منوعات
طرد فرقة كوميدية من حفل زواج بالخرطوم
وتعود التفاصيل حسب حديث احد أفراد الفرقة قائلاً : بدعوة من العريس الذي تربطنا به علاقة صداقة ، شاركناه ليلة زفافه وبعد الفاصل الغنائي اعتلينا خشبة المسرح لأداء فقرة كوميدية ، وما أن بدأنا حتى ظهر لنا والد العريس ، وهو يحمل عصاه متجهاً نحونا ، وكنت ممسكاً بالمايك فأخذه مني وتحدث بصوت عالٍ قائلاً : ” أسمعوا يا أولاد زمن الحفلة كلو ساعتين .. ساعة ونص للغناء ونص ساعة لزفة العرسان .. يعني ما عندكم طريقة عشان تتهابلوا بالنكات البايتة دي ، يلا ورونا عرض أكتافكم وخلوا الفنان يغني ” .
ويضيف عضو الفرقة : ” طبعاً أحرجنا حرجاً شديداً وغادرنا منزل المناسبة والعريس ظل يلاحقنا معتذراً .. واستغلينا عربة هايس ونحن نادمين على قبولنا طلب المشاركة منذ البداية ” .
صحيفة فنون
إنتو عايزين تضحكوا دائما ما لازم يوم تبكوا … الله المستعان ..
[FONT=Arial]تستاهلو… رامين نفسكم لكل من هب ودب… ووالد العريس معاهو الحق
نكاتم كلها قديمة وبايخة ومملة ورتيبة ومكررة … وبعدين ده عرس ما
احتفال تخريج روضة… وبعدين كترة الطلة بتمسح خلق الله… ما معقول
نفتح اي قناة نلاقيكم فيها[/FONT]
عفيت منك فعلا هباله وتحقير والدين نهى عن ذلك
ماقصرتوا دي ما ذاتااااااااااااااا نكته
[B][SIZE=5][FONT=Arial Black]والله ياريتك يا أبو العريس
لو طردت المغني وفرقته الموسيقية
وخليت هذه الفرقة الكوميدية
كنت على الأقل كسبت ولو جزء من الحسنة
بدل الغناء والرقيص المختلط وما عارف أيه
يعني حياة إبنك الزوجية بدأت بمعصية
وإنت شاركت فيها[/FONT][/SIZE][/B]
نكاتكم مسيخة وعاملين فيها ظراف
ان شاء الله يكون معاكم الطريفي البحاكي الاطفال وذاكر والله افضل ما عمل
دم ثقيل والله كرهونا القنوات
ههههههههههه والله دى كانت اجمل نكتة من ابو العريس كان تاخذوه معاكم فى الفرقه
[COLOR=#46A34D][B][SIZE=5][FONT=Simplified Arabic]الفرق الكوميدية بقت اكتر من المغنيين ونكت كلها مكررة وسخيفة وحتى مافيها روح النكته كلها استخفاف بالناس وتهكم وسخرية من القبائل ووصف بعض القبائل بالغباء والبخل والعبط والله انا لو حضرت حفلة لفرقة كوميدية كان ضربتهم بالجزمة مجموعة من السخفاء نصبوا نفسهم عشان يستفزوا الناس [/FONT][/SIZE][/B][/COLOR]
[COLOR=#68BE50][B][SIZE=5][FONT=Simplified Arabic]مجموعة من السخفاء عملت شغلها الاستخفاف بالناس ونكت سخيفة ومكررة ولا يمكن تضحك حتى طفل واستهزاء بالقبائل ووصف بعضها بالبخل والبعض الاخر بالغباء ، ديل مش مفروض يطردوهم وبس والله لوكان ناول كل واحد منهم عصاية في راسو كان احسن شي[/FONT][/SIZE][/B][/COLOR]
والله فعلا نكاتهم بايتة -طبعا ابو العريس ليهو حق يطردهم بدل ما يقلبو الحفلة ها ها ها وماه ماه اماه
بالله عليكم فى فرقه كوميديه بتقدم فقره فى حفلة عرس وخاصه زمن الحفل محدود (تستاهلوا) ده دليل على عدم الفهم وبتقدموا الكوميديا بتاعتكم دى ساى . لازم يكون عندكم ثقافه زى دى ومن الاول تعتذورا وتفهموا العريس ولو عايزين تجاملوا العريس جاملوه فى حته تانيه غير يوم الزفاف .
عالم غريب بالجد . عايزين تحشروا نفسكم فى اى حته
[SIZE=5]أبو العريس داير الرقيص … البنات السمحات وعلب الكريمات …[/SIZE]