عقب سماعها لقرار الفيفا برفضه الاعتراف بالاتحاد الجديد: حشود الرياضيين تتدافع وتحتل منزل شداد بالخرطوم 2
شهد منزل البروفيسور كمال حامد شداد رئيس الاتحاد السوداني لكرة القدم حتي ساعة متاخرة من ليلة امس بالخرطوم 2 تدفقا كبيرا
لحشود الرياضيين بمختلف الوانهم وذلك عقب سماع الخبر الذي اكد ان الاتحاد الدولي لكرة القدم الفيفا قد ارسل خطابا رفض بموجبه الاعتراف بشرعية الاتحاد العام الجديد لكرة القدم بقيادة د معتصم جعفر والمطالبة باعادة الانتخابات خلال فترة اسبوعين وقد استقبل الدكتور حشود الرياضيين المهنئين بالقرار الذي انصفه وكان علي راس الحضور اعضاء مجلس ادارة الاتحاد السابق علي راسهم طارق عطا، جادين جادا، سستليو جوبا، عامر عثمان، فياض اسماعيل، الي جانب ابو هريرة حسين رئيس الاتحاد القومي للبراعم والناشئين ، فقيري عدلان، عصام طلب، البروفيسور محمد جلال، حمد حمزة الكوارتي، فوزي المرضي، عمر النقي، وعدد من ممثلي الاتحادات المحلية بالولايات .
وسيرت رابطة مشجعي الهلال مسيرة كبيرة بالسيارات الي منزل شداد بعد ان اغلقت الطريق المؤدي الي منزله وهي تهتف بالعدل من الفيفا وتردد شداد كبير يا وزير.واستقبل د شداد جموع الجماهير بالخارج حتي داخل ساحة منزله مقدما لهم الحلوى.
ورفض شداد الادلاء باي تصريحات او الحديث عن القرار باي شكل من الاشكال لكنه اكتفي بقوله ان القرار وصل للاتحاد ولم يوزع او يعلن للاجهزة الاعلامية.
صحيفة قوون
والله يا جماعة نحن ناس غريبين خلاص ، ما نمشي ولانشجع الا المافي فيه فايدة شداد كم سنة رئيس اتحاد قدم شنو للكورة ، والمشوا ديل كلهم منتفعين وسافين قروش الاتحاد ..
وايه يعني يناطح الوزير ولازم يكون رئيس طيب بكرة بقرار رئاسي تتفرتق لحد كم سنة كدا ويكونها من جديد ويعتبرونا دولة جديدة تنضم .ز بعدين شداد دا ما تخلوه يترشح وسقطوه اذا عايزين ما يجي تاني .. ولكن اعتقد ان الحكاية كلها طبخة فكيف يترشح نائب شداد ويفوز وهو من ضمن شبكة شداد وماهو حيمارس نفس السايسة لو قعد
بلا كورة بلاعفن بلا بطيخ كورة شنو البتعملوا ليها ذوبعة كدا والماسورة مافيها موية ..
كورة شنو البتتناطحوا عشانها والسكر للاطفال مافي
قسم بالله ما عندكم موضوع
ولا شنو يا جماعة؟؟
البلد الوحيدة في الدنيا الممكن تخونا وتلقي ناس تحتفل بيك
و الليلة و الليلة
يا خلف الله عذبتنا
الحلوة في الموضوع أنو في صحفي مريخابي هاوسنا في الفترة الأخيرة و عامل فيها شاطر جدا و أطلق علي شكوي ( خلف الله ) للفيفا أسم بايخ جدا و يكتب هذا الصحفي في صحيفة الصدي الصدأة أطلق أسم حلاوة فيفا عبده علي الشكوي
أها يا شاطر بالله ورينا حلاوة فيفا عبده دي طعمها كيييييف
يا جماعة الخير كمال شداد شنو وكورة السودان شنو والله العظيم كمال شداد دا ما ينفع يكون رئيس اتحاد كورة شراب نحن من قمنا وعرفنا الكورة هو رئيس ما سمعنا يوم واحد انو عمل حاجة للكورة السودانية وعلاقته بالفيفا دي ما استفدنا منها يا اخوانا شوفو الدول الافريقية الحولنا متقدمة في الكورة وفي البنية التحتية للرياضة هو بس بتاع تنظير ما سمعنا يوم انو جاب نجيلة لملعب في السودان وبعد دا عاوزين تحتفظو بيه خليه يمشي ونشوف امكن الكورة السودانية تتصلح ونمشي لقدام.
كان شالوا مابنشال***وكان خلوا سكن الدار
لذيذة خالصصصصصصصصصص
ماذا فعل شداد لكي تناصروه؟
إنجازه الوحيد التزوير والإعارات الوهمية لمصلحة فريق الهلال الذي فشل في جلب علبة صفيح فارغة من الخارج طوال 80 عاماً..
الآن بدأ الهلالاب بالنعيق خوفاً من التجميد عساهم أن يحصلوا على كأس الكونفدرالية التى وصفوها ببطولة الضعفاء والحمام الميت من قبل..
لكنه عشم إبليس في الجنة يابتاعين الأناطين..
حتى الفيفا بقى يتدخل فى امور السودان وين مجلس الامن وين محكمة لاهاى الدوليه دى رياضه ياشداد دى مش حرب عشان الفيفا تتدخل تفوا عليك ياشدد ياحقير الف سنه وماشبعت تشبع دم ضيعت الكورة السودانيه .
الناس مسحورة ومبهورة
الناس مبهورة ومسحورة
بشدادنا ( النيل ) بالكورة
والبلد المحكومة بـ ( دبورة )
زاد الطين بله على طينو وفتح النافورة