غطوا وشوشكن يا بنات التفاهم بـ بت أم كف

بالفعل يا أستاذة زماااااااااااااااان كان يرى الرجل السودانى في أى إمراة امه أو اخته ويتصرف معاها بشهامة ،،،،،،،،،،،، ولكن يجب أن ننظر لماذا فقد هذا الإحترام بين ا لجنسين؟؟؟؟؟؟؟؟؟؟؟ واظن الإجابة واضحة للجميع فيا حليل ولد الجيران واخو الأخوان

هل هذا توارد خواطر بينك وبين كاتب حاطب ليل البوني في تناول الموضوع في نفس اليوم

هذا المقال ابسط ما يمكن ان يقال عنه انه غاية في الروعة ومعذرة للاستاذة الكريمة اذذا كنا قد اخذنا حقا ليس لنا بمحاولة تقييم ماتكتبين ولكننا كما تعلمين سودانيين رجل السوق العادي يمكنه ان يقيم بروفيسر ولا يبالي حتى ان احد العوام سال صاحبه ماذا يعني بروفيسر فاجابه على الفور برفيسر دة انسان قرا كده لمن شوطن .. فقط لان والي ولايتهم كان بروفيسرا
نعود للمقال والاستاذه
لاكل يعرف المرفعين فهو حيوان مفترس ولكن اهلنا في الريف دائما يستهسنون بالمرفعين ولا يقدرونه كالنمر والاسد
حدث ذات مرة ان هجم مرفعين على غنم احدهم في القرية وحدث هرج ومرج وتصايح الناس وانجلت المعركة بفرار المرفعين بجلده
وفي الصباح يالت احداهن صاحبنا هذا عن سبب الصياح والجلبة التي كانت عندهم ليلا فاجابها بكل فخر بانهم اشتبكوا مع مرفعين كبير فردت عليه بكل سخرية بعد ان (مصّت العرديب )يعني انها اصدرت صوتا كمن يلعق العرديب كناية عن التهكم ثم اردفت قائلة مرفعين شنو بتصيحوا عليهو كدة والله نحن المرفعين ده (ام كفوف) بس نطردوا قدامنا ولا داير حربة ولا عصاية
شنو ليك يا استاذه جماعتك ما طلعن حنكوشات ساكت !!!فالزول الذي يغمى عليه من بت ام كف اكيد من النوع الذي يصاب بالتهاب شديد اشد من انفلونزا الخنازير اذا ما تجرأ ونادى اسم يعقوب 4 مرات !!!! ودمتم

بنت سلمان ……… سلامات واريتك طيبة

اضفي لتلك الحالة حالتين اخرتين لم تعلم عنهم الصحافة او ربما علمت ولم تكتبت لاسباب الله اعلم بها
– حادثة ضرب احد حرس جامعة السودان لطالبة جامعية بالكف منذ مايقرب من الاسبوعين واعتصام الطلبة احتجاجا علي تلك الظاهرة

– حادثة ضرب طالبة جامعية من قبل زميلها ايضا حيث كنت ادرس قبل اربعة اعوام تقريبا وعندها تبرع اخي وابن خالتي بضرب ذلك الطالب (عندما علموا الصلة التي تربطني بتلك الطالبة وتطاوله علي انا ايضا بالقول عندما قمت بالاحتجاج علي فعلته الحقيرة في رايي) قائلين بحمية ومغسة : ( اسمعي ولد مد يدو علي بت واداها كف , يضربوه , يمسحو بيه الواطة قبل مايعرفو السبب شنو وبعد داك يعرفو السببب وكان لقوه غلطان يدقوه تاني كمان واريتو لو كان مد يدو عليك انت كمان عشان كان هسي يفتش علي يدو مايلقاها 😡

لا ادعو لمحاربة العنف بالعنف ولكن ماهو الحل في مثل هذه الكفوف التي تتطاير يمينا وشمالا ؟؟؟؟؟؟؟؟؟؟؟؟؟؟

قصة حقيقية حصلت معاي أنا.

لما كنت في السودان أصيب إبن أخي الصغير بضيق شديد في التنفس وحالته كانت صعبه جداً وقمت باسعافه إلى أكبر مستشفى في المدينة الي نحن فيها وعندما وصلت قسم الطوارئ بحثت عن الممرضة المناوبة لإنقاذ حياة الطفل بتركيب الأكسجين ولكن للأسف وجد الممرضة ومعها ممرض مقفولين في غرفة ومنجزبين نحو شاشة الموبايل وكأنهم يشاهدون شيء…؟ الله أعلم ما هو ويبدو إنهم إنزعجوا شديد من مقاطعتي لهم… قلت لها وأنا مسرع ( يادكتورة يا دكتور عندنا حالة طارئة لو سمحت أكسجيييييين أكسجين أنقذيه من الموت لو سمحت فما كان منها إلا أن أجابتني ببرود طيب جااااايه ورجعت تكمل الفلم أو المصيبة التي كانت تشاهدها مع الشاب…فما كان مني إلا أن صرخت في وجهها صرخة مدوية تجمع كل الإطباء اللي في القسم وقلت لهم بالله شوفو دي إنسانة ولا دي ممرضة دي مريضة دي ) وكلمت الدكتور المناوب وقال لي خلاص بكلمها… كلمها الدكتور وأمرها بتركيب الأكسجين للطفل لإنقاذ حالته… تخيلو سوت شنو….. والله والله والله ركبت للطفل المسكين اللي عايز يموت من كتمت النفس ركبت ليهو أكسجين منتهي يعني الإسطوانة أكسجينها كان خلص ورجعت تشاهد أو تكمل مشاهدة المصيبة حقها… قال لي أحد المرضى يا ولدي الإسطونه دي قبل شوية خلصت وفكوها مني يعني ما فيها أكسجين… أمش كلم الدكتور عارف بأنها فاضية يجي يركب للولد دا واحدة تانية… ناديت الدكتور وقلت له تعال شوف الحيوانه دي سوت شنو وبعدين قول لي أنا غلطان ولا ما غلطان عرف الدكتور الحقيقة ولكن المصيب هي أنه دكتور طالب أمتياز يعني تحت التدريب وناس الامتياز بيخافو من الممرضين خوف الجن عشان ما يعاكسوهم ويفشلوهم في مهمة التدريب…؟
العناية الإلهية فقط هي التي أنقذت الطفلمن الموت المحقق….؟
أما هذه الممرضة عليها من الله ما تستحق…!

أها يا منى دي تستاهل كف ولا لأ…؟
طفل بحاجة لإنقاذ من الموت والممرضة تتفرج ××× في موبايل زميلها والباب مقفول…. يعني إيييييييييييه……..!!!
سلااااااااااااااااااااااااااااام على السودااااااااااااااااااااااان