اقتصاد وأعمال
نائب البنك المركزي يصرف ثلاثة أضعاف راتب النائب الأول للرئيس
وتحصلت (السوداني) على معلومات تؤكد أن مساعدي مدير البنك المركزي الخمسة تصل رواتبهم الى (15) ألف جنيه زائدا راتب (7) أشهر بدل لبس وراتب(7) أشهر حافز سنوي وراتب(7) أشهر مصاريف إجازه بجانب راتب (3) أشهر حافز رمضان وأخرى مثلها حافز عيد الأضحى فتصل بذلك مخصصات الواحد منهم الى (405) آلاف جنيه في العام، وتخصيص سيارتين لكل منهم واحدة للاستخدام الرسمي والأخرى للأسرة.
وأشارت المصادر الى أن محافظ بنك السودان السابق د.صابر محمد الحسن حصل على مبلغ (3) ملايين جنيه كحقوق بعد تقاعده للمعاش. صحيفة السوداني
ونازالت الحقائق تتداعى وتنكشف
نسمع الخطاب ونقرا مايدحض صحته
الشارع يحتج ضد الزيادات
وهم يقولون الشارع بيرقص فرحا بالزيادات
واحدهم يقول راتبى كذا
ويتضح ان احد مرؤسي مرؤسوه يتقاضى ضعفه او ثلاث اضعاف
لاحول ولا قوة الا بالله
انه المال
بجانب كل هذا الترف وهذه السرقة المقننة يوجد هناك سؤال ليه يكون عضو مجلس ادارة في 27 مؤسسة البلد مافيها رجال غيرهم .. والخبراء البيتخرجوا ديل يقعدوا كدا ساكت ..
هسي الراجل دا حارم 27 رجل غيره من وظيفة فليه كدا ما بيحس انه دا حرام ..
يعنى راتب على عثمان ده ببنى الابراج والفيلل وبملك الشقق فى الامارات وفى ماليزيا وبعمل المصانع فى ماليزيا وغيرها . هذا كله تمثيل !! اذا كان راتبك كما قلت فمن اين لك كل هذا؟؟؟؟ بس خلينا فى ممتلكاتك فى السودان هل راتبك بعملها ؟؟؟ ارجو ان لا تضحكوا على الشعب المسكين والفقير . واصبح اعضاء البرلمان تنابلة السلطان والله المستعان .
مقارنة اعلا راتب فى هولندة هو راتب شركة شل ومن بعده مدير السكك الحديدية اما رئيس الوزراء لايحسب لان راتبه السنوى حوالى 220الف يورو ليس صافيا فبعد خصم الضرائب والتامينات التى تعلو حسب المبلغ فيصل راتبه الى 160 الف يورو يعنى حوالى 13الف يورو فى السنة اما راتب مدير السكك الحديدية فيصل الى 400 الف يورو قبل الخصومات وليس هنالك مخصصات له او الى رئيس الوزراء بعد ذلك ورئيس الوزراء ومدير شل والسكة حديد يركبون سياراتهم ومقابل ذلك يدفع لهم حق البنزين الكيلو 19 سنت من اليورو يعنى 1000 كيلو 190 يورو كما انهم يستعملون الدراجات الهوائية فى الصيف الى الذهاب الى عملهم منها رياضة ورشاقة وتواضع اما اخونا بتاع شل يزيد مرتبه عن هولاء 890 الف يورو فى السنة ويزيد حسب الارباح التى تحققها شل تحت ادارته فالسوال مالذى ريحه بنك السودان والسودان من هولاء لاعطائهم مبالغ خرافية وهنالك من يتضور جوعا يابشيرنا ملاحظة اكتبو على النيت رئيس وزراء هولندة على عجلة وسترون
[SIZE=3]هذا قليل من كثير . اين الشيخ علي نريد ان نسمع نغمة البزخ والاسراف
اليومين ديل في موضة بتاعت مزارع واستراحات بين الوزراء وكل مرزعة فيها ابقار ودواجن واغنام واشجار فواكة ومكان ل استقبال الضيوف والاسرة لتغيير الهواء وكدا[/SIZE]
الله لاكسبكم ولا بارك فيكم خميتوها ومليتو جيوبكم والناس الغلابة من عمال وموظفين راتب الواحد فيهم ما يساوى 300 جنيه فى الشهر لايعرف يسكن ولا يعرف ياكل ولا يعرف يتعالج.
هههههههههههههه حال يضحك كم الفائض من الميزانيه اسف العجز من الميزانيه يعنى راتب جزء من موظفين بنك السودان بيغطى عجز دوله
الكيزان والعساكر بكل خبث يريدون ايهام الناس ان ما حدث ويحدث(خم الرماد) ليس سرقة وفساد ولكن سوء ادارة وتبذير
خسئتم يا كيزان يا حرامية والناس عارفة انها سرقة مقننة مع سبق الاصرار والترصد وبطلوا محاولة الغش واوقفوا المسرحية سيئة الاخراج هذه
لا يوجد تبذير ولكن سرقة
هذا قليل من كثير في رواتب مؤسساتنا الوطنية.
كل العاملين في الخدمة المدنية بيصرفوا مرتب 24 شهر في السنة وهذه الميزة يستفيد منها اصحاب المرتبات العليا وتعمل خلل كبير
التحية لصحيفة السوداني التي اوردت مثل هذة المفارقات العجيبة ونامل ان تواصل جهودها في كشف المزيد وان تواصل الطرق علي هذا الباب حتي يستقيم هذا النظام المعوج
[SIZE=3]٣٠ مليون+٣٠ مليون=٦٠ مليون*١٢ =٧٢٠ مليون+٨١٠ مليون= ١,٥٣٠,٠٠٠,٠٠٠ +٢٧ *١٠ مليون=٢٧٠ مليون*١٢ =٣,٢٤٠,٠٠٠,٠٠٠ المبلغ الكلي =٤,٧٧٠,٠٠٠,٠٠٠ +٣ عربات في السنة مرتب لي.. نائب.. مدير البنك المركزي….؟؟؟؟؟!!!!!!…. وزير المالية.. قال.. العجز في ميزانية.. كل اهل السودان.. ١٠ مليار.. ودا ذول.. واحد بس.. شايل منها ٥ مليار..؟؟!!.. ما هي العبقرية.. النادرة.. المطلوبة.. لادارة.. بنك مركزي.. كالبنك المركزي..؟؟؟!!..[/SIZE]
ماعلي كيفهم ؟ يجب تغيير نظام الرواتب في البنك المركزي وإعادة هيكلته . ومليون سوداني حر شريف يمكن أن يقوموا بدور هؤلاء الأنانية ؟ يجب على وزارة المالية إعادة هيكلة وسلم رواتب كل المؤسسات الحكومية خاصة البنوك وبالأخص البنك المركزي والزراعي ؟ لماذ راتب نائب رئيس المركزي يكون 3 أضعاف راتب نائب الرئيس ؟ ليه ؟ وماذا عمل للإقتصاد السوداني غير زاده وبال على وبال ؟
بدووووون تعليق
يا راجل موظفى وعمال المركزى لديهم عمارات وعربات فارهة ودى فى الولايات ناهيك عن مركز المركزى والعجيب فى الأمر من أقر هذه المخصصات ( د صابر , محمد خير . الزبير , على محمود , وغيرهم من المحسوبين على مالية السودان )
ودورنا للوراث نبنيها …… الخ
:: تذكروا بيت الوحشة بيت الدود بيت الظلمة بيت الأقرع ::
رواتب عاديه جدا جدا .. مافي داعي للكلام الكتير .. الناس ديل يستاهلو اكتر من كده بكتيييييييييير لو قارنتهم بالدول التانيه ..
ما تكترو الكلام .. والعايز رواتب زي كده يبطل الكلام الفاضي ويركز في شغلو ويتعلم ليه حاجه يدخل بيها قروش زي العالم والناس..
الزول الراتبو 300 جنيه ده اكيييييييييد ماعندو اي مهاره .. شغال شغله هامشيه اكيد ..
وبالنسبه للزول البيقول للنائب الاول من اين لك هذا ؟؟ الزول ده شغال ليه خمسييين سنه وعلاقاتو ممتده في الشرق والغرب واخوانو كلهم ما يقلو عنو درجه .. ما تحكم عليه من راتبو وتسالو من اين لك هذا!!!!!!!!!
في احتمال انو يكون نزيه لذلك لاتحكم علي الناس كده بس.. ان بعض الظن اثم
انا بس ما محيرنى ةما بتحير الا مغير الا ال5 مساعدين ديل بيساعدوه فى شنو فى تحديد سعر الصرف الما قادر عليو دة ؟ الله فى
يا رشا انا ما منهم ولا حاجه … اتكلم بالعقل والمنطق بس.. مدير بنك ياخد ليه 30 الف !! المشكله وين؟؟؟؟؟
راعي الضان في الخلاء يعلم انو عادي جدا جدا جدا الراتب ده…
الناس في السعوديه بياخدو اكتر من كده وما هم بمدراء بنوك ..
وزي ما قلت الناس تجتهد وتبطل النظر في حق الناس . وما تعملو من الحبه قبه ……
كل ما زاد المرتب والمخصصات كل ما ضاق ود اللحد