إنيمبا على أعتاب قبل نهائي دوري الأبطال برباعية في شباك الهلال

دا مستوى الهلال الحقيقي قال سيد البلد قال
ياجماعة الكورة في السودان بدري عليها ونحنا عندنا صحفين ماعندهم موضوع غير اللعب على عقول القراء بكلام فارغ ارحمونا ياجماعة وخلينا نبدا صفحة جديدة مع الرياضة ونبدا بالاصلاح بمسح شداد واوعوانه من خاطة الرياضة0
وللحق المريخ الان افضل من الهلال لكن صحافة الكذب والتطبيل تكب غير الواقع الى ان انكشف المستور والان الهلال طيش المجموعة

اولا الهم لا شماته امس الاول خسر المريخ بعد اداءه مبارة جيد جدا ومن بطل افريقيا فوجئنا بفرحة الهلالاب الذين يعيشون الوهم اكثر من فرحتهم حتي ان فاز فريقهم ( عقدة مستفحلة فيهم تجاه الزعيم وبطولاته) ولكن نقول هذا مستوي الهلال طيش المجموعة ، يا جماعة علموا الهلالاب الاخلاق اولا لوتلحظون انهم في بطولة الدوري السودان لا يمنح اي لاعب من الهلال اي كرت و عندما يكون التحكيم اجنبي او في بطولة خارجية تجد لاعبوا الهلال ينالون الكروت بمختلف الوانها ولا تمر مبارة الا ويكون لديهم لاعب مطرود يعني التحكيم السوداني مجامل الهلال دائما وله القدح المعلى في بطولاتهم الاخلاق يا ناس الهلال وتصوما وتفطرو بالاربعات

أن يلعب الهلال بعشرة لاعبين لخمسين دقيقة هذا يجعل الخسارة طبيعية خاصة أمام فريق كأنيمبا في أرضه.
لكن تكرار حالة الطرد تدل على أن هناك مشكلة كبيرة في التحضير النفسي للاعبي الهلال وهي المشكلة الرئيسية في نظري.

الحصل للهلال نتيجة حتمية للصراعات

وكان الأجدى لصلاح إدريس الإهتمام بالفريق ومشواره الإفريقي بدل الدخول في مهاترات مع الدكتور شــــداد لكن فاقد الشي لايعطيه

فضيحه بجلاجل وعلى وزيرنا الهمام محاسبة إدارة الهلال بدل المهاترات مع الاتحاد

وياجماعه اتحاد الكوره في كل بلاد العالم محترم

هل يتم محاكمة المسئولين على فضيحة نيجيريا ( الوزير وصلاح إدريس)

نشـــــــــــــوف

;( ;( ماكان العشم يازعيم وبالاربعه .ليه انتو الشفطو مياه الامطار ولا ايه الحاصل بالضبط . حاسبوا ضمائركم لانو امثال كلتشي كثيرين .. :lool: :lool:

اولا رغم اننى مريخابى لكن الحق يقال ولو كان السيف فى اعناقنا الهلال محتاج الى ادارة جديدة وكفانا مهاترات ياصلاح ادريس والمودى الهلال ده للوراء غير صلاح ادريس ده مافى زول تانى والهلال المسكين ده غير الجعلية والإرتجال مافى شئ ضاريهوا وياربى الإتحاد العام مبسوط على النتيجة دى! وما تتحججوووووووووا ياهلالاب بالإستاد وموية المطرة وصيام رمضان المشكلة فى الفريق وبس ز

انا افتكر انة مفروض من صلاح ادريس يهدد بالانسحاب من كاس الاندية – او يوسط لجنة الاجاويد ويحتجو على انة الاستاد كان مليان موية – وانهم لعبو 10 لعيبة ولانة المشجعين كانو من نيجيريا ولانو اى مبرارات غبية ودة نتجة طبيعية – وماعايزكم تزعلو لانة دة مستوانا الحقيقى

انا في اعتقادي انو مشكلة الكورة السودانية 90% منها سببها اللاعب السوداني بصفة عامة وفي اي ناد كان وبغض النظر عن العوامل الاخرى، المشكلة انو السودان بقى عاقر في انجاب المواهب الكروية زي زمان، وعليه من المستحيل ان يحقق السودان اي انجاز خارجي سواء كان على مستوى الاندية او المنتخب مستقبلا وبعدين شوفو اسلوب لعبنا وشكلنا في الميدان في كل المباريات ضعف في الاداء واللعب بقوة وضغط ما في والتيم ويرك ما بيقدرو عليه خالص زي ما في كل الدنيا وبيفقدوا الكورة بالسهولة وما في حد بيقدر يشوت ليهو كورة في الثلاثة خشبات من بعيد يعني عك كروي زي لعب الحارة، وعليه الوضع لن يتغير حتى لو وفرنا تدريب مية مية ما دام العنصر المهم مفقود وهو اللاعب، ولكن ما السبب في ذلك ونعمل شنو لا ادري!!! اما مواضيع الادارات ما ادارات وما يجري بالداخل من تنافس محلي والاعلام الرياضي وثقافة العكننة بتعاتكم فكلها حرث في البحر فهنيالكم عليها وسيستمر ذلك الى ان يرث الله الارض ومن عليها.، اما الشعب السوداني المسكين عاشق الكورة فقد كتب الله عليه لعق المرارات على طول الخط والله يكون في عوننا وتقبل صيامنا وصيامكم.

المشكلة ياجماعة ما في اللاعبين المشكلة في الاهتمام العام الذي توحهه الدولة للرياضة من توفير للبنية التحتية والتنظيم والإدارة. أنا من وجهة نظري أعتقد بأننا يجب ان نقنن شكل الاحتراف في السودان بحيت يكون هنالك محترفين في كل ما يختص بكرة القدم من لاعبين ومدربين وإداريين. كذلك يجب حسم مشكلة مؤسسية الأندية بحيث يكون كل نادي عبارة عن مؤسسة قائمة بذاتها ولها إستقلاليتها ولها القدرة على إتخاذ كافة القرارات المالية والإدارية لتسسير النادي.

هذه هي مجموعة الموت الحقيقية، الي المباراة قبل الأخيرة لم يتحدد الفريقان الصاعدان الي المربع الذهبي،وحتي فارق النقاط لم يكن كبيرا مثلما في المجموعة الأخري

زهير نديم