خليل أمضى بعض الوقت بمنتجع سياحي : الدوحة تحدد 30 عضواً لكل وفد
في غمرة الحملة الإنتخابية داخل البلاد وخارجها توقفت مفاوضات الدوحة حول قضية دارفور بين وفد الحكومة ووفود الحركات المسلحة وبينما غادر الوفد الحكومي الدوحة عائداً الي البلاد قبل التصويت بأيام فان وفود الحركات المسلحة التي تجاوزت الـ300 فرداً بقيت هناك الي ان صدر قرار من الوساطة القطرية يوصي ببقاء 30 شخص فقط من كل وفد من وفدي حركة العدل والمساواة وحركة التحرير جناح سيس اذ كان للاخير اكثر من مائة ممثل في الدوحة وللعدل والمساواة نحو 96 وللحركات الاخرى اعداد مختلفة ومن المقرر ان يكون بعض أعضاء وفود الحركات المسلحة قد شرعوا في مغادرة الدوحة بعد قرار التخفيض المذكور ليبقى بعد ذلك العدد المتفق عليه وفق معالجات قررتها الوساطة القطرية . وفي هذه الاثناء تجري عمليات لإعداد اوراق ومستندات للتفاوض عند بدايته بعد عودة الوفد الحكومي بجانب التحديد لورشة تدريب للمفاوضين . هذا ومن القيادات التي بقيت بالدوحة الدكتور خليل الذي كان قد امضى ثلاثة ايام في منتجع سياحي خارج مدينة الدوحة للراحة والاستجمام ومن ثم عاد الدكتور خليل للعاصمة القطرية حيث يقيم في جناح فندق فاخر .
صحيفة الوطن
والله كانهم بيحلو مشكلة العالم مش دارفور كل هذة الوفود اية الحكاية ناس ما عندهم سالفة غلطانين القطريين لامين الهلافيت ديل عندهم يلا بلادارفور بلا زفت
لو ما الدول المستضيفه الجماعة ديل طردتهم الى درافور ، سلام مافي
كيف يا جماعه زول عايش في فندق 5 نجوم يجئ السودان والكتاحة دى
الجماعة ديل استغلوا طيبة ناس قطر و حقو يخجلوا شويه و يغادروا الدوحة
300 فرد ؟؟؟ يا اخي معقول … والقطريين ديل قالو الرووووووووب عديل .. ولقوا انو الناس ديل ما دايرين يرجعوا … والمصاريف والدعوة قطرية … يعني معقولة … الجماعة عملوها فسحة وليست مفاوضات .. وخليل مشي يتفسح .. والناس هنا قاعدين في المعسكرات … والله يا اهل دارفور … خليل دا ما بحل ليكم مشكلة ..
بعد أن بلغت فواتير الخمر من الوفود المشاركة ثلاثون ألف دولار بالتمام والكمال قررت قطر تخفيض عدد …………..
ضاربين الراحة والرطبة في الدوحة عشان كدة مادايرين توقعو علي الاتفاقية خافين
من انتهاء فترة الحرب وتنتهي ايامكم في الدوحة اللذيذة وترجعو تاني للحر والسموم 😎 😎 😎 😎 😎 😎
يا هو حال السادة قادة الحركات… من فنادق المفاوضات إلى قصور الوزارات
والسكن فى الرياض والمنشية والعمارات بعد الإتفاقيات…ولا عزاء للثكلات……
;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;(
300 عضو وقال حل مشكلة دارفور والله ديل ما همهم لا بدارفور ولا دار السودان .:lool:
هذا يرجع لكل مسؤول ولكل معارض نحن سودانيون رجال واهل فزعه ونكرم ضيف الهجعه الساحبه شايله كل يوم نزل ونهان ارجو وباسرع وقت حل كل المشاكل تساموا خلو الهمم عاليه هذه تصرفات لا ترتقي بمسؤول اكرر احمل المسؤولية للجميع واتمنى عزة النفس كفانا زل وهوان
والله الحكومه كلو زول يعمل ليه جماعه ويفرفر تعملو مكانه
خليل والحركات المعه ماعندهم اى شى حقو الحكومه ماتشتغل بيهم ولو عملو تانى حركات فى دارفور تحاربم وتحاكم من يتم القبض عليه بالاعدام
ده فوضه ولعب عيال
المثل بيقول اذا كان اخوك عسل ما تلحسوا كلوا والجماعة ديل لقوا الكرم الفياض وهاك يا نومة
you kinow any time i read what going on in alnilin .com iknew some people in north sudan is verey selfeesh leek emad adrees
مسكينة دارفور زول فى المنتجع وزول يكوجن فى العصيدة ودنيا فرندقس يااهلنا الفور ولادكم باعوكم
علي كده دارفور كلها متبطحه في قطر , والله القطريين جابوا البلا لي نفسهم لانوا الناس ديل تاني ما برجعوا واحتمال كبير يكسروا ويطلبوا حق اللجؤ السياسي :lool: :lool: :lool:
هل هؤلاء يهمهم امر دارفور فقد وجد العيش الرغيد والفنادق الفاخرةوكان من الممكن ان يجلسوا سنوات دون ان تصل المفاوضات الى نتيجة لانهم لايريدون مفاوضات ولا قضية لهم وبعضهم لم يرى دارفور منذ عشرات السنين. هل يعقل ان يضم وفد مفاوض 300 فرد كيف يتم التنسيق والتوفيق بينهم وان كانت لهم قضية معروفة ومشتركة كان يكفى ان يضم الوفد 5 اشخاص فقط لكن كل واحد منهم يرفض التنازل للاخرين حتى يضمن السكن المريح والنثريات وقد سمعت من احد العاملين بالفندق الى ينزلون فيه ان فاتورة الخمور بلغت 60 الف دولار مما حدا بالقطريين ان يتخذوا قرارا بتخفيض الوفود التى ارهقتهم بالمصاريف .
لك الله يا دارفور الابية فقد اصبح كل من هب ودب يتحدث باسمك.
صدق أو لاتصدق هل تعلموا أن الحكوميه القطريه تدفع للشخص الواحد من أخوانا 400دولار فى اليوم الواحد:confused:
300 عدييل كدا؟ طيب خليتو منو في تشاد..؟
عالم فارغة بشكل وماعندها أي موضوع..