ممكن جداً

ﻣﻤﻜﻦ ﺟﺪﺍً.. ﺩﻭﻥ ﺗﻜﻠﻴﻒ ﻭﺑﻼ اﺳﺘﺌﺬﺍﻥ

ﻳﺪﺧﻞ ﻗﻠﺒﻚ ﺯﻭﻝ ﺑﺎﻟﺼﺪفة ﻳﻜﻮﻥ ﺑﺎﻟﺠﺪ ﻓﻌﻼً ﺇﻧﺴﺎﻥ

ﻳﻐﺴﻞ ﻋﻨﻚ ﺭﻫﻖ ﺍﻟﺴكة ﻭﻳﻤﺴﺢ ﺩﻣﻌﻚ ﻭﺍﻷﺣﺰﺍﻥ

ﻳﻐﻴﺮ ﻛﻞ ﺗﺎﺭﻳﺦ ﺃﻳﺎﻣﻚ .. ﺻﻮﺭة ﻭﺻﻮﺕ ﻭﺯﻣﺎﻥ ﻭﻣﻜﺎﻥ

ﻭﻳﻔﺘﺢ ﺑﻮﺍﺑﺎﺕ ﺃﺣﻼﻣﻚ.. ﻭﻳﻐﻤﺮ ﺭﻭﺣﻚ ﻧﻮﺭ ﻭﺃﻣﺎﻥ

ﻭﻳﺒﺪﺃ ﻳﻔﺮﻫﺪ ﻏﺼﻦ ﻏﺮﺍﻣﻚ.. ﻭﺗﻌﻠﻦ ﺇنت ﺍﻟﻔﺮحة ﺃﻭﺍﻥ

ﻣﻤﻜﻦ ﺟﺪﺍً ..

ﻳﻔﻴﺾ ﺇﺣﺴﺎﺳﻚ.. ﺧﻴﺮ ﻭﻣﻮدة ﻭﺷﻮﻕ ﻭﺣﻨﺎﻥ

ﻭﺗﺒﺪﺃ ﺗﺸﻮﻑ ﺍﻟﻠﻮﻥ ﺍﻟﻮﺭﺩي.. ﻭﺗﻔﺘﺢ ﻟﻶﻣﺎﻝ ﺩﻛﺎﻥ

ﻳﺮﺳﻢ ﻓﻴﻚ ﺍﻟﻠﻮحة ﺍﻷﺟﻤﻞ.. ﻭﻟﻴﻬﺎ ﻳﻜﻮﻥ ﺍﻟﻬﻨﺎﺀ ﺃﻟﻮﺍﻥ

ﻭﻳﻜﺘﺐ ﻟﻴﻚ ﺍﻟﻘصة ﺍﻷﻋﻤﻖ.. ﻭﻳﺼﺒﺢ ﻟﻴﻬﺎ ﺍﻟﻮﻓﺎ ﻋﻨﻮﺍﻥ

ﺗﺮﺍﻫﻦ ﺇﻧﻮ ﺍﻟﻔﺮصة ﺍﻷﺣﺴﻦ.. ﻭﺣﺘﻤﺎً ﺗﻜﺴﺐ ﺃﻏﻠﻰ ﺭﻫﺎﻥ

ﺗﻌﻴﺶ ﺍﻟﻌﺸﺮة ﻣﻌﺎه في ﺳُﺘﺮة.. ﻭﻟﻴﻚ ﺗﺘﺒﺪﻯ ﺍﻟﺪﻧﻴﺎ ﺟﻨﺎﻥ

ﻭﻣﻤﻜﻦ ﺟﺪﺍً ..

ﻣﻤﻜﻦ ﺟﺪﺍً ﺗﺒﻘﻰ ﺍﻟﻐﻠطة… ﺑﺪﺍﻳﺔ ﻣﺮﺣﻠﺔ ﺍﻟﺘﺼﺤﻴﺢ

ﻭﻳﺒﻘﻰ ﺍﻷﻣﻞ ﺇﺣﺴﺎﺱ ﻳﺘﻤﺪﺩ.. ﻭﻳﻤﻸ ﻧﻀﺎﺭﻙ ﺑﻬﻮ ﻓﺴﻴﺢ

ﻭﺗﻠﻘﻰ ﺍﻟﺰﻭﻝ ﺍﻟﻴﺴﻤﻊ ﻧﺪﻣﻚ.. ﻭﺇنت ﺑﺘﺤكي ﻋﻦ ﺍﻟﺘﺒﺮﻳﺢ

ﻳﻮﺍسي ﺃﺳﺎﻙ ﺑﺎﻟﻜﻠمة ﺍﻟﻄﻴبة.. ﻭﺑﺮﺿﻮ ﻳﻮﺿﺢ ﺭﺃي ﺻﺮﻳﺢ

ﺯﻭﻝ ﻳﻬﺪﻳﻚ ﺃﺧﻄﺎﺀﻙ ﻭﻳﻨﺼﺢ.. ﻭﺣﺘﻰ ﻋﺘﺎﺑﻮ ﺟﻤﻴﻞ ﻭﻣﺮﻳﺢ

ﻟﻴك ﻳﻔﺴﺮ ﻛﻞ ﺍﻟﻤﺒﻬﻢ.. ﻭﺑﻴﻬﻮ ﺗﻀﻤﺪ ﻗﻠﺐ ﺟﺮﻳﺢ

ﻭﻣﻤﻜﻦ ﺟﺪﺍً

ﺗﻠﻘﻰ ﺍﻟﺰﻭﻝ ﺍﻟﻴﺮﺣﻢ ﺿﻌﻔﻚ ﻭﻳﻐﻔﺮ ﻏﻠﻄﻚ ﻭﻛﻠﻮ ﺳﻤﺎﺡ

ﺗﻨﻮﻡ ﻋﻠﻰ ﻃﻴﻔﻮ.. ﻭﺗﺤﻠﻢ ﺑﻴﻬﻮ.. ﻭﻣﻨﻮ ﺑﻴﺸﺮﻕ ﺃﺣﻠﻰ ﺻﺒﺎﺡ

بيه ﺗﺴﺘﻘﻮي.. ﻭﻳﺒﻘﻰ ﺍﻟﻤﺄﻭﻯ.. ﻭﺗﺸﻌﺮ ﺟﺪ ﺇﻧﻚ ﻣﺮﺗﺎﺡ

ﻳﻘﻮﻡ ﻋﻮﺟﻚ.. ﻳﺒﺪﺩ ﺯﻫﺠﻚ.. ﻭﺯي ﺍﻟﻨﻮﺭ في ﺩﺭﺑﻚ ﻻﺡ

ﺿﺤﻜﺘﻮ ﺣﻠﻮة.. ﻭﻳﺒﻘﻰ ﺍﻟﺴﻠﻮﻯ.. ﻭﻳﻬﻤﺲ ﻟﻴﻚ بي ﺻﻮﺕ ﺻﺪﺍﺡ

ﺭﻳﻘﻮ ﺍﻟﻌﺴﻞ ﺍﻟﻄﻌﻢ ﻋﻤﺮﻙ.. ﻭﺑﻠﺴﻤﻮ ﻳﺸفي ﻋﺬﺍﺏ ﻭﺟﺮﺍﺡ

ﻭﻣﻤﻜﻦ ﺟﺪاً

ﺭﺑﻨﺎ ﻋﻮﺽ ﺻﺒﺮﻙ ﺧﻴر .. ﻭﺭﺟﻊ ﻟﻴﻚ ﺍﻟﺴﺮﻗﻮ ﺍﻟﻐﻴر

ﺟﺎﻙ ﺍﻟﺰﻭﻝ ﺍﻟﺒﺒﻘﻰ ﻧﺼﻴر .. فيه شهامة وصدق أصيل

في ﻟﻴﻼﺗﻚ ﺑﺪﺭ ﻣﻨﻴر.. يلوح في خاطرك معنى جميل

ﻭﻣﺎ ﺗﺘﺮﺩ ﻟﺤظة ﻭﺗﻐﻠﻂ.. ﺳﺮﺝ ﻧﺤﻮﻭ ﺍﻟﺮﻭﺡ ﻭﺍﻟﺨﻴﻞ

ﻭﻟسة ﺍﻟﺪنيا الغنية بخير

ﻭﻣﻤﻜﻦ ﻳﻈﻬﺮ ﻗﻠﺐ ﻧﺒﻴﻞ.. ﻭﻋﻤﺮﻙ ﺑﻴﻬﻮ ﺑﻴﺒﻘﻰ طويل..

تفيض البهجة جداول ونيل…

وﻣﻤﻜﻦ ﺟﺪﺍً

تلويح:

قد تجد قلباً يساوي كل ما خسرته في حياتك يوماً!!