اقتصاد وأعمال
وزير المالية يهدد بمنع دخول السلع المستوردة دون اعتمادات مصرفية
وقال وزير المالية لـ «الصحافة» أمس أن الوزارة ستعمل على عدم تجاوز المسموح به في الاستدانة من النظام المصرفي،والتحكم في السيولة وترشيد شراء بنك السودان المركزي للذهب من التعدين الأهلي،موضحاً أن البنك يشتري الذهب بسعر أعلى من سعر صرف الدولار الرسمي مما يضخ سيولة كبيرة في الأسواق تقدر بنحو 12 مليار جنيه في العام.
وذكر أن وزارة المالية تسعى الى الحد من استيراد السلع غير الضرورية أما بمنعها أو زيادة جماركها،وإحلال السلع المستوردة بالتوسع في إنتاجها محلياً لوقف استيرادها ،وتشجيع الصادرات،والحصول على قروض وتسهيلات لاستيراد السلع الضرورية،مشيراً في هذا الصدد الى أن البلاد تحصل سنوياً على نحو مليار دولار.
وأضاف محمود أن تجارة الدولار صارت تدار من سودانيين في خارج البلاد،يحصلون على تحويلات المغتربين،وما يجنبه المصدرون من عائدات الصادر ومنح أصحابها ما يقابلها بالجنيه في الداخل بسعر صرف أعلى من الحقيقي،ويرسلون سلعاً وبضائع الى السودان من دون فتح اعتمادات عبر المصارف،واعتبرهم مخربين للإقتصاد وهدد بملاحقتهم ولم يستبعد منع دخول أي سلع تأتي من دون فتح اعتمادات عبر المصارف،واتخاذ اجرءات عقابية في مواجهة أي مصرف يتلاعب في ذلك. [/JUSTIFY]
الصحافة
كلااااااام جميل بس يذكرنى قصة بائع السمن . يا وزير الفلس انتو ما عندكم صادر والوارد ده كلو لأعضاء حزبكم من الأثاث الوثير الى جبنة البقرة الضاحكة .. و تجار العملة منو؟ ما انتو زاتكم زيتكم فى بيتكم و فى زول يقد عينوا .. يا خى خلينا فن التنظيرات الفاضية الشعب السودانى بقى زى المرأة القالوا ليها كان وقفتى طلقانه و كان قعدتى طلقانه .. بقينا بينكم و بين الصادق و شلته … ده حار وده ما بتكوى بيهوا
الكيزان هم أكبر المستفيدين من أي ضائقة تعم البلد
و مثل هذه القرارات تخدم مصالحهم و لن يتأثروا بها
لأنهم أول من يخرق القوانين التي يضعونها بأنفسهم
بس رغم جشعهم و أنانيتهم و بطونهم التي لاتشبع أبدا…
برضو أحسن من المعارضة الخبيثة التي تحاول أن تستثمر النكبات و الشدائد لتصل للكرسي…
اللهم خلصنا منهم جميعا برحمتك يا كريم
السيد / السقط وزير الماليه اذا انتم كنتم حريصيين علي أقتصاد السودان ومساعدة المغتربيين
كان تعاملوا المغتربيين معامله جيده وحسنه وتجذبوا كل مدخرات المغتربين عبر
البنوك الرسميه وبسعر صرف مغري حتي يقوووم كل المغتربين بتحويل الفلوس عبر
القنوات الرسميه لاكن ولاكن ثم لاكن انتم كنتم نائنين نوم أهل الكهف والسوق
الاسود سبقكم الي الاخوه المغتربين واعطاهم حسب طلبهم وأنتم نائمين نوم عميق
استاذ ود محمود التضخم في السودان أكثر من الصومال والي الان ليس عندكم
اي اليه أقتصاديه تخرج البلاد من عنق الزجاجه الضيق
اصحي يااااااااااااااااا بريش
[SIZE=7]طيب وكت انت عارف أنو قرار زي دا حي يوقف السوق الأسود للدولار، منتظر شنو يا سعادتك.[/SIZE]
السيد وزير المالية الخطة البتتكلم عنها الان كان من المفترض تكون من زمااااان فى اى دولة الاستيراد والتصدير يتم عبر القنوات الرسمية وعبر الاعتمادات البنكية الا عندكم يتم عبر شخصيات وافراد
اذا اردنا استقرار اقتصادى لابد من مراقبة حركة الصادر والوارد
ومافى حاجة اسمها اعفاء جمركى ومافى حاجة اسمها استثناء
مافى حاجة دمرت البلد دى الا عدم التخطيط واستشارة الخبراء والعمل برايهم
كل واحد عامل نفسو هو الفاهم وهو المخطط
ارجو الرجوع للخبراء ؟؟؟؟؟
عجبتني فكرة نلاحق المضاربين في خارج السودان. انتو اول لاحقوهم داخل السودان. هذا كلو نتيجة لسياسات فاشلة وعدم تخطيت للمستقبل وعدم خبرتكم في السياسات الاقتصادية.كل يوم طالعين بقرارات اقل مايقال عنهاانها فاشلة وماهي إلا(جعجعة بدون طحين).
الى يومنا هذا ليس هنالك قرار تم تطبيقة اتحاداك ياوزير المالية اجمع قراراتك الاخيرة دى كلها وشف واحد فيهم تم تنفيذة 1- حتى الان الوزارات والهيئات تجب المال 2- اى موظف مقرب الى المدير نزل معاش مازال يعمل ويسافر بره كمان 3- الشراء البزخى مازال فى الهيئات والمؤسسات الحكوية شراء العربات والاثاثات ووو اين التقشف لم نراه الى فى الشعب المسكين 4- السفر للخارج للبعثات يفوق الخيال ويقبضوا باليورو والدولار والسفر دا بشاكله فية شكل لان سفرتين فى الشهر 2000 يورو فى 8 = 16000 جنية سودانى ………