جامعية تكتشف أن خطيبها إختصاصي ” تركيب مواسير “
وتعود تفاصيل هذا الحادث الغريب لإستغلال رجل في العقد الخامس من عمره لجلحاته الممتدة ومشروع صلعته الحضاري وتقدم لخطبة طالبة جامعية حسناء مدعياً أنه طبيب وإختصاصي شهير يعمل بمستشفى بشمال كردفان .
مقربون قالوا أن شقيق الطالبة ضبط الطبيب المزور قبل يومين بسوق (باب شريف) للموبايلات بحلة كوكو ، ليتبع أثره حتى مغادرته السوق ليكتشف أن خطيب شقيقته متخصص (خردة) موبايلات يقوم بتسويقها في الولايات .
وقال أحد معارفه لشقيق الطالبة : (اختصاصي شنو ؟.. والله الزول دا مركب الناس دي كلها مواسير ). في إشارة إلى ابتياعهم موبايلات صينية فاسدة منه .
أسرة الطالبة شرعت في إتخاذ إجراءات قانونية ضد خطيبها الذي خدعهم بإخفاء مهنته الشريفة وإدعى أنه طبيب وإختصاصي كمان ماجعل بنتهم تغض الطرف عن فارق السن واللون والكرمشة .
عوازل وحساد ومرفوض طلب صداقتهم في الفيسبوك أبدوا سعادة غامرة وشماته واضحة وقاموا بنشر الخبر بكل الوسائط المتاحة ، ما أثر سلبا على نفسية الطالبة التي حزمت أمتعتها وغادرت الداخلية إلى مسقط رأسها وفي عيونها بقايا دموع .
صحيفة حكايات
[/JUSTIFY]
منتهي السخف ..العقد الخامس..دي زاتا طالبه ما عندها موضوع ..اجرات قانونيه حيطالبو بي تعوييض ولا شنو
[B][SIZE=5][FONT=Arial Black]ما تقول لي لو كنت القاضي كنت ح تحكم بي شنو
كنت اتمنى لو أن هذه الزيجة نجحت
قبل ان تكتشف هذه الطالبة الجامعية
خدعت خطيبها لها
عشان كانت تتدبس
وطول عمرها ما تقدر تتفك
للأسف الشديد الإثنين خدعوا بعض
الرجل خدع البنت بتغيير مهنته
والبنت خدعت الراجل
بقبولها الزواج منه رغم انها لا تحبه وانه يكبرها سناومكرمش
وتجاوزت عن كل ذلك عشان هو إختصاصي اذن وحنجرة
يلا خمي وصري
انا متاكد تكوني هسع أديتي ليك واحد غلبان شاكوش
تلقي كان بيحبك من زمن
أول ما ظهر الدكتور في حياتك
اديتي حبيبك بالشلوت
وقلتي في نفسك
دا مازمن حب و رومانسيات
وأقول تاني وتالت ومليون
خميييييي وصرررررييي[/FONT][/SIZE][/B]
اللهم لا شماته ويمكن ان تحدث في ارقي العائلات والبنت ما عندها ذنب وباذن الله ربنا يعوضها خيرا منه
اولا بنتكم ما عاقلة عايزة الفلوس
ليش ما راحت الجنوب و اخت من فلوس البترول
[COLOR=undefined]الموضوع دا ناقص [/COLOR]
[FONT=Verdana]لاحول ولاقوة الابالله اختصاصى مرة واحد لو كان قال طبيب امتياز ماكان اخف شويه مواسير كترت ف البلد اى زول شايل ليهو كم ماسوره معاهو وحايم يلبع بيها خلق الله والناس بقت مابتخاف ربها الله يكون ف العون ويبعد الناس من شر المواسير دى والله غالب
لدي احساس كبير أن صحيفة حكايات لا تختلف كثيراً عن صاحب هذا الخبر الذي أوردته عاليه.
تستاهل هي لقطته من وين بدون ماتعرف اصله وفصله ؟ وأهلها كانوا وين ولم يسألوا عنه ” بس أي واحد يتقدم لخطبة بنت يعطوه على طول دون الإستفسار عنه ” وتاجر خردة ماله عيبه شنو ؟ والعمل الحر مافيه عيب وقد يكسب أكثر مما يكسب أخصائي الأذن والأنف والحنجرة , ودي آخر طتقعت البنت هذه وتلقاها ماقاعدة في الواطة وخامة أصحابها خمة شديدة ،
لما نقول ليهم ناقصات عقل ودين يزعلو. دخل ليك في مزاجك تشيلي كل المعلومات وتسألي عنه، مش بهل ليك الفكة وتصدقي طوالي. يا ريت لوكان عرسك عشان تركبي التونسية.
قصص من الخيال من اجل تسويق الجريدة
[B][SIZE=4][SIZE=3]والله عجبني ليك يابتنا
لانك انتي لما وافقتي ما كان في بالك الا انو اختصاصي انف وحنجرة
وماتزعلي لانو برضو طلع اختصاصي انف واذن وحنجرة للموبــــــــــــــايلات
وثم ثانيا اختصاصي انف وحنجرة وفي كردفان دا عندو شنوووووووووو[/SIZE][/SIZE][/B]
شافت الصلعة صدقت إنه زول عالمو إختصاصي انف واذن وحنجره
……………((( أنا لا أكذب ولكن……. أتجمل………)))
من الصلعات طلع خازوق مواسير البلد زااااااااادت…..خخخخ
ما تسرعوا يا اخونا يمكن يكون نقلوة من مكان عملة الي عيادة سوق باب شريف محل الشغل الكويس ممنوع التحدث بالموبايل اثناء العملية اقصد اثناء الميايعة دكتور عطبرة زميلك قال دكتور قال
شئ عادى هذا هو حال السودان اليوم ما بهم مهنتك شنو المهم عندك
قروش وهو كان عندو قروش لو قال تاجر موبايلات عندو قروش
كان الاهل وافقو عليهو وحتى لو تاجر بنقو ذاتو بلد يحب المظاهر
والقروش عندك قروش تساوى قروش ماعندك مافى زول دايرك
النساء بطبعهم ضعيفات انا لا الوم البنت ولكن الوم اهلها اى سخص يتقدم لبنت يجب ان يسالوا عنه ودى الاصول