تقنية معلومات
حملة تطالب الرئيس السوداني بالتدخل لتخفيض أسعار الانترنت
أطلق موقع سوداناس sudanas.com والذي تم تدشينه مؤخراً حملة إعلامية كبرى للمطالبة بتخفيض أسعار الانترنت في السودان وطالبت الحملة الرئيس السوداني المشير عمر البشير بالتدخل الشخصي للضغط على شركات تقديم خدمة الانترنت لتخفيض رسوم الخدمة 50% .
كذلك طالب المشاركين في الحملة صناع القرار ووسائل الاعلام بالتضامن لانجاح الحملة وعددوا الفوائد الكبيرة التي ستعود على السودان في حال انتشار الانترنت بصورة واسعة في قطاعات المجتمع ، وذكروا انها اصبحت وسيلة هامة للوصول للمعلومات والاخبار واجراء الاتصالات والعديد من الخدمات الهامة . وقد تفاعل عدد كبير من نشطاء الانترنت مع الحملة في المواقع الالكترونية المختلفة.
http://www.sudanas.com/vb/showthread.php?t=98
انا معاااكم ياشباب بس انتو لما تعملو حملات ذي طالبو اول بالحاجات الاهم واولها المواد الغذائية المستهلكة لكن عشان نقدر نعيش كويس لازم الغلاء الفاحش في البلد دي ينتهي ..
وخليكم واعين للحتة دي كويس بدل حملات تخفيض الانترنت انتو بعد شوية ح تلقو روحكم في مجاااااااعه الخضار ناااااااااااار الفراخ ناااااااااااااااار اللحوم نااااااااااااااار واي حاجة موللللللللللللللعة في البلد
والله كلامك صاح ياريما الناس ماقادرة تاكل ونحن نتحدث عن الإنترنت . دا بى يذكرى بى قصة الراجل المفلس وراقد مع مرتو فوق برش وأثناء الونسة وإنسياب المشاعر قال ليها والله أضنيك ديل يستحقن يزينوهن بى رطل دهب . قالت ليهو طيب ماتجيبو الحاميك شنو ؟ 😎 😎 😎 😎 😎
ياأخى قلنا البوش غالى تقولوا أكلوا باسطة .
طبعا دا من باب السخرية لكن نؤيد تطور البلد وإزالة أى عقبة تحول دون ذلك . لكن المشكلة تكمن فى أن أصحاب هذه الشركات من نوعية خطر ممنوع الإقتراب فهم كيزان من العيار التقيل وماأظن الرئيس يقدر عليهم ، عشان كدى خلوهو يمد كرعينو على قدر قفة أو كيس الخضار .
خاصة MDSL يحتاج لتخفيض مقارنة مع دول الجوار
طيب انتو حتشغلوا الكمبيوتر كيف ؟؟؟؟؟ مش دايرين كهرباء — طيب وين الكهرباء الاحسن انكم تعملوا حملة عشان يوفروا ليكم الكهرباء – وتطلبوا من الرئيس انو يشتري مولدات بدل السد والتربينات اللي الدنيا خلوها من 1800 —–
مافي دولة في العالم بتشتكي من انقطاع الكهرباء الا السودان ——— يا للعجب
السلام عليكم
تحيه لكل مستخدمي الشبكه في سودانا الحبيب
انا عندي موضوع عني الرسايل بتاعه النصب الاحتيال بتجي من السنغال انا شخصيا جاتني اكتر من رساله تختص بتحويل اموال الي حسابي بالبنك
واحد من انتيا ووليم لاجئه في السنغال ولديها 3,6 مليون دولار في رويال اسكلند بانك
رسلت لي شهاده وفاة لوالدها يو دي ووليم الذي سنه 2004 بساحل العاج
في الواقع صدقت لكن ماعملت اي خطوة
في النهايه طلبت مني مبلغ 620 الف دولار لزوم عمل توكيل شرعي
اي زول ممكن يصدق لانهم يدوك مستندات رسميه وبعدين تستدر عطفك برسايل عن الحاله التي تعيشها في معسكرات اللجوء
اعزاءي احزوا
والله انا بكتب الان والكهرباء قاطعةلكن تخفيض النت واجب:eek: 😮 😮 😮 😮 😮 😮