منوعات
حكاية أجمل إعلان سوداني بالصور والفيديو
الإعلان المقصود هو إعلان “زادنا” لإحدى المنتجات الغذائية، حيث يصاحب صورة الإعلان صوت يشدو بلحن جميل ، جعل الجميع يتساءل؛ من هي صاحبة هذا الصوت؟! ويبدو أنها من غير الوسط الفني المعروف.
المخرج عبد الرحمن محمد عبد الرحمن يرى أن الإعلان نقلة نوعية في صناعة الانتاج الإعلامي، حيث أدخل المخرج فترات زمنية متباعدة في تسلسل جميل مصحوباً بحركة وإيقاع خفيف يجذب المشاهد دون أن يحس بالملل من روتين الإعلانات التقليدية.
ويرى بعض المشاهدين أن الإعلان لا يتناسب والمنتج المعلن عنه، أي أن جمال وروعة الإعلان يستحق منتج أكبر أو خدمة مميزة..
ولنترك الصور تتحدث عن الإعلان والذي لا يزيد زمنه عن الدقيقة:
[SIZE=5]لمشاهدة فيديو الإعلان أضغط هنا[/SIZE]
فعلا الإعلان مميز جدا بالذات الإخراج أظهر هذه المشاهد البسيطة بصورة أكثر من رائعة ،، وكانوا موفقين في إختيار هذه الفتاة النوبية الجميلة
، بنات الشمال جمالهن مميز ببساطته وهدوئه .
احياناإعلاناتنا فيها شوية عوارة،زي إعلان “حرم النور”في رز الوابل، يعني شنو : ياهو يا بيت ابوي؟ بيت الزوجية قيمته بقيمة كيس رز؟
والله فعلاً اعلان جميييييييييل
ياريت ناس الاتصالات ديل يشوفوا
[COLOR=#FF00A9]حبينا حياتنا ومانسـينا الفاتنا
شايلين ماضينا وسعيدة اوقاتنــا
مرت ايامنــا والنور جوانـــــا
حبينا حياتنا ومانسينا الفاتنـا
*************
في أجمل لحظاتنا كانت عاداتنــا
الشايلة صفاتنــا وتراث اجدادنا
دى بلدناوزادنا مانسينا الفاتنا[/COLOR]
[SIZE=4]اعلان جميل بس لو كان طلعو منو البنات كان بكون اجمل[/SIZE]
صراحه الاعلان كان في منتهى الروعه واحي مخرج الاعلان وبعكس صوره جميله عن سودانا تجذب كل مشاهد أتمنى اعلاناتنا التانية تكون مثله
والله كلامك صح يا دارا .. دعايه حرم النور دي بايخه جدا ! يعني ده رز ومال لو كان حاجه اهمه من كده حتقول شنو ؟؟؟ ياهو يا بيت ابوي ؟ بيت ابوك طواااالي طبعا ولا تتأخري .. والله الدعايه دي احسن يعملوا تعديل في طريقه عرضها!!! نهااااائي ما جايه
[SIZE=3][B]للامانة لفت نظري واعجبني هذا الاعلان لدرجة كبيرة ,اعلان يعطيك احساس بالراحة ويذكرنا بمجتمعنا السوداني القديم ,فهو يجمع مابين تقاليدنا البسيطة ممزوجة ببعض الافراح الارستقراطية,الفتاة صوتها دافئ جدا يعطيك احساس انه السودان لسة بخير بالرغم من ان الواقع عكس ذلك تماما.[/B][/SIZE]
[SIZE=2][B]شكرا للمخرج الذي ابرز هذه المشاهد الجميلة, الحديثة مع القديم متمثل في اللمبة والكسرة والجرتيق , وانشاء الله ناس التلفزيون يستفيدوا منو, يعني البيمنع شنوا انو يبرزوا الصورة الجميلة عن البلد حتي لو كانوا عاوزين يصورو اماكن شعبية, لانو في اماكن واحيا شعبية راقية جدا, حتي لو عربية كارو البيمنع شنو انو تكون واحدة مطلية بوهية جديدة وصاحبة نضيف؟! وهكذا…. [/B][/SIZE]
[SIZE=5][B]كاعلان نعم هو جميل ولكن كماده اعلانية زمنه طويل جدا فالمعروف ان الاعلان الذكى زمنه يكون فى حدود 5 الى 10 ثوانى لكى تصل المادة الى المشاهد ويفهمها ولكن يبدو ان المخرج خيالوا واسع وسريالى جدا ويبدو انهقد اعجب بالصوت والالحان والكلمات المكتوبة للاعلان وفى راى ان هذا الاعلان طويل زيادة عن اللازم [/B][/SIZE]
[FONT=Arial Black][B]الاداء بصوت شروق ابو الناس[/B][/FONT]
الحقيقة الإعلان اكثر من رائع ونوضح للإخوة القايمين علي أمر الإعلانات الوأحد لو كان بعيد من التلفزيون وظهرت دعاية زأدنا ياتي مهرول عشان مايفوت الدعاية الجميلة دي والعكس تماما مثل دعاية البوهية ودعاية حرم النور ودعاية قرايب دي الوأحد يتمني مايشوفة في الشاشة . مين صاحبة الصوت الجميل في الدعاية نتمني نتعرف عليها
[[B]SIZE=6]والله الاعلان جملة جميل جدا خاصة وانه يتضمن مواد تراثية من بيئتنا الواقعية من صاج كسرة ومراسم زواجنا وفى النهاية بصب فى لب الاعلان وهو زادنا [/SIZE[/B]]
بصراحة الاعلان جميييييييييييييل جدا يعطيك احساس بعالم جميل وجو هادئ ومجتمع متعافي وآمن، هذا ما جسده الاعلان. ويسرقك بهدوء جميل من عالم البداوة إلى عالم الحضارة والحداثة بكل بساطة وجمال مع الحفاظ على الأشياء الجميلةالتي كانت يتلفحها الشعب السوداني ثوباًً.
كما اسلفتم الذكر لدينا اعلانات كلمة بايخة تتبرأ منها، وفي اعلان عدس فيهو واحدة اسمها ايمان لندن ما ادري ابوها اسمو لندن ولا ما عندها ابو نسبت نفسها للندن اعلان تتبرأ منه كلمة” بايخ”.
لا يشاهد العالم إعلانات عن العدس والرز إلا في تلفزيوناتنا البائسةالتعيسة.
كنا اصحاب وعي وحكمه ودرايه بين العرب اصبحنا منحطين وحتي اعلانتنا تسئ لينا ..
يا ربي المشكله وين بس?
أنتو يا جماعة البتنتغدوا فى الإعلانات التانية كالرز والحاجات دى
تلاقى واحد حكمت معاة فى سندوتش معين بكرة تلاقى التلفزيونات
والشوارع والعربات والجرائد وفى أرقى واعظم الدول ماتكونو منتقدين
من غير دراية وأللة إعلانات الدول الغربية لو جلبوها لينا ما نشاهد ولا تلفزيون
عبييييييطة وكتيرة جنس كتر وبايخة جنس بياخة فى كل خمسة دقائق
[SIZE=2]فعلا قمة الروعة واداء جميل………… وبالجد لحظةالاعلان الواحد بدخل في عالم تاني ويتذكراروع الايام [/SIZE]
والله العظيم يا Zean لو في زول ركزمع تعليقك كان طيارت قامت مافي داعي للكلام الشين يا سيد يا سوداني يا محترم