محمد الطيب الأمين : مشكلة جمال الوالى أنه لا يملك موهبة (التلحين) يا أخ حسين شندى !!
* حسين شندى الذى لم يترك (ثلجة) شاردة أو واردة إلا وكسرها للأرباب الآن يريد أن يمارس ذات النهج مع الوالى !!
* مشكلة جمال الوالى أنه لا يملك موهبة (التلحين) يا أخ حسين شندى !!
* لو كان الوالى ملحناً لأصبح أشهر ملحن فى الوطن العربى والأفريقى والأوروبى !!
* الشعب السودانى لا يحفظ ولا أغنية واحدة خاصة لكل الفنانين الذين تخرجوا من برنامج نجوم الغد !!
* ولا أغنية !!
* فنانين بالعافية ساكت !!
* نسبة الأولاد الذين يمسحون (البدرة) فى وجوههم تعادل نسبة البنات اللائى (يشربن سجائر) والله أعلم!!
* طبعاً لما أقول فى بنات بيشربن سجائر الناس بيشوفوا الكلام ده كضب كضب !!
* لأنهم ناس طيبن !!
* وطيبين أوى كمان !!
* خليكم ده !!
* مافى بت بتشرب سجائر !!
* بناتنا بنات السرور القهوة دى مابشربنها !!
* لا بشربن قهوة ولابيشربن شربوت ولا بيعملن أى حاجة !!
* إحنا كضابين ساى !!
* ديل بنات مكتملات والكمال لله !!
* مدنى النخلى شاعر جميل ولكنه خفيف !!
* وأهلنا بيقول (التقلة صنعة) !!
* انتشر بشكل عجيب عصير القصب!!
* أنا ماعارف لكن البلد دى وكت فيها قصب قدر ده ليه كيلو السكر بسبعة!!
* القصب ده اعصروا واعملوا لينا السكر بألفين !!
* والله أنا السكر ما مزعلنى زى الصابون !!
* صابونة الغسيل بقت قدر الكبريت !!
* والصابونة بجنية ونص !!
* زمان صابونة واحدة بتغسل ليك ( دستة وربع ) !
* هسة الصابونة بتغسل ليك ( ربع دستة شرابات) !
* خلى بالك ناس الحكومة ديل عايزننا تانى لا نغسل ولا نستحمى !!
* أحمد البنا _ فنان تقريباً_ احتج على صفحة فى النت باسم ( كارهي أحمد البنا )!!
* نحن لا نشجع الناس على الكراهية ولكن نسأل أحمد البنا : يا أحمد أنت ما شايف أنو الجماعة ديل من خلال هذه الصفحة قد قدروك جداً؟؟ !!
* هذا سؤال أكثر من برئ !!
* القبول من الله !!
* على فكرة : رمضان باقى ليهو أربعة شهور وعشرين يوماً !!
* لا أعرف من الذى قال لصلاح ولي أنت فنان !!
* عمرو (النطيط) ما عمل ليهو لزول جمهور !!
* محمود عبد العزيز الجمهور العندو ده جابو بـ(النطيط) ولا جابو بحنجرتو !!
* الحنجرة والغنا المسؤول هو البيجب الجمهور !
* عشان كده ما تنططوا ساى!!
*أول مرة فى حياتى أشوف لى فنان اكتر حاجة مميزة فيهو هى (النطة) !!
* فنان أنت ولا حارس مرمى عليك الله !!
* بالمناسبة من هنا ولقدام أى فنان عايز يظهر ح يدخل الوسط ده بحركة !!
* يعنى مثلاً بعد فترة ح يظهر فنان بيغنى وهو (بيحبو) !!
* وتانى بيجى فنان بيغنى وهو قاعد جوة برميل !!
* الشغلانية بقت كده !!
* أى زول عايز يعمل ليهو تقليعة يخطف بها الأنظار !
* ده الفن عندنا بقى كده !!
* والحاجة زمان بدت بالأسماء الغريبة وهسه بقت بالحركات الغريبة !
* الناس ديل واضح أنهم بيطبقوا مقولة (مع كل حركة بركة )!!
* حركة بـ(الصاء) !!
* وبابور كادوقلى طفأ نور المريخ !!
* يا أستاذة : انتى فى قلبى جوة !!
*و..و..
* اشتقت ليك !!
صحيفة فنون
هذا هو ما اضعف دولنا واسمونا العالم الثالث الكاتب العزيز انه اللاتى وليس اللائى انهم اناث ولسن ذكور وشكراً للنشر عماد بدوى
والله يااخ محمد قزازك داء جرح كرعين كثيرين . وكل كلامك صاح وفي المليان. صلاح ولي واحمد البنا لاصلة لهم بالفن ودالبنا اعتمد على شهرة حوش اولاد البناالفني وقال انا وارث الفن ام عن جد؟؟ لا ياخي!! وصلاح ولي داء ينفع يسجلوه حارس مرمى في فرق درجة تالتة.
وبنات الزمن داء ياودالطيب السجاير شوية عليهن ديل بيلفن سيجارة خضراء وحمراء ومحترفات . الله يستر بناتنا واولادنا من كل سيئة ورذيلة.
والله يا ناس النلين ما عندكم موضوع. اولا سؤال من الذي اعطي هذا القيد الصحفي.جريدة قون وفنون. شوف ليك شغلة غير الدراب البترمي فيهو دا اتا ما صحفي ولا اعرف في الصحافهة شئ لكن لملم كل الكلمات دي وصرها في قطعه واديها الزباله. اولا في الكتابه في حاجه اسمها وحده موضوع. وفيه خبر وانشاء وجمل مفيده. انت في وادي والكتابه في وادي. هانت الدنيا والله انت صحفي والا صاح في غلط بقينا ما عارفين شئ:lool: 😀 انا معار
سلام يا محمد الطيب . ما حكيت لينا ولا مره عن مسلسل ( الضرى ماشى جاى ) صحى دا حيكون مسلسل رمضان الاول؟ غايتوتانى مشوارين القاهره الخرطوم القاهره والحضرى حينسف فتافيت الولارات الباقيه ؟؟ والله طلع محترف شاطر وناس كلتشى المساكين ما قادرين اعملو ولو مشوار واحد الخرطوم ابوجا الخرطوم . الخوف المشوار الجاى اكون ركوب التونسيه
اسى هو الصحفى ده زاته شكله عامل ليه بدره فى وشه
يا اخى لماذا الهجوم على احمد البنا .. احمد البنا فنان متميز عن الآخرين .. له اسلوب مختلف فى الغناء .. التميز والآختلاف عن الآخر هو اهم ما يميز الفنان .. خلال العشرون سنة الماضية لم يتميز فنان بأسلوب يميزه عن الآخرين سوى محمود عبدالعزيز ووليد زاكى الدين والنجار واحمد البنا .. ان تكره فنان فهذا امر شخصى و حق لا يعترض عليه أحد ولكن ان تنشر هذه الكراهية على الصفحات فهذا يستوجب العقاب لو اننا فى بلد تحترم الآنسان والقانون .. احمد البنا فنان مجتهد ومتميز فى أداؤه ادعموه بالروائع تجدون ما يسركم !!!!
ممكن تنتقد الزول فى غناهو نعم ننتقدو فى لحنو نعم فى كلمات الأغنية نعم يا حبيب لكن كسور تلج للوالى لصلاح لأى زول ما نقد ده تجريح وأساءة انت ماعندك بيها شغلة دى خصوصياتو ده مانقد يا استاذ