جرائم وحوادث
القبض علي قاتل استدرج الضحية بوجبة عشاء بسبب فتاة
وتشير الوقائع إلي ان الاجنبي والمتهم بقتله دار بينهما نقاشاً حاداً تطور إلي مشاداة كلامية ازهق علي اثرها السوداني روح المجني عليه والذي استدرجه من احدى الاسواق بمنطقة الديم التي قصده فيها ومن ثم طلب منه التوجه معه الى منزله لتناول وجبة العشاء التي ارتكب بعدها جريمته البشعة بالاعتداء علي الاجنبي ضرباً ولم يكتف بل قام بـ(خنقه) بـ(قطعة) قماش حول العنق ما أدي إلي وفاته في الحال وعندما تأكد من انه اجهز علي ضحيته فر هارباً من مسرح الجريمة وصادف ان جاء إليه بعد سويعات احد زملائه فطرق الباب ومن ثم دلف إلي داخله كالعادة مع المتهم بالجريمة ولنه تفاجأ بجثمان الاجنبي مسجي بباحة المنزل فما كان منه إلا وسارع للاتصال بالشرطة التي تحركت الى مسرح الجريمة واتخذت كافة الاجراءات القانونية التي حولت بموجبها الجثة إلى مشرحة الطب الشرعي فيما تم فتح بلاغ جنائي بقسم شرطة (الرميلة) تحت المادة130 من القانون الجنائي.
من جهة أخري القت الشرطة القبض على المتهم الذي سجل اعترافاً بالجريمة التي قام بتمثيلها.
الخرطوم : سراج النعيم
[SIZE=5]جاء إليه بعد [COLOR=#FF0083]سويعات[/COLOR][/SIZE]
نعيم الهناء سويعات دى تعبتك شدييييد والى الأمام:lool: :lool:
[SIZE=7]والله ما فهمت حاجة ؟؟؟ دخلت بي زيد وطلعت بي عبيد….منو قتل التاني ومنو الرجع لقي المتهم مقتول ؟؟[/SIZE]
علييييييييييييييييييكم الله ارحمونا من سراج النعيم ده. ما تبوظوا الموقع بالعبط البكتبو ده.
والله ضحكت ضحك لم دموعي مشت .. يا سراج عليك الله دا كلام عاقلين دا ..؟؟ يا اخي دي لغة شنو دي انت بتهذي ولا بتهضرب ؟؟؟
[COLOR=#FF004D](تكمنت الشرطة من القاء القبض علي قاتل الاجنبي الذي استدرجه القاتل السوداني بوجبة عشاء بمنزله بسبب إحدي الفتيات.
وتشير الوقائع إلي ان الاجنبي والمتهم بقتله دار بينهما نقاشاً حاداً تطور إلي مشاداة كلامية ازهق علي اثرها السوداني روح المجني عليه والذي استدرجه من احدى الاسواق بمنطقة الديم التي قصده فيها ومن ثم طلب منه التوجه معه الى منزله لتناول وجبة العشاء التي ارتكب بعدها جريمته البشعة بالاعتداء علي الاجنبي ضرباً ولم يكتف بل قام[/COLOR])
يا اخي ما كان يمكن تختصر الكلام دا في سطرين بس
[COLOR=#0300FF](( واخير تم القبض على قاتل الاجنبي بعد وجبة عشاء دعاه اليها ..
وقائع القصة تقول ان سودانيا استدرج اجنبي الى منزله وقضي عليه خنقا بسبب فتاة .. )[/COLOR]) وكان الله يحب المحسنين
تناقض:
(وعندما تأكد من انه اجهز علي ضحيته فر هارباً من مسرح الجريمة وصادف ان جاء إليه بعد سويعات احد )
(فطرق الباب ومن ثم دلف إلي داخله كالعادة مع المتهم بالجريمة)
انت هنا هنا تقصد طريقة الدخول فعلها كما تعود دائما مع صاحب المنزل اي بدون استئذان او انتظار احد لفتح الباب ولكن السايق ادى الى فهم انهما دخلا معا ..
يا اخي عليك الله خلى المراجع يراجع ليك مادام ناس النيلين مصرين على تواجدك وكتاباتك
[SIZE=6]نصيحه ليك ياسراج النعيم000
بطل الصنف البتتعاطاه ده شكلو مضروب0
حاجه تجيب القرف0[/SIZE]
اي واحد يمشي سكه ماياها يستاهل اي شي … قبل كم يوم سمعته من متحري ضابط قريبنا قصه غريبه انو في واحده جميله جداً بتتعطر بي عطورنا السودانيه وتقيف في الشارع للعربات وبعد تضمن الضحيه تقول ليهو شقتي فاضيه وراجلي مسافر لو عايز تمشي معاي ،،، اها اخر الضحايا اولاد اتنين أقباط مشوا معاها الشقه ووعدت التاني تجيب صاحبتها وأول ما قعدوا جاء راجلها ومعاهو واحد بي سواطير انتوا منو وجايين هنا ليه ؟؟؟وهددوا الأولاد ونهبوا قروشهم وسلاسل ذهب لابسنها وموبايلاتهم وصوروهم بدون ملابس وأي ضحيه طبعا بخاف ويخجل يفتح بلاغ من العمله المهببه دي ….الأولاد حكوا القصه دي لي زول والزول قال ليهم افتحوا بلاغ فعلا مشوا الشقه ولقوا المراه واعترفت انها عندها كميه من الضحايا بي ألطريقه دي …… لذلك اعملوا حسااااااابكم ياضعاف النفوس
والله عرفت الكاتب من العنوان
(خنقه بقطعة قماش [SIZE=5]حول الرقبة [/SIZE]) !!!!
يعنى ممكن يخنقه حول اليد مثلا ؟!
سراج النعيم ده يمكن من المهوسين بنقل الأخبار السيء البيمو ( سبق صحفي ) كل الأخبار الوارد من عندو لازم تلقي فيهو حيرة وعلامات إستفهام ولا ده من المطبعة . والله المستعان