اقتصاد وأعمال
توقعات بجذب (5) مليارات دولار من المغتربين …..محافظ بنك السودان : ” يا نحنا يا تجار العملة”
وقال رئيس الاتحاد عبدالحميد عبدالباقي لـ(السوداني) إن الصرافات ليست نوافذ توزيع لبنك السودان, ولكنها أداة جلب للعملة الحرَّة, و ستنطلق لجذب موارد المغتربين المقدرة بأكثر من خمسة مليارات دولار.
وقال عبدالباقي إن بنك السودان أظهر ثقته الكبيرة خلال الاجتماع مع اتحاده أمس الأول في امتلاك الموارد المالية الكافية من العملات الحرة, مشيراً إلى أن البنك أكد قدرته على هزيمة السوق الأسود, بعبارة واضحة أطلقها المحافظ ” يا نحنا يا تجار العملة”.
واستبعد أن يؤدي القرار لارتفاع أسعار السلع لأنَّ البضائع المستوردة والموجودة سلفاً في السوق تم استيرادها بسعر (5.8) جنيه للدولار, مقارنة بأقل من (5,2) بعد قرار البنك المركزي ، و إذا لم يقم التجار ببيع بضائعهم لمواكبة القرار الأخير, فإنَّ آخرين سيوفرون ذات السلع وبسعر أقل.[/JUSTIFY]
السوداني
انا ارى ان هذا القرار يحتاج الى عملين اساسيين
اولا توفير كميات كبيرة من الدولار بحيث يصبح الدولار متوفرا في السوق ويلبي حاجة السوق يعني تاني الداير دولار يمشي يشيل عادي والداير يفتح حساب بالدولار يكون الأمر عادي واللي رسلوا ليه حوالة بالدولار يستلم دولار
ثانيا محاربة الإحتكار بعد التوفير وهذه اهم نقطة عن طريق قنوات مراقبة للسوق ومنع المحتكرين من تجميع الدولار ورفع سعره مقابل الجنيه
أنا ارى ان هذا القرار يحتاج الى عملين اساسيين
اولا : توفير الدولار بكميات كبيرة في السوق بحيث يصبح متداولا بشكل طبيعي
ثانيا : محاربة الإحتكار بعد التوفير لان الاحتكار يمنع التداول بشكل طبيعي فيظل سعر الدولار مرتفعا مقابل الجنيه
ولكن نخشى ان هذا الإجراء سيزيد من سعر السلع الإستهلاكية
الدولار ب 4.9 جنيه بشكل رسمي … صراحة حاجه تخوف الله يستر
المغتربين أو البقرة الحلوب ماذا قدمت لهم الحكومة حتى تتحدث بكل هذه الثقة الذائدة..كفاية المغتربين تحملوا الكثير فى سنوات الانقاذ العشرة الاولى و سنوات البترول اصبحوا نسيا منسيا و الأن الحكومة تراهن على مدخراتهم !!!! ده قصة بلدياتنا زاتها لما جوهو جيرانه المرطبين عند وفاة اخدهم و كان رده: و قت البارتيهات ما تكلمونا ووقت الدفن تتذكرونا .
الدنيا منى واحلام يا سلالالالالالالالالالالالالالالام
الي سوسو ودالنيل ورل
الحاجه الغريبه فعلا !! إنو جنيه الجن ده مافي واحد قادر إهدو ابدا!! لاسوق اسود ولا ابيض ولا احمر ولا حتي بمبي!! لا دولار ولايورو ولاحتي يوان!! لاامريكا ولا اوربا ولا الصين !! كلما يدق الدلجه ونقول خلاس دي النهايه !! ينط ليك تاني زي كوره الخنزير !! هسه قلنا سته وسبعه دي مافي قومه منّها !! جا واحد حُر وضكران عندو٢٠٠ مليار يورو قال انا تحت تصرف شعب السودان بما فيهو جنيه الجن بتاعو ده!! فااحتارت البريه لا امريكا حتقدر تسوي حاجه ولاغيرها…دي٢٠٠مليار يورو كمان مش دولار!!
اما بتاع الجنوب ده فليس مقياس !! لانو مافي زاتو لاسوق ابيض ولا اسود وحتي سوق فيهو دولار ولّا جنيه!!
الجنيه السوداني حيقوي ويبقي زي الحديده الي ان يصل اتنين جنيه للدولار!!وينزل التضخم لي رقم واحد ومعاهو الاسعار والاستقرار.وبركاتك ياهجليج ومواقف الرجال الشجعان وزياده الانتاج واستغلال الموارد !!
بالنسبه لعقاب الدول التي تستقبل اسد افريقيا!! فده اسمه بالبلدي حراق روح ساكت … ومن بقايا سكره الغني والقوه التي كانت!!حرّم لوصاحب المليارات دعي بوش واوباما وكلينتون والمجلسين والاداره كلها ومعاهم الايباك لصلاه الجعمه القادمه في القدس الشريف ليقرضهم خمسون مليار دولار بعد الصلاه لاتاه كل فردا علي إسته زحفا !! متوضئين !! لابسين دشاديش قصيره علي جيب كل منها مسواك!! وصلوا الجمعه معاهو وزادو بالعصر الي العشاء تطوعا وقبضو ورجعو زي كأنو مافي شئ حصل!!! ناس تعبد القروش عباده !! خصوصا بعد الاصابه بالفلس العقاري وجبال الديون الهالكه المهلكه !! زول
يعنى الصرافات عند ما وصل سعر الدولار الى 6جنيه لم تستطيع جزب مدخرات المغتربين وهل ستتمكن بسعر 5جنيهات من جزبها الامر كلها بيد الحكومة اذا قدمت للمغتربين اعفاءات كبيرة فى الجمارك ستجنى الحكومة المليارات
4.9 شوية !!!!!!!!!!! زيدوها شوية عشان نحول ليكم