رياضية
المريخ يسترد الزعيم بصفقة مالية خرافية
استرد المريخ صحيفة الزعيم التي صدرت مؤخراً بشعار أزرق ورئيس تحرير هلالي بصفقة مالية وصفها المراقبون بأنها كبيرة.
وآلت (الزعيم) وفقاً للمصادر، لقطب المريخ عز الدين الجاك بعد مفاوضات مضنية خاضها مع الجهه المالكة دفع على إثرها مبلغاً مالياً كبيراً لم يكشف عنه المالك الجديد.
وتكتمت مصادر (صحيفة حكايات) عن قيمة الصفقة التي عادت بموجبها صحيفة الزعيم للقلعة الحمراء بعد أسر هلالي لم يدوم طويلاً، رجح البعض وصول قيمة العقد لنصف مليار وصفة المراقبون بأنه خرافي فيما عده آخرون بأنه لا يسوي شيئاً أمام عودة الزعيم للقلعة الحمراء.
الـلـه يـرحـم الـمـبـادي ياخـالـد عـزالـديــن !!!!!!!!!!!!!!!!!!! أهـا يـاعـزالـديـن الـجـاك مـن هـو الـذي سـوف يـدر {الـزعـيم} الإعـلام الـسـالب ؟ ومـن أيـن لـكـم بـجـمهـور كـجـمـهـور الـزعـيـم الـمـعـروووف والأصـلي والـذي لـم ولـن يُـشـتـري . أبـداً لانـه غـالي ونـفـيـس وثـمـين ونـاااادر جـداً عـلى فـكرة أكـتـب عـلـيـهـا تـوزع مـجـانـاً ولا تـبــاع يـمـكـن تـنـفـع لاحـظ يـمـكـن مـا أكـيـد
;( ;( ;( الزعيم .. فعلا لا قولا 0(هلال الملايين)بكبر قاعدته الجماهيرية على امتداد السودان والوطن العربى وافريقيا والعالم …. والزعامة تكون فعلا ولا تأتى بالشراء .. والعندو فلوس يشترى حمام ويطيرو يا زد الجاك .. وسلامة الجميع
اوهام اعلامية !!! الزعيم مين !!! والكورة وين علشان الصحف الكثيرة الما ليها عدد ولا ليها موضوع غير بث العصبية بين لالجماهير
المريخ معروف بشراء الاشياء وليس اكتسابها
من حكام وتنازل بالدخل وما خفي اعظم
خلو الالقاب والمحمولة جوا تطلعكم من الوصافة
ستة سنوات تحتنا وضلنا
خلو الحقد الطبقي يا هلالاب يا مفلسين وكلمو رئيس ناديكم يلم فضايح فلسكم العمت القري والحضر…..الزعيم معروف لقب من القاب المريخ من زمن بعيد ومن حقنا نسترده من همبتتكم…..صفراب يا هلالاب الي الابد باذن الله!!!!
بالناسبة ازكر الجيل الحالى والزى سبقة وارجعوا لصحف زمان لترو بام عينكم المريخ دة من ماقمنا عندو اسمين لا ثالث لهما مرة اقولوا المريخ ومرة اقولوا الشياطين الحمر اما العظمة والالقاب والدلع والعين المليانة تخص فقط الهلال ويسمى الهلال والزعيم وفريق اولاد المصارين البيض وسيد البلد ونادى الوطنية ونادى الخريجين والهلال العظيم .. اما ما يفعلة اخوتنا المريخاب فهذا لشعورهم بالدونية ودة شىء فيهم من زمان ما من اليوم وانا فى رايى الباع الاسم دة هو الكسبان لانو الهلال دة زى مجرى السيل عمرو حقيفتو ما بتتغير . هو لو ماخجلة كنت اقول ………………………………… ولا اقول ليك انسى .
أنا بسأل ياسادة يا اسياد البلد كل مايهم المريخ بى يحرقكم ليش الحكاية دى بى تسود قلوبكم ازاماكانت سودا والماعندو قديم ماعندو جديد والافعال كاسات مش فرقعة فى الفاضى وطولت لسان وإذكانت الصفوة ربنا حباها بل المال ليش الحقد ده
صحيفة وماتت، بعد شوية حتكون فى اضابير النسيان. والحقيقة المريخ اصبح منذ سنوات يلهس وراء كل هلالى. عسى ولعل.:lool:
يا شباب ..مريخاب وهلالاب ..خليكم عندكم شوية عزة نفس ، لقب الزعيم ده ما حقنا ،ده حق الهلال السعودي من عشرات السنين ، هذا إن دل علي شي إنما يدل علي تدني المستوى الثقافي لجمهور الفريقين ،والله وقعتنا كبيره ، تدني المستويات في كل شي ، السوها ناس الإنقاذ ديل في السودان ده ليوم القيامة ما تطلع ، الله يكون في العون .