اقتصاد وأعمال
السودان يخصص مليوني فدان للسعودية بنظام الإيجار لـ«50» عاماً
وأوضح المستشار الاقتصادي أن التخصيص يشمل أيضا توفير مصادر المياه اللازمة للمشروع الاستثماري، مع منح السعودية كافة الصلاحيات داخل المنطقة في منح الامتيازات التي تقررها لتلك المشاريع، بدءً من دعم المدخلات، وتحديد الأسعار، والدعم الفني، إلى غيرها من الصلاحيات ذات الصلة.
وقال كويا في تصريحات صحافية بالسعودية إنه سيتم تفويض الحكومة السعودية، في التعامل مع كافة المشاريع في المنطقة الحرة، والقيام بما يلزم من الناحية الإدارية والفنية بشكل كامل، بالتنسيق مع الحكومة السودانية.
وأوضح كويا أن هناك التزامات تقع على الحكومة السعودية تتمثل في تنمية وتطوير البنية التحتية والخدمات المساندة للاستثمار وتطوير المجتمعات المحلية، من خلال التركيز على ما يخدم مباشرة المشاريع في المناطق المخصصة للسعودية، وفق استراتيجية وخطط ومشاريع تحددها حكومة السودان. [/JUSTIFY]
الصحافة
[SIZE=4]عليك يالبشير بيع البلد كلها وريحنا
الشمال اداهو للمصريين الجنوب اداهو للجنوبيين الشرق جزء للسعوديين وجزء للحبش
لو ماكان بكسب اثم فيك على الفاضي كان نبذتك[/SIZE]
خمسين سنه:confused: ليه كدا بس؟السعوديه احسن من غيرها من الدول ما قلنا حاجه؟رغم نظام الاستعباد للسوداني في وطنها وماقلنا حاجه؟ولكن آجار خمسين سنه دا كتير جدا جدا:mad: هل سوف تدفع مقدم مره واحده ولي هايكون نظام سنه بسنه لانو الاسعار كل يوم سوف تختلف مره طالعه جدا ومره نازله ودا ظلم :confused: الدراسه يا ناس الاقتصاد قبل كل مشروع احسن وافيد؟
لماذا بنظام الإيجار ؟ لماذا لا يكون بنظام الشراكة ” مننا الأرض والماء ” الذين لا يقدران بثمن في وقت الكل يسعي ويحارب من أجل الماء ” ومنهم رأس المال والإدارة وخلافه ، يجب أن يكون نظام شراكة حتى ولو بنسبة 40% أفضل من نظام الإيجار مع الإشتراط عليهم تشغيل مهندسين زراعيين سودانيين وعمال سودانيين وأن يتم بيع نسبة من الإنتاج للأسواق المحلية السودانية ” مامعقول أرضنا ولازم نستمتع بخيراتها ولو بجزء بسيط من هذه الخيرات التى ستنتجها
طبعا بعد 50 سنة الارض حتفقد خصايصها وحتكون غير صالحة للزراعة …. وبي كدة السعودية تكون في الفترة دي خزنت للمستقبل ونحن نكون بنقضي على المستقبل … وجع
السؤال المهم هو
هل اذا من الله علينا واكرمنا بسقوط حكومة الكيزان
هل يمكن للحكومات القادمة التملص من هذه الاتفاقيات
طويلة المدى والتى يبرمها هؤلاء في محاولاتهم للتمسك بالسلطة
وانقاذ الاقتصاد بطريقة البصيرة ام حمد؟
يبدو ان الكيزان وبعد تدمير مستقبلنا وتشريدنا وامراضنا
ارادوا العبث ايضا بمستقبل الاجيال القادمة والسرقة المستقبلية
ويحضرني هنا كلام لاحدهم في الاسافير اذ قال
عزيزي الكوز رجاءا اسرق مما هو موجود ولا تستدين باسمنا
لقد حذرت الامم المتحدة والمنظمات الدولية الدول الاسيوية والافريقية من بيع أراضيها او تأجيرها الى الدول الاجنبية لان هذا هو الاستعمار الجديد الاستعمار الزراعى وكيف نقول جدودنا وصونا على الوطن وتراب الوطن ويأتى هؤلاء الكيزان الحرامية ويوزعون أرض الوطن على السعوديين والمصريين الذين يحتلون حلايب وسوف يحتلون المصريين الشمالية وبعد ذلك يتم طرد اهل الشمالية ويتم ضم الشمالية الى أسوان وتحصل أختها حلايب وحاليا المصريين اخذوا أرقين السودانية 600 ألف من أجود الاراضى وأخذوا الحوض النوبى فى الشمالية وهو من أخصب الاراضى وهذة الاراضى لايستطيع اى سودانى الخول اليها أصبحت أرض مصرية داخل بلدناوبعدين اى استثمار هذا الذى يجعلنى ابيع ارضى الى هؤلاء العرب الحرامية هل السعودية أو أى دولة من الخليج تسمح لنا ان نشترى متر أرض عندهم طبعا هذا شئ لن يحدث أبدا تفاصيل تأجير أوبيع الارض الى السعودية سوف تكون منطقة تتبع الحكومة السعودية ولن تعيقها أى عوائق من القوانين السودانية ولايترتب على ذلك دفع رسوم أوضرائب الى الحكومة السودانية يعنى لايستطيع أى سودانى دخول هذة الارض التى هى بلدة بدون ان يكون عندة كفيل سعودى قمة المهزلة ولايحصل فى أى دولة فى العالم أتحدى السعوديين ان يأخذوا هذا العقد ويذهبوا بة الى دولة ويعرضوة عليهو ونشوف كيف يكون الرد عليهم أذا لم يطلقوا عليهم النار لان أرضك سوف تصبح تبع دولة أخرى وبعديقن أرض السودان الزراعية أنها تخص الاجيال القادمة وليس من حق أحد يفرض فيها بعد قيام ثورة 25 يناير المصرية تم اعادة الارض التى اخذها الامير الوليد بن طلال فى توشكى والارض التى اخذتها الشركة الكويتية حتى الشركات التى تم خصخصتها تم أعادتها وعلى سبيل المثال شركة عمر أفندى التى أشتراها سعودى واخرابها وطرد منها العمالة وحاليا يتم فى مجلس الشعب المصرى مناقشة قانون يمنع بيع الاراضى الزراعية أوتأحيرها الى الاجانب واتمنى من المعارضة ان تصدر بيان أنها لن تعترف ببيع أراضينا لماذا مات أهلنا فى سبيل تحرير السودان هل هم ماتوت هباء
تعليق الاخ ود الحسن صحيح مأئة فى المأئة ثم لماذا لا تعطى مثل هذه الامتيازات للرأسمالية الوطنية والمغتربين ثم اننا مع الاستثمار الاجنبى خاصة فى الزراعة لارضنا البور ولكن بمناصفة بين المستثمر والسودان وقد سمعت الكثير عن هذا المشروع منها ان المستثمر السعودى لن يدفع اى ضريبة او جباية او رسوم ويصدر المنتج كاملة الى السعودية بدون جمارك ولن يلتزم بتوظيف السودانيين
[frame=”6 100″]
[B][JUSTIFY][SIZE=5][FONT=Simplified Arabic]لم يشعرني الإعلام السعودي بأن هناك مصالح مشتركة بين المملكة والسودان، ولا أعتقد أن مثل هذه المشاريع سيكتب لها النجاح طالما أن السودان في نظرهم تابع ذليل، وطالما أن هناك سودانيين يستفزهم أسلوب الإعلام السعودي في تناول الشأن السوداني.[/FONT][/SIZE][/JUSTIFY][/B][/frame]
والله جد انتو شعب متعالي في الفاضي ياخي كسل وتعالي كمان ايجار انشالله مليون سنه انت لاقي دا شنو التخلف دا خليكم ناس بناين وين الاستعمار هنا لو قعدتو من هنا لي مية سنه ما حتسو المشاريع الممكن يسويها السعودين عندهم الكاش بجيب اي معدات اي تقنيات انتو فالحين لي بس في النظريات ياخي قومو شوفو ليكم شغله بلا قلت فعهم
هسي ربنا يسالكم في حد فيكم فكر بلقت المصالح قبل ما يكتب كلامو بس فالحتكم في العنتريات واللسان الطويل طيب خلوهم يخلوها ليكم انشالله تعمروها امه جاهل والله كان نفسي اقنعكم بالمنطق بس انتو منطق ما افكاركم دي ما بتفهمو شوف الجاهل قال استعمار والتاني بقول 50 سنه كتيره والتالت الارض بفقد خصوبتو اسكتو الخواجات ما يضحكو عليكم امشو شوفو استراليه شغاله كبف يا بشر استعمار شنو دا اسمعو انتو النت دا جاتو واقعين ليها من عصر الجاهليه مش قبل الاسلام شكلكم من القرون البايده
هوووووووي انتو امه جاهله
والله الله خلقني ما شفت تفكير زي كدا انتو متعلمين ولا اتعلمتو كتابه في الفيس وجاتو ناطين ساي
شوف التعليقات كيف
*واحد قال يا البشير بيع البلد دا ما عارف الفرق بين عقد الايجار والبيع ولا شنو محتاج درس مع تاجر عقارات بعرف محل عقرات دراسه مجانيه
*التاني دا كمان اول جمله يديك احساس فاهم تتابع معاه الفهم في حته وهو في حته قال كتير محسسني من قلت الاراضي في السودان والمستاجرين واقفين في الصف خليه يستسمر ليك ارض فاضيه بعد خمسين انت لمن توعى تجي تلقي بنيه تحتيه وقال استعباد دا قوانين بلدم عاجبك تخش امشي ما عاجبك ماف حد ضارب يدك
*التالت ود الحسن فاهم والله بس دا كلو بكون تحت بند الايجار لسه ما اتحدد التفاصل وانت المحتاج تحاول تصل لي حل وسط بالمناسبه ديل ناس مسلمين ما حرام يستفيدو من ارضنا الارزاق حق الله
*بت ابوها دي كمان عندها كم معلومه عن الزراعه من الثانوي وجايه تتكلم ربنا استر علينا بس يا بت ابوها الارض يقعد بور ولا تزرع فيه محاصيل بقوليه بترجع ليها الخصوبه واي ارض بتفقد اي شي لازم بمقابل والايجار ما مجان والفوايد كتيره فب المينا والترحيل والسوق المحلي من البواقي وما تقولي لي ما بناكل بواقي الجعان ما بتامر بياكل لحدي ما يشبع ويقوي ضراعو للشغل
*غياظ فهمك يغيظ امشي شوغ دسكو وخلي المعارضه في البلد الانت فيها دا بلا حكومه بلا طمبور قديم
*ود مي بقول شنو يا ود مي هوي اهدا قالو الجاليه السودانيه عندها حفله في مصر امشي احضرو وخليك من لمت المعارضه في قهوة التوفيقيه دا امشي البورصه احسن
*قال هاشم كمان دا الفهم السقيم السوداني التاني تعرف مركب نقص حاصل في السودانين كلهم والله جد مركب النقص شديد قال تابع ذليل ربي اعن اهل السودان على ان يصلحو انفسهم
شوفو يا انتو ما عايشين في القرن 21 دا يا انتو لسه ما وصلكم القرن دا
[B][FONT=Arial][SIZE=5]نظام الايجار؟؟
ولماذا بالايجار __اما كان الافضل نظام الشراكة __بنسبة متساوية ولم كل هذا الهوان .
المفروض السعودية تساهم براس المال ويكون للسودان الادارة والعمال والموظفين ولهم الحق اي للسعودية في التصرف في نصيبهم كيفما شاءوا
الى متى انتقاص هيبة بلادنا ومواطنينا؟
المصرين طلعوا مظاهرات ضد السعودية وبعدها تعال شوف الاحترام الوجده المصري المقيم في السعودية
الى متى كل هذه الانبطاحات والتناذلات؟
من يهن يسهل الهوان عليه ومالجرح بميت ايلام.
وزير خارجيتنا يزور السعودية شحاداً وماذا نتوقع بعد ذلك؟
ايها الكيزان بعتم السودان جنوبا وشرقا وشمالا _سياتي اليوم الذي لن تجدون فيه من يشتريكم لان الشعب السوداني سيقتص منكم ان شاء الله ةغدا لناظره قريب.[/SIZE][/FONT][/B]