الاستقرار يا ناس

2014/09/04

الاستقرار يا ناس > يمر المريخ بأحلى أيامه
> كيف لا
> وسيكافا ثري معنا للابد
> يبقى ما بقيت الحياة عندنا
> كاس في السلك وملك
> وتقاطرت الجموع من كل حدب وصوب
> التقت الجموع بأرض المطار
> مطارنا
> لذا نعمنا باستقرار كبير
> ولكن ظهور سوء التفاهم
> وبعض الاختلاف حول لجنة الدعم لهو أمر غريب
> غريب في توقيته
> غريب في طريقته
> غريب في الاختيارات التي صاحبت القرار
> برانا أردنا أن نكسر الهدوء والاستقرار
> ولو لا قناعتنا بحكمة الفريق فاروق
> ولو لا إيماننا بمريخية الفريق فاروق
> لخفنا من الفتنة
> ولأشفقنا على الاستقرار
> أيها الناس
> يادوبك الظروف أصبحت ملائمة للتقدم
> لمزيد من الانجاز والاعجاز
> ولا داعي لاشياء تطرد استقرارنا
> وتشتت شملنا
> وتباعد بين قاماتنا
> وتفرق بين هاماتنا والانجاز
> وفي الآخر
> تشتت أفكارنا
> أيها الناس
> مجتمع المريخ كفيل بالتقريب بين قلوب يجمعها في الأساس حب المريخ
> والفريق فاروق ورفاقه أكثرنا حرصاً وتمسكاً بمصلحة المريخ
> وكبارنا مرجعياتنا
> لذا
> نختلف في شيء
> ولا نختلف حول المريخ
> ومن هنا يبدأ التصافي
> لكي ننطلق الى منصات عشقناها وعشقتنا
> عشقنا لمنصات التتويج لم يكن من طرف واحد
> حبيناها وحبتنا
> ما زي حب اخوتنا الاهلة للبطولة المسمنها المحببة
> فهو حب من طرف واحد
> يحبها الاهلة
> وهي لا تحبهم أبداً
> ما حصل يوم في تاريخهم احبتهم
> كلما يعبروا ليها عن حبهم ويطلبوا يدها
> تقول ليهم دايرة اقرأ
> اما نحن
> فتبادلنا منصات التتويج حباً بحب
> ده اذا ماهي البادرت بالتعبير عن حبها
> وانبهلت لينا
> فتتو لينا جنس فت
> الحب صعب شديد
> المهم
> اعدادنا يمضي
> وجماهيرنا جاهزة
> وممتازنا في حوزتنا
> ولن نقبل باي خطأ لا يظلم حسب قولهم
> المهم
> الناس الفقدت المنطق والوطنية يوم سيكافا
> الناس الما حللت الرقم الوطني الشايلاهو ومبروزاهو كمان
> الناس الذين تنكروا للوطن لحظة تحليق الطائرة الكينية فوق باحة المطار
> والانصار يكسون ساحة المطار احمرار
> الناس ديل
> ندعوهم للعودة للوطن يوم الجمعة
> في منتخب وطني لاعب
> بالقلعة الحمراء
> تعالوا شجعوا المنتخب لاجل الوان العلم
> عله يكون التمرين الاول لكم في الوطنية
> لا يهم من يلعب بالمنتخب
> لاننا ننظر لالوان العلم التي تحجب كل الالوان
> الوان علم السودان
> يعلوها الاحمر الوهاج
> ثم تأتي بقية الالوان في تسلسل منطقي
> كلنا مع المنتخب يوم الجمعة
> ويا حلاتنا لما نصفق
> طق طرق طقطق سودان
> وبالطول بالعرض سودانا يهز الارض
> حبة وطنية ولو عند اللزوم
> عشان كورتنا تصحى وتبطل تنوم
> المهم
> قابلني هنايابي
> قال لي سيكافا مسيخة
> قلت ليهو اول يوم اشوف لي زول ما ضاق حاجة ويقول عليها مسيخة
> اسي يمكن ملحها كتير
> انت ضقتها
> صاحبنا مشى طوالي وعمل روحو ما معاي
> أيها الناس
> اليومين دي في ناس لو كلكلتهم ما بضحكوا
> سيكافا فقدتهم الاحساس
> أيها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> الجالية السودانية بره السودان
> اكتر من الجالية السودانية الجوه السودان
> وتعرف يا والينا عندنا قريبنا هولندي اولاد عمو المان
> وجارنا ولدو امريكي وبتو كندية شغالة جرايد في الفاتيكان
> القاعدين في السودان عاملين اسبان
> وكان شفت يا والينا في نيويورك في حي اسمو امدرمان
> نغير الاغنية يا والينا بتاعت زمان ؟
> نقول انا ام درمان انا الامريكان!!!!!!

سلك كهربا
ننساك كيف وبقينا كلنا جاليات مهاجرات ماشات وما راجعات

والللللللللللللى لقاء
سلللللللللللللللللللك

في السلك – بابكر سلك
صحيفة الإنتباهة