مرعب البنات في شوارع الخرطوم: دي غيرة لله بس
الزول البضرب البنات في شوارع الخرطوم بالسوط، لم يعد مجرد رجل مرعب وغريب الأطوار يمشي بزيه العسكري في الشوارع ، بل وصلت قصته إلي صفحات الجرائد . في هذا الحوار مع صحيفة حكايات عرف بنفسه: إسمي (محمد كداس إبراهيم ود عبد الله ود سعد ) ساكن القطاطي ، اهم حاجة يا ناس (حكايات) لازم تعرفو ، انا ما قاعد ادق البنات عشان (شوفوني يا ناس ) لكن غيرة في الله بس .
من متين بقيت تدق في البنات؟ جيت من الامارات سنة 96 كان عندي إصابة في رأسي بسبب حادث في الجنوب ، ومن ديك وعيك . عندها خلع لي طاقيته العسكرية الملفوفة بالشريط الأحمر وقال لي : شوف انضربت هنا ،أنا مشيت الجهاد سبع مرات .
منو الأداك الحق تضرب البنات في الشارع؟ مجذوب الخليفة ، الله يرحمه ، زمان لمّن كان والي الخرطوم بقاني مسؤول الأمر بالمعروف والنهي عن المنكر في الخرطوم ، والامر بالمعروف والنهي عن المنكر امر رباني برضو. وجهت سهام نظراتي نحو سوطه العجيب كان خرطوشاً أسود مثل الذي تلهب به ظهور الحمير ، كأنما عرف أني أريد أن أسأله عنه فبادر بقوله: هسي البنات ديل لو بخافن من الله ، ما كان بيلبسن زي اللبس ده ، هن بس بخافن من سوطي ده، وخرطوش كداس له مآرب اخري غير الزجر والإخافة فهو يستعمله أيضاً كعصا يتكئ عليها حين يريد ان يتحدث معك ، غافلني وقال : يعني شوف البت الجاية دي لابسة كيف والله لوما إنت معاي كان دقيتها!
وبعدين (إظهار رقم ، خارج عن الخدمة، ومسكول، وأطعني حقنة) دي هدوم شنو دي !!
الاخوان الاعزاء محرري هذا القسم
مع تقديرينا لمجهوداتكم ، لكن يبدو لو راجعتم الكتابة قبل اعتماد النشر يكون افضل
تحياتي
المفروض الأمر بالمعروف والنهي عن المنكر تكون مؤسسة قومية لها صلاحيات واضحة وقانون ينظم عملها , فهي من أسس الدولة المسلمة , ونقول للأخ جزاك الله خير وربنا يجعل عملك في ميزان حسناتك
محمد كداس إبراهيم ود عبد الله ود سعد الله . جزاك الله ألف مليون خير وياريت لو في كم واحد زيك بالقرب من الجامعات والمعاهد العليا لأنو 95% ديل منهم وأرجو أن يكون الضرب مؤلماً غير مؤزي . وشكراً
كدة مظبوط مية مية
تحياتي
والله عافى عنك يا كداس
الله يكثر امثالك
قولوا آمين
لا … ليس له الحق بأن يضرب البنات … وهو بضرب على كيفة وانا مسئول من الكلام البقولو ده .. قبل كده قبل سنتين كنا فى السنه الاخيرة … ماشى انا وزميلتى فى الجامعة لاننا كنا مشتركين فى بحث التخرج وطالعين من الاوقاف ماشى اقدمها لحدى موقف مواصلاتها … مواصلات امدرمان … والزول ده كان جمب ابوجنزير …. وكان بنبذ فى الحكومة وفى السيد الرئيس وبقول الفاظ ما طيبة والله على ما اقول شهيد … الفاظ ليست لها علاقة بالذى يتحدث عنه … ونبز قبيــــيح وان شاء الله اكونوا فهمتو كلامى …
وحقيقة البت كانت لابسة محترم وما فى اى عيب فى لبسها … حتى انها محجبة … لكن لزول ده جاها فى ضهرها وضربها صوت والله صرخت صرخة السوق العربى ده كلو اتلفت عاين ليها … ما كان عندى حل غير انط فى رقبتو وجبتو واطه … وكل الناس حجزتنى منو بحجة انو زول كبير ومسن ….
لكن انا رفضت الا نمش بسط الامن الشامل الجمب البلدية … عن نضع حد لمهاترات المجانيين البتحصل دى …. بس الاجاويد قالوا لى ياخ خليه ده اصلو كده سوق البت المعاك وامش ….
والله لحدى ما اتخرجت البت دى ما بتجى بالسوق العربى … وكانت فى حاجة هستريا وكادت ان تظهر محامرها اامام المارة لولاها البنات والنسوان الكابو قراب لمن وقعت من قوة الضربة …
بس لسه انا فيها والله ما بخليه … وتانى بلم فيك يا مجنون 😡 😡
مين الاداك الصلاحية دة وما من حقك تضرب ليك بنت في الشارع عشان كدة انتو بتنفرو الناس من الاسلام ماعنو الاسلام دين خلق وسماحة من الافضل كان كل يوم تعمل منبر في الجامعات والشوارع العامة والحدايق وتعرف البنات بالدين والسماحة لانو اسع فعلا نحنا لانحب الملابس الشاذة لاكن كدة بس بتنفر الناس منك واللة يهديك ويهدي الجميع .
كلو من مجذوب الخليفة . الامر بالمعروف والنهى عن المنكر عبر الية معينة يتم بها هذا الامر ولا يترك لمثل هذا الرجل .
أتمنى من الله أن نجد أمثاله كثيريييييين عشان يجهجهوا المجهجهات ويخوفوا البنات ويقولوا عنهم دراويش أو مجانين وما يؤاخذوهم وفي نفس الوقت يؤدوا مهمة استعصت على رافعي شعار الدين .. بل الذين رفعوا الشعار وسكتوا عن الفعال.. اللهم سلم سوداننا وابعث من يحكمه حكما رشيدا آميييييين
لا هذه الافعال مرفوضة … والا لماذا هناك قضاء وقضاة ومحاكم وشرطة ؟؟؟؟ وحتى لا تتخذ هذه الافعال وسيلة للفوضى والاضرار بالناس … وخلق الفتنة … فالحاكم وحده ممثل في أجهزته التي تنفذ القانون هو من له سلطة العقوبة والحاسبة … ويجب أن تكون المطالبة موجهة لسن تشريعات وتوجيه شرطة أمن المجتمع للتعامل مع مثل هذه الحالات … لكين نحن مع النصحية ومن غير ضرب أو شتم … ولو كان كل واحد بياخذ الامر بيده لاصبح الناس في فوضى عارمه … لذلك جعل هناك قانون وعقوبات … نرجو أن يتعلم الناس …
انتو عرفتو الاسماء دي من وين قال اديني حقنه بالله عليكم عرفتو الاسماء دي كيف؟؟؟؟؟:crazy:
اذا بقي كل من هب ودب عايز يطبق القانون انا ادعو الشباب لتكون فرقه تطهير للمجتمع السوداني من كل مرتشي ومستغل لحوجه الناس فكل من عسكري يرتشي وكم من مسؤل حكومي يستغل حوجه الناس وكم شخص طلب من بنت ان تعطيعه ما ليس له حتي يتم توظيفها ومن يريد ن يعرف اني اعرف من القصص ما يشيب الراس نسال الله العفو والعافيه
والله الزول كلامو صاح عليكم الله المناظر الشايفنها دي بتعجب ليها زول اتخيل دي اختك لابسة زي من الاسماء الذكروها و الله كان ضبحها ما اقول شي اختشو يا عالم وكل زول يلتزم بالبنات و النسوان الجنبو ويسوي البقدر عليهو في المسألة دي لانو الوضع بقي خطير
الله يهديك ياخونا. اولا هذه الفعلة الجبانة بانك تضرب الناس عن غدر وكمان في الناس البنات لا والله هذه مامن شيم الرجال ولا من الدين ان تهجم على مسلم وانت غادر لهُ. وبعدين لازم تكون شخص موأهل تماما وعندك سلطة بتحكمك ويجب ان تبدا بالنصح السليم.وانت اصلا ماولي امر البنت. فعلتك دي ممكن تكون السبب في ضياع حياة انسان , يعني ممكن البت تسحلب وتروح فيهاو تتعقد لمن تموت والضرر يلحق بالاسرة ويكون السبب خلعتك ليها. ولو انت اصلا رجل قانون يجب استجوابها ومن ثم محاكمتها بعد ان تاخذ حقها في الدفاع عن نفسها . لكن على مايبدو لي انك شخص مريض ويجب علاجك وانت شخص تمثل خطر على حياة الناس ويجب ردعك فورا. والله يهدي بناتنا واخواتنا والحشمة مطلوبة للنساء والرجال على حد سواء.
أتمنى من الأخ الدباب أن يثوب الى الرشد وليعلم أن هذا الفعل لم يفعله أحد قبله من هم أكثر غيرة منه,وأن يبحث عن وسيلة اخرى وخلق أفضل يشرف المسلمين ويرضى ربهم,وان لايفتن المسلمين بموتاهم مثل (د.مجذوب)أسأل الله الرحمة للجميع.
هاااااااااااااااااااي (إظهار رقم ، خارج عن الخدمة، ومسكول، وأطعني حقنة) انا عرفت اديني حقنه لكن واحد يشرح لي الباقيات دي لاني بعيد من التكنلوجيه الجديده الظهرت في السودان
kkkkkkkkkkkkkkkkkkkkkkkkkkkkkkkkkkkk
تماااااااااااااام يا كداس الله يديك العافية
داشنو التخلف دا والتخلف الاكتر من الناس البعلقو بي كلام غبي
بعدين في حاجة اسمها سلطات حكومية هي المختصة بمعاقبة الافراد وتكوين اجهزة لو كان يملك ادني جزء من العقل لكان عمل في احد المساجد
عافارم عليك كداس وياريت تدى البت سوط وابوها خمسة سيطان والقاعدين يعترضوا
ديل كل واح سوطين عشان ما يدافع عن الباطل
والله 100 100 لو في زول سالك اضرب لي بس وانا بمرقك من اي مكان باذن الله السلطة العندنا بنسخرها للزيك الله يكتركم اختك اسلام ودة رقمي 0912765134
يا ريت الناس تحذوا حذوه ويتقون الله في أمة محمد يا ريت لو الدولة تفكر في عمل هيئة للنهي عن المنكر والأمر بالمعروف ومتابعة البنات اللائي لا يعرفن الله يجزاءك الله خيرا أيها الرجل الغيور
very good and thank you
رحم الله الدكتور مجذوب الخليفه احمد الانسان الغيور علي هذا البلد واهله سناد لليالي السوفه 0كم بكيت وكم قشيت دموعا ببكن عشاء البيتات قوي سناد الضعيف السمح الخلوق نسال الله لك في الجنان اعلها
والله حقو ينضربوا رصاص مش بالسوط
البنات الزمن ده هم سبب كل بلاوي المجتمع السوداني
انتو ناس ما عنكم غيرة علي دينكم ولا علي بناتكم 0000
ليه من بيت ابوها تطلع لابسة ضيق ومحزق؟؟؟؟؟؟
وكمان حقو يضربوا ابوها وامها
الحقيقة نحنا السودانين شعب غريب الاطوار كيف يسمح كل المارة بوجود مثل الشخصيات النمطية
يتم التعاطف معاها والدفاع عنها تحت مسميات (درويش وزول الله وأصلوا كدة)
اولا لو وضعت نفسك في محل هذا الانسان ونظرت بعينه القاصرة تجد ان مفهومه عن الدعوة عن ضرب واذى للناس وهذه الطريقة في التفكير لا تمت للاسلام وليس من الدين في شئ
اين الحكمة والموعظة الحسنة في الدعوة هذا نوع من الياس والحقد علي المجتمع لكن الانسان الصادق الذى يهمه امر الله واصلاح المجتمع يتبع وسيلة الاقناع والحجة لانها هي التي تقود الانسان بكامل ارادته وقناعاته الشخصية الي التقيد بتعاليم الدين من لبس وسلوكيات لكن هذا النوع من التصرف ينفر الناس ناهيك ان هذا الانسان الذى يضرب الناس ويبطش بيديه هو ايضا مسؤل امام الله عن كل انسانة ضربها وتاخذ من حسناته يوم القيامة لو ان لديه فقه ومعرفة بالدين والذي يريد يتاكد يقرا حديث( المفلس يوم القيامة ) فليس هذا سبيل لدعوة ولا الدروشة وادعا المراتب الربانية للمرضى النفسيين دليل صلاح انما عجز وجبن وهروب من واقعهم الذى عجزوا ان يوجهوه ويتعاملوا معه بشجاعة فتغمصوا هذه الشخصيات عساهم ان ينسوا او يتناسوا ماهم فيه
اسال الله ان يهديه ويهدينا اجمعين
ابو سليم / السعودية/الرياض / Abdoosh-0056@hotmail.com
الله يكتر من أمثالك ياكداس لانو الفوضى عامة البلد والبنات مرن من الإيد ولا والد يسأل ولا والدة تسأل ولا أخو يسأل والمسئولين مشغولين نتمنى أنو تتطبق الشريعة الإسلامية التطبيق الصحيح وتكون فى نظرة فاحصة للشارع السودانى تعيد للبلد هيبته وتمسكه بعاداته وتقاليده الدينية السمحة بما فيها الحجاب الإسلامى الصحيح وليس حجاب الموضة ونحن فى أكبر كارثة وربك يتلطف علينا بلطفه … آمين
يا جماعة فكونا…. ده مجنون ساكت:crazy:
لو الاباء والامهات والاخوان منعوا بناتهم من الخروج بالذي الفاضح ونصحوهم ووجهوهم يكون احسن , وكمان يكون في رقابة اكثر علي الداخليات الحكومية والخاصة بصفة اخص .
ونسأل الله الهداية ويرشدنا الي الطريق المستقيم
فلْنُبلِّغ هذه الآية : “ولو كنت فظًّا غليظ القلب لانفضوا من حولك ” صدق الله العظيم
دا ربنا بقول لي الرسول اشرف و اطهر و احسن انسان خلق في الدنيا
خلي كداسو قال كداس قال
(كنتم خير امة اخرجت للناس تامرون بالمعروف وتنهون عن المنكر)
الاية دي مش عشان نخلي حاجه ونسميها اها شوفوني انا اللي بامر بالمعروف, الايه دي يعني يا جماعة ده طبعكم كده اسي مش لو في زول دق مراته في الشارع او مسكتو حرامي في حلة البحصل بعد داك التدخل والحركه من الناس دي هي قلب الامر بالمعروف والنهي عن المنكر.
بسم الله الرحمن الرحيم والصلاة والسلام على الرحمة المهداه للمسلمين نبينا محمد عليه افضل الصلاة والتسليمز
( و لتكن منكم امة يدعون الى الخير ويامرون بالمعروف و يتهون عن المنكر و اؤلئك هم المفلحون )
فرض الله عز وجل بهذة الاية الامر بالمعروف والنهى عن المنكر على الامة الاسلامية دون تخصيص ودون تفريق بين ذكر وانثى فى اصل الواجب الخطير ز
كما وردت اية يخص الله عز وجل فبها المراة والرجل معا بالذكر ويكلفهما بهذا الامر العظيم وهو واجب الدعوة الى الله ( والمؤمنون والمؤمنات بعضهم اؤلياء بعض يامرون بالمعروف وينهون عن المنكر ويقيمون الصلاة ويؤوتون الزكاة ويطيعون الله ورسولة اؤلئك سيرحمهم الله ان الله عزيز حكيم )
فجعل الامر بالمعروف والنهى عن المنكر صفتين متلازمتين للمؤمنين والمؤمنات فساوى بينهم فى واجب الدعوة الى الله ووعدهم بالفلاح والرحمة اذا قاموا بهذا الواجب
كما نجد ان الاية لم تخصص رجال العلم بل كل مؤمن ومؤمنة عليهم ان لا يقصروا فى هذا الواجبز
كما يفيد هذا المعنى الذى تقصده الاية حديث الرسول صلى الله عليه وسلم ( من راى منكم منكرا فليغيره بيده فان لم يستطيع فبلسانه فان لم يستطع فبقلبه وذلك اضعف الايمان) مبينا مراتب تغيير المنكر مازما للمسلمين رجالا ونساء بلام الامر فى قوله(( فليغيره))
فياليت تلك الاخت التلى كتبت رقمها ان تساعده فى توجيه النساء بالحكمة والموعظة الحسنى فسوف تكون ماجورة على فعلها اثر بكثير مما كتبته باستعراض مالديها من سلطة
استغفر الله الحى القيوم لا الله الا هو واتوب اليه
تصرف كداس خطأ ولكنه لفت نظر الجميع لجحم المشكلة وهي مشكلة كبيرة شديدة وكان لازم تثار بالصورة دي او باخرى وكداس كان عندوا وجهة نظر في حل المشكلة وإن كانت خطأ وضح للناس وللمسئولين المشكلة للعمل على حلها بعمل بوليس اداب وكذلك الاعلام بجميع اشكاله لإثارة المشكلة بصورة اكبر والعمل على ايجاد الحل المناسب بدل الاعلام شغال بالمغنين والمغنيات وكل يوم في مغني ومغنية جديدة اصبحت البلد كلها ما عندها شغلة بلا الغنى والله المستعان ونسأل الله ان يلطف بنا
بلله عليكم يا جماعة دا كلام شنو
انتو كمان بتايدو الحاجات دي
ااساسا اي بت بتطلع من بيتهم بصورة ما كويسة معناها مش متربية
والي ما اتربت في بيتهم ما حتتربى في الشارع
مع احترامي للكل
بس ما اكون غلطت عليكم
لا أتمنى أن يعترض هذا الشاذ إحدى معارفي
كل عام وانتم بخير اذا كنتا وغيرك غاضون للبصر لما احتجت لهذا الحل واذا كان مجذوب الخليفة حاضرا لاغتصاب الاطفال اذا لامرك بحرق الرجال وليس جلد البنات
هل طرح الصحيفة الموقع لهذا الموضوع جدي ام نوع من الهزل الجديد او كوميدا هذا الزم الأغبر ، الم يكن من الاجدر ان ان يقوم الموقع بالاتصال بالجهات المسؤولة لمعالجة هذا الشخص وخاصة انه اعترف بانه يعاني من بعض الاصابات التي افقدته شي من عقله ، إعلموا ان دم هذا المعتوه في اعناقكم وكفاية دروشة ألم ننفك من دراويش الصوفية والمهدية حتى يصل بنا الحال ان نقع في هذا النوع من الجهل ، ماذا كان موقف من أجرى هذا اللقاء اذا نعرض هذا المعتوه لأمه أو اخته او احدي قريباته
رساله بوجهها لكل بناتنا العفيفات ، عاينو لاخوانكم وما تخلو اولاد في عمرهم يلعبو بيهم ويضحكو بوراهم بالله عليكم
اناوالله عايز عمنا الدباب ده بى نفس السوط ده يضرب الأولاد الطالعين بى موضه الحلاقات الشاذة وبتمسحوا بالكريمات وبلبسوا البناطلين والفنايل الضيقه والواحد تلقاهو زى اختو (عدييييييييييييل كده) انشاء الله تكونوا فهمتونى :rolleyes:
this is good thing because the way in sudan in is very bad so i support this thng just i need to change to be by toking it will be best thank u 😉 😎 😎
rajel wallahe wamafe arajal menak ana gaeto 3afe menak warabana yakater men amsalak
الحشمة مطلوبة00والظهور بالمظهر اللائق مطلوب من الجنسين00والشذوذ مرفوض
لكن فى نفس الوقت الحل يكون عند المجانين ايضا مرفوض00ويجب معالجة هذا
الشخص وحجزه فى احدى المصحات لسلامة بناتنا|0
ياخي انت مصلح اجتماعي ولا وصي على البنات ديل ولا داعي انتو ناس مجرمين حاقدين ضد الحرية لانك عمرك انت ماكنت حر وبتفكر بطريقة القرون الوسطى وبعدين لو عايز تغير طريقة تفكير الناس عندك الأقناع والحوار لأنو الناس عرفت الله بالأقناع لاكين انت اخترت الطريقة الأسهل بالنسبة ليك ياجاهل
حسبنا الله ونعم الوكيل. معقولة الناس تغير الغلط بالغلط دا ما منطق ولازم يكون فى نصح وارشاد قبل ما يصل الحد للضرب ومن مجنون رسمى كمان. رفقا بالقوارير وحاولوا تحلوا مشاكلكم بالرفق واللين ,والعنف وصلنا لشنو ومتين حل لينا مشكلة؟؟؟؟؟؟؟؟؟;) 😉 😉
😎 يا خوانا إسلام دي دايرا كدوس اجي بلسوط تبعو لانها كتبت تلفونا علي الملا
0912765134:lool:
:confused: 😮 ونقول للأخ جزاك الله خير وربنا يجعل سيطانك في ميزان حسناتك 😉 :lool: :lool:
انا معاك لكن الطريقة مش كده الامر عاى مسؤلية النظام العام لانو الشارع السوداني داير انضباط وياريت الباء يلتفتوا الى هذه النقطه المهمة
هي البلد فوضي بس يكون ماقادر علي بناتوا وبعدين البنت دي لمن طلعت اهلها شايفنها ومابتاع السوط ده البأدب;)
الرجل على حق وكلامو صاح لانو البنات في الخرطوم وللاسف الشديد اصبحنا شواز
عشان كدة يستحقنا الضرب الوحدة تمشي عاريه ملابس شفافه واجسام ماشاء الله عليه وحتى الشباب فلفله في الشعر وخالي مسوليه دي اسم لبسه غير محترمه بنطلون في نص الصلب
انا من اللذين عاصروا هذا الرجل فهو رجل مجاهد فى سبيل اللة و ليس بلدرويش . عندما كانت هنالك شريعة فى السودان كنا جميعا و بلذات رجال الدفاع الشعبى كانت كل البنات تخاف منهم لامرهم بلمعروف و نهيهم عن المنكر وكانت هنلك قوانين تحمى ذلك و ليس البنات و حدهم بل ايضا الاولاد بتلك المسميات لقص الشعر اللتى اخجل ان اذكر واحدة منها اسماء فظيعة…… اسئلوا منها شيخ حسب الرسول.
فاتقوا اللة يا اولياء الامور فى بناتكم
يا جما عة ما طلبنى حليفة الزول دا انا دخلنى السجن من غير وجة حق الكلام دا قبل عشرة سنين كان لقنى قريب حديقة القرشى شايل شنطة فيها ملابسى قعد اصلبط على قالى الشنطة دى انت سرقتها وقام ودانى قسم الجنوبى وقابلت الظابط هناك وبعد ما ضربنى قام قاس الملابس الموجودة فى الشنطة على كلها طلعت قدرى وتم اخلا سبيلى لزلك هو مجنون واتى واحدة من اخواتنا يتعرض لها هزا المخلوق عليها ان تبلغ الشرطة
والله لمن ولي الامر مافي اوماقادر يربي بنتوافضل الشارع يربي ليهو واحسن ياابوسوط طلعت ارجل من اولياء الامور
شريعة الغاب اذا اي انسان بطبق الشىء الفي راسه على الدنيا السلام وين الشرطة وين الانضباط العام وين الحكومة اتق الله يارجل
الكلام دا للمساكين لكن اتحداو يعملا لبت مسؤول الحكومه ذاتا غيرت قوانين النظام العام عشان بناتهم وبنات رجال الاعمال
ده واحد ماعندو موضوع معناها حياتو كلها بعاين استغفرالله احسن ليك. النظر رايك فيو شنو قال امر ونهى. والناس مفروض تتلمى وتمسك صوتو وتدقو هو.سايبه هى عشان يدق بنات الناس فى السوق نحنا وين… ده الفضل
والله ووالله الشارع المصري ما تشوف فيهو واحدة فاتحة شعرها ولا لابسة ضيق والله نحن بصرااااااحة البنات ديل بالغن عديل انا اقترح منع استيراد هذة النوعية من الملابس لان الاسرة دورها مكمل مع دور الحكومة والسلطات والمجتمع بالجد السوق ما فيهو غير الملابس دي هي الوحيدة التي تتوفر بكثرة بعدين المرجو التدخل السريع ووين السد المستشار لشئون التأصيل بدل البرنامج البايخ اللي بقدم فيهو ده احسن ينصح ولاة الامر بحظر استيراد هذة النوعية وياحليل زمان التسعينات وهسي شوف التلفزيون في رمضان المضي ده كان في مسابقة اسمها سودانيون بالله المذيعة عديل كده شعرها كاشف,غايتو الله هو الساتر.;(
والله عافي منك ياود كداس راجل اصلا الراء الناس بقت مختلغه ياهو ده الحل وبس الله يعينك ويعين السودان الحبيب
والله انت راجل مابتختشي على دمك .. وماعندك شغلة بلبس البنات يعني انت بعد ماخرفت وعجزت وظيفتك كلها انك تقعد تعاين للبنات في اماكن معينة عشان تشوف لابسات ضيق قدر شنو؟؟ ياخ حرام عليك امش شوف ليك مسجد او امشي اتكلم بلسانك في الجامعات واماكن الاجتماعات انصح البنات دا لو كان عندك لسان بس بتعرف تعاين..أعوز بالله 😡 😡
ود كداس عفيت منك اخواتي البنات بالجد اللبس بقي فاضح جدا
واصعب حاجة تكوني ماشه في الشارع محتشمة وتجي واحده تانية
جنبك كل ما اجتهدي لتغطيتة كاشفاه وبدون خجل ((اختشوا ياخ))
ضرب البنت فى الشارع دا منكر و اكبر مما عملت.. اتقوا الله يا عباد الله … الاسلام حدد و فصل كل شئ.
kنتمنى تطبيق ماطالب بة ولى الامر البشير بتوحيد الذى ويكون هنالك زى موحد للطالبات واخر للشارع ونرجوا ايقاف برنامج نجوم الغد لانة اصبح سلعة للمتاجرة
انت ياكداس قاعد تحاسب فى عباد الله وخليت شنوا للخالق.اعلم ان الله وحده من يحاسب عباده و اترك افعالك دى
ميه ميه و لكن ما علي الرسول الا البلاغ انت يا كداس البتعمل فيه ده كويس لكن ما بل السوط الكلام الحلو