خبير : مصر تستخدم (6.5) مليار لتر مكعب من حصة السودان في مياه النيل

ما تخلوها مستورة ولا تكشفوا حالنا. البلدان تقاتل من أجل الماء ونحن ماءنا يذهب للأخت الشقيقة في شمال الوادي والسبب سياسة (ما تباركوها يا ناس وفقه السترة للمفسدين)) الذي يتبناه النظام لا بل نحن نريد ان نصدر الكهرباء للدول المجاورة والعاصمة لا تغطيها الكهرباء وانسان السودان يشرب ماء غير نقي مخلوط ببلاوي الله يكفينا شرها مع العلم ان مياه النيل هذه مياه عذبة ليست هي مالحة كما مياه البحار

لقد ضحي السودان بالغالي والنفيس فى سبيل قيام السد العالي وللاسف لم يقدر الاخوة المصريين ذلك فلابد للحكومة السودانية ان تتحلي بالدبلوماسية الفطنة وتلقي بكل ثقلها نحو دول المنبع وان تستخدم كرت اتفاقية عنتبي حتى تعرف الحكومة المصرية قيمة الحكومة السودانية – ولابد من اثارت وطرح موضوع حلايب بمجلس الامن الان وليس غدا.

المويه بتاعتنا دي حتقدر الحكومه تختها في طرفا ام خلف سدود لابد ان تبني وتقام؟؟ الحقونا بالشريك ودقش والسبلوكه!! وشوفو لينا صناديق التنميه العربيه واولها التي في دوله الكويت!! (الكوبتي) و(العربي) فهم علي استعداد وجاهزبن للتمويل كما اعلنوها اكثر مره وفي اكثر من مناسبه علي لسان مسؤليهم !!
اما العقبه فهي في المعارضه الداخليه السجمانه!! معارضه اخر الزمن التافهه التي تثير وتنفخ في زوبعه فنجان التعويضات !! حتي اصبحت العدو الاول للتنميه وبناء نهضه السودان!! ياخي اكنسوها وادفعوا شويه زياده للناس البقت شرفانه دي !!فهم في النهايه اولاد بلد بس طمّاعين والحاله بقت غلا!!
السودان سياخذ نصيبه كاملا!! فكل الظروف الان اصبت لصالح السودان فنرجوا من الحكومه اخذ حقوقنا الان لان الوقت قد حان!! وشكرا للخبير د. سلمان لاثاره الموضوع !! والله من وراء القصد…ودنبق

والله اولى السعودية بهذه المياه لماذا لا يتم توصيلها للشقيقة المملكة العربية السعودية

وهناك ملايين من السودانيين عطشا لا يصلهم مياه النيل مثل بورتسودان وغيره وكذلك الحال بالقرب من النيل يشربون من الآبار حــــــــرام