توقيف (150) فلبينيا ينتجون الخمور

(فلبينيين) يصنعون الخمور البلدية من (الذبيب والعنب والبرتقال) ويقامرون على لعبة (صراع الديوك):انتو احنا وين فى بانكوك. لله درك ياسودان

والله آخر زمن إندايات آسيوية !! حضارة وخبرات أجنبية كمان !! والله تقدّم !! هل يارب القعاد في الإندايات دي في بنابر وللا بروش وللا كيف؟ قبل فترة في الأخبار وجود 4000 فلبيني في البلد بطريقة غير شرعية وعلّقنا على ذلك وقلنا : ممكن وجود عشرات الآلاف من الأجانب من البلدان حولنا لكن من الفلبين؟ وهم دخلوا السودان كيف وهم جايين من أقصى شرق الكرة الأرضية؟ هل أدخلهم شخص عبر الحدود ؟ ومن أي مكان في الحدود؟ وكم قبض هذا الشخص مقابل كل واحد منهم؟ بلد صارت زريبة أجانب يدخلون من كل حدبٍ وصوب ولا عزاء لفقرائنا، إذا كان هؤلاء الأجانب أغلبهم بدون شهادات ولا تعليم خصوصاَ من حول السودان، لكن مثل خبرة الفلبينيين (150) ديل عندنا زيهم بس هم أدخلوا عناصر جديدة لصنع الخمور!!من العنب والبرتقال.هو كل الناس بتاكل عنب ؟ ولّلا يمكن عشان صعب أكله يشربوه شراب؟ مهازل يا بلد ، قال الشاعر السوداني وصدح بشعره الفنان القامة وردي: أبداَ ما هُنت يا سوداننا يوماَ علينا .
ولكن عشنا وشفنا السودان يتمرمط تحت أقدام الحركة الشعبية ، وأقدام ناس لا ذمّة لهم ولا ضمير!! ولا حول ولا قوة إلا بالله العلي العظيم

هو في ديوك اكتر مننا
فلبينات شنو البنجيبهم للخدمة يعني فشخرة علي الفاضي