى السفارة عند الانتخابات عندنا راى اخر مايشوفو صوت واحد شفنا منهم الزل ربنا ينتقم منهم الكذابين الحرامية
تستأهل ان شاءالله كان يدوك ليها ( نبق) .. دي حكومة كذابين و مخادعين
و البيصدقهم يكون ساذج و أهبل .. عجبنى ليك و كمان جاي تبكى و تشكي
أها خم و صر ..
يااخوانا خلونا نعرف اولا هذا الاخ حول عن طريق صرافه ام عن طريق بنك؟ اذا حول عن طريق بنك فيجب ان يستلم مبلغ الحواله بالعمله التى يريدها ريال –دولار—غيره اما عن طريق الصرافات فاعتقد ان الوضع يختلف…والله اعلم وهذا مجرد راى شخصى
شكلك كده انت شركت ليهم بالمبلغ البسيط ده ….. تغتيحة لكن.
بالله البنوك لو تحلت بشيئ من المصداقية سوف تكسب كل الاموال التي تحول بواسطة السماسرة وتعود الفائدة للبلد
ولكن ماذا نفعل غير اللجؤ الى السماسرة خوفا من سرقة هذه البنوك لأموال المغتربين
في الاول كدا نشوف اي القرارات متبع ولا منفذ ؟ هل توقفت جبايات الشارع ؟؟ لا .. هل تم تفعيل التحصيل باورنيك 15 ؟ لا هل تم توحيد الصرف من المالية؟ لا كل يجنب على كيفه .هل وفرت وزارة الصحة العلاج المجاني للاطفال والنساء ؟ لالا كله بقروش .. هل توفر علاج مرضى الكلى المجاني ؟ لا وبالقروش ما متوفر ..هل تمت محاسبة السارقين للمال العام ؟؟ لم نسمع .. هل تم عزل وزير حامت حوله اي شبهات لا كله قاعد ليه 25 سنة .. اذن يا اخي ابعد من الحكومة وغنيي ليها .. وحول بالسمسارة وبوس ايدهم يوصلوا ليك لعند الباب وبافضل الاسعار
والله هذا حدث معى بالظبط قبل حوالى عام
هل هذا حق
أنا كنت عايز أجربهم بكم دولار
لكن كان كدى انحظ شوية قريشاتنا عندنا
يشمو قدحة الدولار دا
[SIZE=7]الحق يقال يا اخونا .. قيل عشرة ايام حول لي اخي 2 الف ريال من السعودية عن طريق صرافة الهجرة بالسوق العربي ، وحقيقة كنت متخوف ان استلمها بالعملة المحلية والسعر الرسمي ، وسالني موظف الصرافة عايزهابالمحلي ولا الريال ، طبعا قلت له الريال ، واستلمتها علي الفور .. وهنالك كثير من الصرافات تسلم بنفس عملة التحويل ، وانا جربتها مثل الافريقية والهجرة والرائد واليمامةوارقين .. لكن صاحبنا داك شكلو رسل عن طريق صرافة ميج وهي صرافة طرق تحويلها معقدة شوية … لو عايزين ترسلوا ذي ما قلت ليكم بالصرافاتدي وهي مضمونة بحكم التجربة[/SIZE]
نقول لأخونا هذا “أجارك الله في مصيبتك” وإنت من زمان ماعارف ولا في أي أحد أخبرك بأن الحكومة ذاتها “مش بنك السودان” تكذب وكل شئ له علاقة بالحكومة يكذب وطبعا يفتكرون أن المغتربين ساذجين ، فكيف أنا كمغترب أحول أموالي عبر القنوات الرسمية وهنالك فرق في السعر يعادل على الأقل 25% من سعر السوق وحكاية إنه لكل مغترب الحق في صرف تحاويله بالعملة التى يتم تحويلها فهذا كذب ومحض إفتراء وشرك ليقع فيه المغتربين البسطاء الذين يعتقدون بأن الحكومة صادقة ” ياخي ناسهم الموالين ليهم وعاملين فيها إنقاذيين ما بحولوا فلوسهم عبر البنوك والصرافات ” وده غايتو يكون ليك درس ونتمنى أنك تستفيد منه وكل الإخوة المغتربين ” دي فلوسناونحن أحرار فيها إن شاء الله نشرطها ومابنيعها للحكومة تجار العملة هؤلاء ” كل الأزمات الإقتصادية في البلد بسببهم هم أنفسهم أولادهم ومعارفهم وأقرباؤهم كلهم تجار عملة في بلدان المهجر. ” من يحول فلوسه عبر البنوك والصرافات ويسمع كلام الحكومة وبنك السودان إلا يكون ….. ورد الله غربة الجميع سالمين غانمين.
[COLOR=#2100FF][SIZE=4]بالرجوع الي كل التعليقات نجد ان الاقوال مختلفة منهم من اكد انه قام بتحويل امواله من الخارج واستلمه بالشكل الذي يريد !!!
ومنهم من فقط صب جمه غضبه علي الحكومة فقط وفي القران الكريم عندما سمع سيدنا داوود لاحد الخصمين دون سماع الاخر ننبه المولي عز وجل الي ان عليه ان يستمع لقول الاخر قبل اصدار الحكم !!![/SIZE]
[/COLOR]
هههههههههههههههه شر البلية مايضحك معقول الزول الرسلهم ليك ده مابعرف السودان للدرجة ده
وبعدين القروش البطبع فيها بنك السودان بدون تغطية ده يوديها وين بصيد بيها المساكين الزيك
[SIZE=5]
الكويس رسلت ليك مبلغ صغير( جس نبض )
لكن دائما بذكر نكتة ادروب قال: دويرية تسوى قروش تجيب تربط لستكة ونربط بحجر ، قروش يجدع فوق البيقع واطة حقى والبفضل فوق دا حق مساكين.
يازول السفارة والدوائر الحكومية والبنوك ديل اختاهن التجارب مره معاههم
مرة واحد قال لي داخلين صندوق مع ناس السفارة ….. قال لي : تدخل .
قلت ليهو : يازول سفارة شنو البدخل معها ..
ياربي قبضن وله لسه !!!
[/SIZE]
يا الله……خلى الرئيس يحل ليك مشكلتك..عالم وهم……قروشو كانت فى جيبو هسع داير الرئيس يرجعها ليهو
يا إخوان بعض سياسات بنك السودان تشجع السوق السوداء:
1- السعر التشجيعي هذا ضئيل جدا بالمقارنة مع أسعار السوق السوداء. يجب أن يكون السعر مرن ويطارد السوق السوداء الكتف بالكتف (بمعنى آخر يجب أن يحدد السعر يومياً ويكون أقل قليلاً من سعر السوق الموازي لليوم السابق. جربوا ذلك وسترون النتيجة إن شاء الله). لأنه في هذه الحالة يجبر تحويل المغتربين ويجعله قريب من السعر الحقيقي. ولو عاملنا السوق السوداء بهذه الطريقة ستتلاشي في النهاية بإذن الله.
2- السماح بصرف التحويل بنفس العملة الصعبة يتيح المجال أيضاً للتعامل مع السوق السوداء.. بمعنى آخر ما عمل حاجة بنك السودان.
3- لماذا لا يلزم كل مغترب بفتح حساب بالبنوك الرسمية وتشجيعه بكل الوسائل على التحويل عن طريقه؛ وذلك برفع سعر الصرف حتى يكون قريباً من السوق الموازي..
يا أخوان، السوق السوداء هذه ضرر للأهل بالسودان وتنعكس أيضاً على المغتربين. كيف؟ بالنسبة للأهل واضحة، لأنه كلما ارتفعت اسعار الدولار ارتفعت اسعار السلع؛ وبالنسبة للمغترب، نفس النتيجة لأن مصاريفه للأهل عندما تتحول إلى جنيه أيضاً تتضاءل أمام اسعار السوق، فيجد مستلزمات الأهل في ارتفاع وكذلك اسعار مواد البناء وغيرها.. بمعنى آخر هذه السوق السوداء ضرر مركب. والله المستعان.
بهذا السلوك المشين إن صدقت المقولة؛ يكون بنك السودان مساهماً في تدمير الاقتصاد الوطني لأن الثقة هي الأساس في كل تعامل اقتصادي..تتوقع من الجالسين تحت المكيفات في المقاعد الوثيرة الرد على هذا الخبر وإن كان صحيحاً اتخاذ الاجراءات مع الصرافة ولاثبات مصداقيتهم؛ فالله لا يحب الكاذبين..