المريخ السوداني يفجر مفاجأة صاعقة ويتعاقد مع قائد الهلال السابق هيثم مصطفى

[SIZE=3][FONT=Arial][SIZE=3][B]علاء الدين ممكن نقول قلبو حنا ونبلعا ليو ….لكن العملو هيثم ده يسمو شنو؟؟؟؟؟؟؟؟؟[/B][/SIZE][/FONT][/SIZE]

الملك وسيدا فى فريق واحد دى ما باصات الوالى عدييييييل كده يعنى راس الحربة لو عميان بكون هداف الدورى . انشاء الله يا علاء الدين المرة دى البصمة دى تكون حقتك وما تقعد تتلولو

نهاية بطل يا هيثم …تاريخ وشطب بى استيكه !!! سينساك الجمهور العظيم ويعيد جمهور الاحمر اساءتك اذا فشلت وستفشل لانك استنفذت طاقتك فى الهلال ! لا تعتقد انك ستخطف الاضواء او شارة الكابتنينه والا قامت القيامه الحمراء ! انت الذى شطبت نفسك من الهلال وليس مجلس الاداره لانك تدخلت فى شؤؤن مدير فنى محترف وأسئت لمجلس الاداره . فماذا كنت تتوقع !! لم تقدم للهلال اى اداء منذ اكثر من عام وسببت مشاكل كتيره ونسيت انك مجرد لاعب ضمن كشف الفريق فماذا كنت تنتظر ؟؟ اسال نجم النجوم الذى لا تجاريه مهارة عزالدين الدحيش عندما شطبه الهلال وانضم للمريخ ماذا حدث له ؟؟؟
اعلم ان ناس المريخ سجلوك نكاية فى الهلال حتى يطمسوا تاريخك الكروى وقد ادوا المهمه بنجاح . بتسجيلك اغلقوا ملف سيرة اسمها هيثم مصطفى وشكرا لهم فقد اراحوا مجلس ادارة الهلال من عكننة ظلت تعرقل مسيرة الهلال بخلق المشاكل واثارة الجماهير .
لجمهور الهلال اقول سيد البلد هو الاهم والهلال فقد منزول وجكسا والدحيش وقاقرين ومصطفى النقر والقائمة تطول وهاهو اخر بطل للممتاز .
انتظروا الهلال الخالى من المشاكل هذا الموسم فاصحاب المهارات كثر المعلم عمر بخيت ..مهند الفنان المهارى الامل فى السودان…نزار الذى يصول وجول فى الوسط وهو صغير فى السن مقارنة بهيثم الذى اضحى فى يكمل لعبه بالمشاكل والكلام . بختك غارزيتو ستعمل بمزاج فكرة القدم لا تعتمد على الاسماء والتاريخ .
ومبروك عليكم يا مريخاب …جاكم كوم مشاكل هيثم وعلاء الدين الثنائى الذى لم يقدم للهلال اى دور خلال الموسمين الماضيين اما مشاكل واما طرد بعد كل مباراة واخرى .
لم يعد هيثم يعنى شى للهلال او جمهور الهلال ولا ينتظر ان يعامله جمهور الهلال كما كان فقد ارتدى فنيلة فريق اخر فى عالم الاحتراف وسيتعامل معه الكوكى لكلاعب محترف مثله مثل كلتشى فالكوكى مدرب عربى محترف لايجامل على حساب سمعته . ويعلم جيدا انا عامل السن واللياقه تسبقان اى مهارات فى عالم الاحتراف . لن يقبل الحضرى ان يخطف منه اى وافد للقلعة الحمراء النجوميه وما لايعلمه هسثم ان الحضرى بالنسبة للمريخ 50% وبقية اللاعبين بما فيهم هيثم والعجب 50%

لاادرى اين الوجهه القادمه بعد الشطب من القمه

الكورة في السودان زي السياسة زي الاقتصاد زي الصناعة زي الزراعة زي الطيران زي المواصلات فاشششششششششلللللللللللة…….والراجل بتاع المريخ دفع ملايين عشان يغيظ الهلالاب ..عبط وهبل وعنقالية….. بدل يشوف ليهو شباب جديد..ونحن شعب عاطفي وعبيط وعمرنا ما تعلمنا نتعامل بعقولنا فقط …. هيثم عمل ما يقدر عليه وانتهي خلاص … نقطة صفحة جديدة …..شوف صنم تاني وقدسو فينيتو فينش …