سحب عبارة عدا إسرائيل من الجواز الإلكتروني

هو العبارة غيرنا نحن العاملا منو خدعوووووووووووونا وطبقوا مع اسرائيل

عليكم الله فكوا شوط العرب ده والله نحن في نظرهم اخير الامريكين في المعاملة معانا ما تشبكوا ساي الفلسطينين يتمنو يشتغلوا في اسرائيل خلينا نحن ابعد ناس من العروبة

أمريكا عشان ترفع أسم السودان من لائحة الدول الداعمة للأرهاب لها شروط وهذا واحد من الشروط والعافية درجات

اسرائيل احسن من العرب واذا كان اصحاب القضيه بايعنها انحنا الواجعنا شنو وبعدين فقعتوا بيضنا بالعروبه الاصحابها ناكريننا احسن نكون افارقه والرزق علي الله
ايمن اثينا

الأخت اليزا كلامك منطقي وعين الصواب هذه الجمله فيها تعبير واضح بالإعتراف بأن لإسرائيل دولة ومن المفترض سحبها . أشكرك على توضيح هذه النقطه .

الجواز الماليزي علية عبارة ماعدا اسرائيل

اؤيد كل التعليقات وخاصة تعليق الاخ ودالعلفون فكل الدول العربية لها مصالح مع اسرائيل خاصة فلسطين صاحبة الوجعة اشمعنى احنا الما معروفين عرب ام افارقة (ريحونا عليكم الله)

عين العقل

اصحاب الشان_الفلسطينيون_ معترفين باسرائيل

ونحن مالنا ومالهم

مصلحة بلدنا فوق كل شئ

ما من زمان قلنا ليكم ختو كورة واطة وفكونا من معادة الغير
نحن لا عرب ولا العرب معترفين بينا اصلا شوفو مصالحكم

الاسلام اقر بالزواج من الكتابية مسيحية كانت او يهودية وذا تم هذا الزواج ونتج عنه ذرية ولديهم جوازات سفر سودانية وعايزين يزوروا بلد الام اي بلدهم كيف يدخلون لبدهم ومكتوب عدا اسرائيل مشكلتنا نحن في السودان كل قضايانا نحلها عاطفيا دون ان ندرك عواقبها ونحن اكثر شعوب العالم تشريدا وانتهازية ومصلحجية ومنفعجية اتمنى من حكومة الموتمر ان تراعي الله في شعبعها وتترك المحسوبية والجهوية وتراقب الله في اعمالها

حقيقة أؤيد حذف عبارة ماعدا إسرائيل وأطالب بإستبدالها بعبارة ماعدا دولة الإحتلال الصهيونى .
بعدين مستغرب من الناس الدايرين يتعاملوا مع اليهود والله سبحانة وتعالى يقول : ولن ترضى عنك اليهود والنصارى حتى تتبع ملتهم ) يعنى شروطهم واضحة وحقوا الواحد من ديل بدل يقول داير يتعامل معاهم يقول بالواضح داير أبقى يهودى واللا خايف من قطع الرأس ;( ;( ;( ;(
واحين تانيين يقولوا العرب يتعاملوا مع إسرائيل طيب هل دا سبب عشان تتعامل معاهم يعنى لو لقيت واحد بى يمارس اللواط تعل زيو وتقول وجدنا عليها آباؤنا .
بعين واحد يقول الإسلام أقر الزواج من الكتابية ومصيبة المسلمين اليوم الفتوى بدون علم ألم تسمع قول الله تعالى : لقد كفر الذين يقولون الله ثالث ثلاثة …إلخ ويقول : قال اليهود نحن أبناء الله … إلخ فهولاء ليسوا بكتابيين فهم يحرفون الكلم من بعد مافقهوهو وقد وصفهم الله تعالى بالكفر بصريح العبارة .
بعدين منو القال كل الفلسطينيين مسلمين ديل فيهم يهود . صراعنا معاهم كمسلمين ليس كعرب ودا الفرق . وربما لاألوم سودانى يقول داير يطبع العلاقة مع اليهود إذا كان من غير المسلمين أما من يحمل صفة مسلم ويقول ذلك فهو منهم ويجب عليه مراجعة دينه .