قرار رئاسي بإقالة المهندس مكاوي محمد عوض مدير الكهرباء السودانية

كبش انت والله دا عزب الدنيا كلها ياخي

لحكاية مابقت بين مكاوى واسامة ولكن بين الرئيس ووزير الطاقة !!!
الرئيس يؤيد اسامه غبدالله وزير الطاقة يؤيد مكاوى أسامة يقطع الكهرباء من الغاصمة والمدن المرتبطة بسد مروى كيتا فى الوزير ومكاوى مكاوى يقطع الخط الساحن الواصل بيت الرئيس وزير الطاقة يطنش من توجيهات الرئيس بعفاء مكاوى البرلمان يرفض حل الموصوع بالجودية الرئيس يزعل ويتجوعل ويقيل مكاوى فى اشارة للوزير بأن يبل رأسه الوزير راسو ناشفه ومعاهو واحدين يكسروا ليهو فى التلج إنتهى مسلسل اسامه ومكاوى نواصل فى الحلقات القادمة عبر مسلسل البشير والزبير !!!!!!!

الناس تضج بالشكوى وفى هما وغم والمسؤل لا يتحرك فلا هو يصلح ما اوكل اليه ليريح المواطنين ولا هو يستقيل من موقعه ويفسح المجال لغيره فمتى سنتعلم هذا الاسلوب الراقى الذى يدل على شجاعة ونبل وحب للوطن بدلا من حب الذات

انا متاكد انو الموضوع عندو علاقة بي السدود خصوصا سد كجبار بس انا حاب اذكرهم لمن جدهم داوود كان داير يبني بيت الله بغصب ارض رجل واحد الحصل شنو الله نزع منو الشرف العظيم ده واداهو لي ولدو وبس بقول ليهم (جعليين وشوايقه) لانهم هم اللي هيجوا النعرات القبليه مع انهم اصلهم اليله عايم اتذكروا البقاكم منهم منو والدخل الدين منو والملك السودان بحق بعد غصب مروي منو الاسي بتتحايلو عليهم وتمكرو مكر اليهود الغطس حجرهم واحذروا مصير اصحاب الفيل اجدادكم ان اخترتو الا تكونو منا.

هذه المشكله تؤرقنا ونحن جيل لم نعرف القطوعات الا بعد عهد المشير جعفر عندما طال خرطوم الفيل حتى قرب ان يصل الباقير وطالت اذناه واحده وصلت الشلال السادس و الاخرى وصلت فتاشه…من اين لهولاء كهرباء و ماء ناهيك عن المصانع و الخطوط السخنه اللتى لا تنقطع و هلم جرا .
ان يكون مكاوى كبش فداء فهو يستحق ذلك لانه لم يجدد و اصبح قابع الا ان جاءه السيل.
الاخ اسامه له صلاحيات اكبر من موقعه و طغى وتجبر و ليس لكل من عمل عمل للسودان يرفع نخرتوا السودان دا اكبر من الجميع….
وان تتقاتل جهتين حكوميتين وامام الملاء وهم فى النهايه يتبعون لمجلس الوزرء فاما هنلك انقسام بداخله حتى لا يستطيع اخذ قرار خاصه مكانت مكاوى السياسيه فهو اقدم من اسامه تنظيما .
على المجلس الموقر ان يضع مسئولياته نصب اعين الجميع و كفانا تشرزم وان يكون بمستوى مسئولياته………….
وكفى المؤمنين شر القتال…

انا متاكد الشالو ده لو ما سجنوا 25 سنة تحت الارض حايكون مساعد الرئيس حا يترقي بدل الصالح العام

😎 دكتاتورية مكاوى وعدم واقعيته وجلوسه فى برج عاجى وسباحته عكس التيار وعنجهيته – لكل تلك المعطيات ليس من الستغرب ان يصدر قرار اقالته ولكن جاء القرار متاخرا وهو الدى حجر الاف من عقول المهندسن السودانيين المبدعين وجعلهم يفرون بجلدهم وحتى من بقى منهم فعطائه لا يتجاوز ال10%

قال الله تعالي :مرج البحرين يلتقيان بينهما برزخ لايبقيان:
الله سبحانه وتعالي قادر علي أن يخلط الأبيض بالأسود لكنه جعل بينهما وسيط وهذا الوسيط تعيش فيه كائنات تختلف عن البحرين وماؤه يختلف عن البحرين
لذلك لايمكن أن تستمر أوأن تختلط كهرباء السد المولدة حديثا مع الشبكة العامة التي انشأت في القرن السابق .
ثم أيه حكاية كهرباء السد تكون تابعة لوحدة السدود ومال الهيئة العامة للكهرباء شغلها شنو هذا زمانك يامهازل فأمرحي وهذا دأبكم ياحكومة المؤتمر الوطني

طالما مكاوي فاشل لماذ ترك كل هذه المدة يعمل ويعذب هذا الشعب ؟ لماذا تأخرت الاقالة كل هذه المدة ؟ والان يجب على وزير الطاقة ان يستقيل ان كان جادا في دفاعه عن ادارة الكهرباء ومكاوي … نعم عليك بالاستقالة السيد وزير الطاقة لان مكاوي الذي اقيل يعمل تحت ادارتكم المباشرة .. نعم فشل مكاوي منذ زمن في حل الكثير من مشكلات الكهرباء .. ولكنه بالتاكيد ليس المسئول الوحيد .. نعم كان يعلم بان كهرباء السد جاية في القريب ومحتاجة لعمل وتعديلات . ولم يتم ذلك بالصورة المطلوبة او تأخر العمل .. وايضا ليس مكاوي وحده هو المسئول عن ذلك … هناك وزراء ومسئولين اخرين يجب اقالتهم .. وداعا مكاوي سواء ظلمتنا او لم .. ولكننا نعتقد انك كنت كبش فداء لفشل كبير شاركك فيه رجال كثر …

ليه مكاوي براه ما في كتار دايرين ليهم اقالة ناس المعاشات والتامينات والسدود ولا اسامة عنده حصانة وشايقي وكتار والظلم ظلمات يوم القيامة واحمد الله يا مكاوي علي هذه الاقالة

والله لن تجد الهيئه القوميه للكهربا فى السودان مثل هذا الرجل بسهولة واقول للمدير القادم الحمل ثقيل وربنا يكفيك شرخلقه ويوفقك فى مدنا بتيار كهربائى مستقر لكل بقاع السودان وبتكلفة اقل وان غدا لناظرى لقريب

طبعا مكاوى م قصر برضو . لكن يجب تجديد الدماء دائما .
الاخوة كاتبوا التعليقات انتو أسامه دا عارفنوا منو ؟؟ لو عرفتوا الاجابه ؟؟
تحت تحت يقولون من سيتولى الكهرباء شخصية اقتصادية شهيرة يعنى ما زول هندسه وكدا؟؟

عقبال محمد حاتم سليمان يقيلوه ويريحوا الناس من عذابه

مكاوي ولا اسامة ولا غيرو ما يهمنا بس احنا عايزين كهربا ما تقطع وكمان ترخص
حراااااااااااااام والله قروشنا كملت في الكهربا

بسم الله الرحمن الرحيم
صدق المثل البقول شوفوا زمني من زمن غيرى والله تندموا إنتوا بعدين لانكم لا تعلرفون هذا الرجل من علم وفهم سوى في الهندسه والإداره لكن مشكلة البلد دى أى زول ناجح بيتعرض للموامرات سوى من داخل الهيئه وخارجها ولكن مكاوى العوجه مابتجيه لوعاوز يعمل شركه كهرباء في الصين ممكن يعملها لكن إنتوا الخسرانين في النهايه واسفاى

اخي العزيز مكاوي اسأل الله ان يصبرنا على هذه النكبة ويلطف بنا ياحامينا وحارسنا واعلم ان 99% من العاملين بالهيئة القومية للكهرباء زعلانين عشانك لكن نقول اذا اردوا بهذا الكيد والمكر فالله خير الماكرين وربنا يجعل كيدهم في نحرهم وحفرة السوء كبيرة وصدقني انت الكسبان وتذكر تجربة الكرات الحمراء في الجودة وانت معروف بانك رجل شجاع واسترتيجي في قراراتك واتمنى ان نعمل معآ في ظروف احسن من كدة.

مكاوى يا ماسورة ابعد وفوت خلينا
قعتا واتحكرتا فى الكرسى من ماضينا
امشى وروح ابعد بعيد خلينا
اسامة يا الكلس النتر معانا ومواسينا
يا فارس الرجال سيد وحبيب وادينا

اصلو البلد باظت زمان
لمن حكم فينا اب زرد
زاد فى الظلم كتل الحلم
ماتقولو مكاوى الكبش
نحن الكبش وزايد قرن
يااخونا بجد ماكلام
ديل الحرامية الكبار
اختلفو فى باقى الدمار
نرجع نقول ياكريم
ورينا فى اب زرد الكبير

يااااااااااااااااااااااااااااااااااااارب عقبال مكاوى بتاع PDOC 😡 😡 😡

lمكاوى ال…………………………………عقبلك يابت ياسمسمه

كثر الحديث عن مكاوي وللاسف اغلب الناس لايعرفون مكاوي عن قرب بل يحكمون علية من بعد والايعرفون اي جهد يبذل خلف الكوليث في سنة 90 كان يتم ااطفاء اكامل مرتين في اليوم , والان قبل دخول مروي مرتين في السنة
مكاوي رجل فز لن تحظي الهيئة القومية برجل مثلة كان اداريا ناجحا مهندسا مبدعا ولة من الافكار ماجعل الهيئة من افضل الاماكن الحكومية —– والله علي ماقول شهيد

لك التحية الباشمهندس مكاوي

عبالله – احد ابنائك المهندسين 2004

المشكلة ليست مشكلة مكاوي او اسامة.. المشكلة مشكلة دولة كاملة تفتقر الي الامانة و النزاهة و المصداقية … دولة التنظيم الواحد و التي رغما عن ذلك بها لوبيات و مراكز قوي و تناكف بعضها بعضا. المشكلة مشكلة دولة حتي رئيسها يلجأ للجودية للخلاف بين مؤسسات دولته التي اصبح القائمون عليها مثل الفواتي يتعاملون بالردحي و المكاواة … كل ذلك علي حساب المواطن المغلوب علي امره الذي يملك بلده اربعة سدود في اسرع الانهار جريانا و لا يجد تيار كهربائي مستقر حتي في عاصمة البلاد… المشكلة ليست مشكلة مكاوي وحده و لا امبراطوريات اسامة و غيره من الوزراء المشكلة مشكلة دولة تدمن الفشل حتي علي مستوي مجلس وزرائها

الحمد ازيح الدكتاتور الصغير بواسطة الدكتاتور الكبير والعاقبة عنده ان شاء الله

اولأ :- التحية للمهندس مكاوي ربنا يجازيك كل الخير عن ماقمت بة بالهيئة

ثانيا :-اود ان اقول للناس المبسوطة لهذا القرار الظالم بانكم لا تعرفون هذا الرجل الذي لن تلد نساء السودان مثلة فهو من اميز ثلاثة مهندسين في افريقيا وليس السودان
والدليل ظاهر بامداد الكهرباء كل بقاع البلاد
اتمني لة التوفيق ومكاوي ذهب هل سوف يتوقف انقطاع الكهرباء
وهل سوف يستفيد السودان من سد مروي

بعد السنين دي كلها.. ي حليل مكاوي وي حليل زمن الطيبين.. وي الفرحتو فيه رايكم شنو هسي في التطور الملحوظ بعد م مسك الكلس اب زرد ومشى وخلى حيرانه يبرطعو فيها.. رايكم شنو هسي.. حسبي الله ونعم الوكيل فيك ي أسامة في اي بلد انت فيها في اي مكان وزمان.. حسبي الله ونعم الوكيل