الصادق المهدي : لا يمكن لوكيل العريس أن يكون عريساً
شنّ الإمام الصادق المهدي رئيس حزب الأمة القومي ، ومرشحه لرئاسة الجمهورية ، هجوماً عنيفاً على أحزاب المؤتمر الشعبي والاتحادي الاصل ، والحركة الشعبية ، ونعتهم بعدم الجدية لخوض الانتخابات ، لتقديمهم مرؤوسين كمرشحين لرئاسة الجمهورية وأضاف (لايمكن لوكيل العريس ان يكون عريساً ) وأكد المهدي ، لدى مخاطبته اللقاء الحاشد بمنطقة الماطوري بمحلية المناقل ، بولاية الجزيرة امس أنه لم يكن راغباً في الترشح لرئاسة الجمهورية ، باعتبار أن السودان يمر بمنعطف خطير يتطلب الدفع بشخصية قومية تقود البلاد لبر الأمان ، وأوضح انه من غير الممكن ان يقدم الحزب مرؤوساً لهذا المنصب ، ساخراً من الأحزاب التي قدمت مرؤوسيها لمنصب رئاسة الجمهورية ، في إشارة الي ياسر عرمان ، مرشح الحركة الشعبية ، والأستاذ عبد الله دينق ، مرشح المؤتمر الشعبي وحاتم السر مرشح الحزب الاتحادي الاصل ، وقال( ديل يظهر ماجادين) وقطع المهدي بسعيهم لإعادة السودان الذي تم اختطافه عبر وسائل شرعية وبحسب صحيفة آخر لحظة اضاف ان نصيبه في العمل السياسي كله شقاء وليس سعادة .
لا يدافع عن الإنقاذ إلا فاسد أو جاهل أمثال ساتي الذي يقارن بين الشمولية والديمقراطية.
كل الحكومات التي مرت على السودان كانت أشرف من حكومة تجار الدين والفاسدين والمتطاولين بالبنيان من الغفاسدين الذين كانوا بالقريب من الجياع.
هذا العهد الجائر الظالم الفاسد سينتهي طال الزمن أو قصر وسوف تصبحوا نسيا منسيا كشيخكم الهرم يافاسدين.
السودان كان بيمر بمنعطف خطير مما تطلب ازاحتك عن السلطة يا زعيم في عام 89 وظهور ثورة الانقاذ والتي انقذتنا من الذل والمهانة التي كنا نعيشها يا زعيم في عهدك؟؟؟لو انت نسيت انحنا ما حننسى صفوف العيش ولا الكهربا ولا المويا المافي ولا العجب سكر بالكرت تمشي تصرفة بس مرة وحدة في الاسبوع عشان يعمل ليك براد شاي واحد…ولا شنو يا جماعة ولا نسيتو صفوف البنزين اللي كانت بحروف العربات…الخ….بس قولو لي كان في شنو نعيم زمن ما حكمتنا او بالاصح سفيتنا؟؟؟؟
بالله في اكتر من كدة مهانة للشعب؟؟؟ولا في ارجل من قائدنا اسد العرب اللي مرقنا من الازمة دة؟؟؟
يا خي ما تجيب سيرة انو السودان يمر بمنعطف خطير عشان ما نتذكر ليك هتافات الشعب المسكين اللي كان بيقول لا نور لا موية يا الصادق يا ال…….؟؟؟؟؟;( ;( ;( ;(
المصيبة كل الذين ذكرتهم توجد عندهم ديمقراطية والدليل على ذلك لم يترشح رؤ,ساء احزابهم .. اما انت فالديقمراطية معدومة عندك .. وبس فالح بالكلام بيها كل مره
ياخوى الشعب السودان كلوا عايز الانقاذ .. كهرباء , طرق , كباري , سدود . بترول . سلع متوفرة في الاسواق .. أمن …
سير سير البشير …
ا
السلام عليكم اولا المبتلى بالسلطه الصادق المهدى .اقول ليك احترم سنك وألزم سجاتك كفايه مهذله كفايه عذاب للشعب السودانى لما وجده فى فترة وجودك فى السلطه .انت غير كفىء لادارة اسره خليك السودان .الموضوع طويل لكن ما عندى زمن عشان اقول واشرح المغايس المر بيها الشعب السودانى فى عهك :lool:
اذا حبيت يالصادق ان تبرك احسن تبرك من الان خير لك من تبرك فى ابريل
السيد الامام زي الدنيا يوم لك ويوم عليك:D
يا أيها الإمام الهمام السلام عليكم ورحمة الله وبركاته .. اتفق معك في قولك “وكيل العريس لايمكن أن يكون عريساً” .. ولكن لقد فات عليك أن هذه الأحزاب تعلم أنها حتى لوقدمت الرئيس أو “العريس “مرشحاً” فإنه لن يفوز بمقعد الرئاسة ولذلك قدمت الوكيل بدلاً عنه .. أما أنت فإن حبك للسلطة أعمى بصيرتك .. وهزيمتك المتوقعة ستكون خصماً كبيراً على تاريخك السياسي على علاته الكثيرة التي كانت سبباً رئيسياً لضياع الديموقراطية .. والطريف أنك تريد من الناس أن يجمعوا عليك كرئيس متفق عليه .. لقد عرفناك صاحب عقل راجح ولكنك للأسف لم تلجأ إليه هذه المرة.
اهو دة الكلام الجد يازعيم وكمان لو ختيت يدك مع البشير ودعمتة واصبحت انت مستشار للرئيس ونحن نعرف ان لك اراء وحلول لبعض مشاكل السودان وهذا يتطلب منك القومية وعدم الخوض فى اشياء لا تخدم هذا البلد . لكن الظاهر يا زعيم انك وضعت اول قدم فى الطريق السليم بتصريحك هذا .. فكر جيدا فكر ثم فكر جيدا فى ماهو المطلوب منك فى هذة المرحلة لتحتفظ بوضعك الدينى ثم السياسى ولك تحياتى وانا شخصيا لا زلت على قناعة بانك ممكن تنفع السودان كثيرا جدا وفى مجالات شتى . الا حاجة واحدة يازعيم لا تفكر فيها عشان ما تأخد وقتك هى انك تكون حاكم للسودان .
ياعمنا أطلع منعا وهي تعمر بإذن الله
انت غير مرغوب في السودان ولا في الجابون
ولا في رام الله ولا في المكسيك
أنت نذير شؤم تنعق كالغربان
وحيثما حللت يحل الخراب
والناس تسف التراب :confused: 😡 😡 😡 😡
بالله يالصادق ادي الفرصة لي غيرك .. انت عارف حاتم السر وعرمان ديل وصلوا للمركز داء كيف؟ عشان احزابهم اعطتهم فرصة وظهروا واثبتوا جدارة تفوق رئيس الحزب نفسه .. فهل انت ياامام تستطيع ان تعطي هذه الثقة لأحد نوابك او اعضاء حزبك.. داء انت ماعايز واحد من حزب الامه يتفوق عليك..
بدليل منافستك لي ودعمك مبارك الفاضل عشان قرف من هيمنتك وعايز يطلع من عباءتك ومن تحت اباطك..
عشان تعرف كم هم يتمتعون بجهل كبير، طبعا اصلو لو عندهم ثقة فى انفسهم كانوا رشحوا نفسهم ، كشفت سر ما كنا دايرينهم يعرفهو الا بعد الهزيمة الساحقة لهم باذن الله، وكمان عرمان بقول للرئيس انسحب:D 😀 😀 احسن تشوفوا ليكم شغلة تانية او عندى حل كويس امشوا اترشحوا فى مورتانيا او العراق او الصومال احتمال تفوزوا بالتزكية او الاغلبية السكوتية:D 😀 😀
جهر الرجل برأيه ورأيه مهم فهو الخبير والمجرب وهو أخر رجل سلبت من بين يديه السلطة الديمقراطية وهو أخر رئيس منتخب وله من الاتباع ما يفوق اهل المؤتمر الوطني وإذا اعطي الفرصة ويعلم أهل الانقاذ ذلك لهزموا شر هزيمة أما الذين يتحدثون عن الصادق المهدي بأنه رجل يحب السلطة والسياسة وغيرها من الاشياء يجب أن يعرفوا جيدا أن الصادق من الناس الذين ظلوا على طول مشوارهم الطويل في السياسة السودانية ينادي بحرية الشعب وديمقراطية السلطة نحن شعب مصاب بجهل شديد وذاكرة ضعيفة يعجبنا الترهيب والتخويف ونكره اللين والمعاملة الكريمة عموما المهوسون بالانقاذ والعسكر عليهم أن لا يناموا على فوز البشير هذه الاحزاب لها وزن ولها قوة ومتأصلة في الجذور والولاء لها قوي ومهاما يفعل اهل الانقاذ في محاولة لاظهار هذه الاحزاب بالضعف وسبب فشل السودان وغيرها فأنهم قادمون وهذه الانتخابات سوف تفاجأ أهل المؤتمر الوطني والبشير ولا يغرنك تقلبهم فالامر متروك للتصويت..
— ممكن وكيل العريس يقول ليه انا ما اكون العريس والى اي متى انا اكون وكيل – الناس فتحت – نرجع للشيء المهم انا لو كنت احد قادة حزب الامه لما استمريت ولا يوم بعد هذا التصريح يعني اثبتم يا احزاب انتم تقربون الطراطير ديكور نائب الحزب – الشعب تطور وفهمه اكبر من ما يعتبرون انفسهم اوصيا علينا ورجال مهمات صعبه – انا كل يوم بكلم البشير يا ريس اعمل ليك حوش كبير واجمع فيه المخرفين من الساسة كل الوظائف عندها عمر قانوني وفي كل البلدان الا ساستنا – يا جماعة نتكلم بصراحة — اذا كان هؤلاء بحبوا البلد وبحبوا اهلها لماذا لا يخدموا البلد كما نشاهد الرؤساء الغربيين يخدمون بلدهم وهم بعيد عن الكرسي بعد التنحي شاهدتنا بيل كليتون الشيطان هذا الذي ضرب الشفا وكارتر كل يوم يقوم بزيارة لبلد بريطانيا توني بلير حققنا ديل مرضهم الكرسي هذا يا انا فيه يا اخرب البلد ولو على ظهر اولمرت اسرائيل ارحمونا يا عالم نحن صبرنا نفسه مل منا
ههههههههههههههه دا حالهم برا الوزارة طيب اذا جيتوا الوزارة كيف الحل ؟؟
سيدي الصادق: السودان لم يتم اختطافه ولكن قتله وذلك بسبب قيادتكم غير الرشيدة حين تكالبتم على معاهدة السلام السودانية التي وقعها السيد محمد عثمان الميرغني 1988 وبعد كل هذه السنين لم تتغير لغتكم القديمة مما ينبيء بعدم التطور في المسألة السودانية. مارس الديمقراطية والشفافية في حزبكم وبعدها يمكن لك ان تفتي في قيادات الاحزاب الاخرى
يا راجل با كبير احترم نفسك وسيب البتعل فيو داالمرغني والترابي وسلفا ديل رجال محترمين تفسهم موش زيك داير تعيش زمنك وزمن غيرك وكان انت رجل واعي كنت تحزو حزوهم وترشح واحد من شباب الحزب لكين حبك للكرسي وللسلطه لا يسمح ليك ولو مجرد التفكير مثل الميرغني والترابي وسلفا وبعدين تعال اتت ما حكمته وزمن حكمك وصلته البلد للحضيض في كل المستويات وخاصه القوات المسلحه ركيزه البلد وهلمه جرا وصحي اببيختشو ماتو
يمكن لوكيل العريس أن يكون العريس
في حال اتلموا المتاعيس
تحية احترام وتقدير للإمام الصادق المهدي وكل أصحاب العقول النيرة والأفكار التي تخدم وترفع وطننا الحبيب , أنا لا أنتمي لأي حزب وكثير منا كان يختلف مع حكومة الإنقاذ لكن بعد التغييرات الكبيرة التي حدثت في السودان من تنمية وتطور في البلد كان لا بد من الاعتراف بان هذه الحكومة تقود البلاد نحو الطريق الصحيح رغم الأخطاء الكبيرة التي حدثت في بداية عهدها ومن هنا ادعو كل سوداني يخاف على مصلحة بلده أن يترك المجال لمن يخدم البلد بغض النظر عن الانتماء السياسي وفي نفس الوقت أتمنى من حزب المؤتمر الوطني في حال فوزه ان يمنح كل مواطن سوداني حقه دون تمييز بين الناس وأن تكون هناك فرص متساوية لكل الناس في فرص العمل كما اتمنى أن تهتم الدولة بتحسين أوضاع الناس المعيشية وأن لا يكون الناس مهمومين بالأكل والشرب وأن يتفرغوا للتفكير والتطوير لأن الشباب السوداني قادر على الاختراع والابتكار متى ما اتيحت لهم الفرصة , كما ارجو من الحكومة أن تهتم بالمغتربين من ناحية إلغاء جمارك السيارات ومنحهم أراضي أو مباني جاهزة بالتنسيق مع السفارات لأن كثير من المغتربين وأنا واحد منهم نعاني من الغربة ونتمنى العودة لأرض الوطن في أقرب وقت ممكن لأن من ترك داره قل مقداره , الله يحميك يا وطني ويحمي كل أهل السودان , اللهم أحفظنا وأحفظ بلدنا وسائر بلاد المسلمين …آمين
فى واحد مشى يخطب لواحد لقى العروس عجبتو قام خطبها لروحو .:lool: :lool: :lool: :lool: :lool:
وبحسب صحيفة آخر لحظة اضاف ان نصيبه في العمل السياسي كله شقاء وليس سعادة .
طيب ياخى ما ترتاح و تريحنا !!!!!!!:confused: :confused: :confused:
الجابرك على الشقاوة شنو ؟؟؟
أنحن عافيييين ليك لى الله و الرسول
وأنا عايز اسألك سؤال
إنت عندك أولاد ايه بتورث بناتك المناصب و سايب أولادك ؟؟؟؟؟؟؟
ياخى انقلع و شوف ليك صنعة أحسن من السياسة لأنك فشلت فيها من الستينات و فشلت البلد كلها معاك
وأضاف (لايمكن لوكيل العريس ان يكون عريساً )
والله لو العريس عجوز و مخرف و العروس (البلد) شابة صغيرة طوالى بنعقد لوكيل العريس لو لقيناه شاب و بيحقق طموح و أمانى العروس و يجيب منها الجنا و الذرية الصالحة و يعيشها هى و اهلها فى رغد من العيش و الأمن و الطمأنينة ؟
شن بندور بالعريس المخرف غير كترة الكلام ما عندو شئ مفروض يحترم سنه و نفسه و يدى الفرصة للشباب لأنه أخد اكتر من فرصة و فشل يحافظ على عروسه و خطفوها منه مرتين و التالته واقعه ؟
و يا سيد الصادق أدى الفرصة للشباب فى حزبك و بطل أنانية و لما ورثت المناصب ورثتها لبناتك ولا حتى أولادك و المهدى جدك ما ورث الخلافة لأولاده ولا لأسرته و لا لقبيلته و كان ديمقراطى أكتر منك و لكن النار تخلف الرماد
😮 😮 😮 😮 :confused: :confused: :confused: :confused:
والله ياجدى الصادق ابوهاشم والترابى وسيلفا ناس عاقلين وشايفين الحاصل وعارفين النتيجه لذلك احترموا نفسهم وقدموا الاشبال لكن مصيبتك ومصيبتنا انك راجل داير الكرسى وطردت القامه المحجوب عشان الكرسى وللاسف انت ديكتاتور وعايش فى وهم عيد ميلاد وراكب ليك حصان وتلعب بولو ياخ العب ام الحفر مع انصارك اصحى اصحى الزمن عداك وشوف ليك تبروقة اذكر رك عسى يخفف عليك من السويتو فينا
اللهم اجعل كيدهم فى نحرهم واقول لسيد الصادق مفروض تكون عاقل وتدخل التاريخ من اوسع ابوابة وتعلن الاعتزال من السياسة وتتفرق للمسجد والدعوة واذا اصريت على عنادك صدقى المؤتمر الوطنى الكاسح باذن اللة:lool: ( ) :lool: :lool:
لو عاوز تعرف أنك لات
صلح لأي شئ ألا الكلام بدون فائده خلى الحنة تزين بيها النساء بدل لحيتك
والله كلام كبير قلته ياشيخ الصادق عند المقابلة فى التلفزيون مع الاستاذ بابكر حنين
( انا ما داير احكها لغاية مايجيب الدم ) هذا كلام مايتقال ولا فى الاسواق