بابكر سلك
يا زول أقيف
* القصة ما قصة حارس نضيف
* القصة ما انو المعسكر عدم الرغيف
* القصة ما إعداد بدا نص الخريف
* القصة دايرة الزول يقيف
* يفرز الحقيقة من الزيف
* ويا زول اقيف
* نحنا بنفتش فى الدرر فى كل شتا وفى كل صيف
* نقعد نفكر ونجتهد ونخلف كراعنا نتمو كيف
* بقينا احسن من ترجى وتحتنا اصبح وفاق سطيف
* ونبدا موسمنا بتفاؤل شغلنا عاد مو نضيف
* ونتخذل طوالى نحنا على الرصيف
* يا زول اقيف
* خليك واعى وخليك شفاف شفيف
* صفى النية قبال تقيف
* بعدين اقيف
* قلبك نضيف
* نسمع الباقين بقولوا وكمان نضيف
* فى شان نادينا يقوى وينتشى ويعود تقيل ماهو خفيف
* ويا زول اقيف
* أيها الناس
* المريخ يحتاجنا جميعاً
* ونحن نحتاج لتصفية النية جميعاً
* ونحتاج ان نفكر جلياً
* لماذا ما حصل؟؟؟
* أى تسجيلات نظفر بدورها
* بل واى منافسة على لاعب وحتى لو من فريق خارج البلاد نظفر بها نحن
* نسجل نجوماً أثبتوا وجودهم
* ونأتى بمدربين أثبتوا شطارتهم وحسن قيادتهم قبل ان يأتونا
* لم يحدث ان سمعنا بأننا تعثرنا فى ايجاد معسكر او فى إستمراره او تمويله
* إذن لماذا؟؟؟
* يفشل عندنا اللاعب النجم فى ناديه؟
* ودونكم وارغو وباسيرو ولاسانا فانيه الذى مازال يبدع ويمتع فى الملاعب السعودية وغيرهم
* نحقق نتائج لا تتناسب مع ما أعددناه للموسم
* يفشل المدرب الذى أثبت نجاحات فى أندية أخرى أو فى منتخبات
* القصة دايرة تحقيق شديد
* ودايرة بحث دقيق
* بمنتهى الشفافية وبتصفية النية
* نعم هنالك بعض الهنات فى التسجيلات
* بالذات فى تسجيل الأجانب
*مثلاً النفطى ومرابط
* نجوم تعرفهم أفريقيا
* ولكن إستعنا بهما بعد ان انتهت مدتهما
* يعنى زى طماطم المحميات
*حمراء فاقع لونها وتضر المستهلكين
* وهنالك اشياء لا نعرف لها تبريراً
* نجح ماكسيم وإستغنى النادى عنه
* والنادى فى امس الحاجة له
* حاجة تحير
* لمصلحة من ولماذا كان ذلك؟؟؟
* أيها الناس
* كل مقومات النجاح وفرها مجلس الإدارة
* إلا إدارة الكرة فشل فيها المجلس
* فسلوك البعض الذى أصبح سمة من سمات سلوك الجماعة
* هو ما أضر بالمجموعة
* وهو بكل شفافية خطأ عدم المتابعة الإدارية الدقيقة بحسب التسلسل الهرمى للإدارة
* فكيف يفشل مرتضى كبير نجم الموسم وينجح خليفة؟؟؟
* وهل يلقى اللاعب الجديد ترحاباً وحبابا من القدامى ليبدع؟؟؟
* أياً كانت الإجابة يبقى السؤال لماذا؟؟؟
* المريخ مشكلتوا ليست كبيرة
* ولكنها خطيرة
* تحتاج فقط لمراجعة الأداء بشفافية
* وإتخاذ القرارات المناسبة بشجاعة
* السيد الرئيس
* وريتهم الربطة السمينة وتنقصهم العين الحمراء
* فرئيس نادى المريخ فى هيبة وإحترام رئيس الجمهورية
* والذين تربوا على العشوائية خلاص كبروا
* ومن شب على شئ شاب عليه
* يبقى يمشوا
* عشان السيستم الداقنو ده
* نغيروا بى سيستم لإدارة اللاعبين يربيهم على أسس المريخ
* السيد الرئيس
* إستعن بالله ومن بعده بقدامى اللاعبين
* فهم أخى الرئيس من يعرفون كيف يخبز الخبز
* فأعطى الخبز لخبازو
* وأنا واثق لن يأكل منه ولا قرمة واحدة
* أيها الناس
* صفوا النية
* وأقبلوا بعضكم بحسن النية من اجل المريخ
* فنحن يجمعنا المريخ
* نختلف فيه لا عليه
* فقط يجب ان يسود الأحترام بيننا
* لبعضنا البعض
* للرأى الآخر
* للرأى الآخر الذى نفترض فيه أنه يطرح الإحترام
* أيها الناس
* الحكاية دايره كلام طويل
* سنعود
* المهم
* التسجيلات بدت
* وأجزم بأن المعارضة ستدعم تسجيلات النادى دعماً كبيراً ومقدراً
* فهى ان كانت تعارض المجلس لا تعارض المريخ
* وفى المعارضة رجال لا نشكك فى مريخيتهم قيد أنملة
* ولا فى مقدرتهم على الدعم الكبير المقدر
* فجلهم رجال مال وأعمال وأملاك وأطيان
* بى حقهم
* ولا نعتقد ان فهم المعارضة عندنا هو دس أيديهم الشريفة داخل جيوبهم مادام كانوا خارج المجلس
* هى معارضة نقتنع بانها واعيه
* لذا توقعوا دعمها اللامحدود للتسجيلات
* وكل من يؤلمه حال المريخ
* بالتأكيد سيدعم لينصلح الحال فى المريخ
* ويا زول أقيف
* خليك حريف
* أبقى الصمود ما تبقى زيف
* أها
* نجى لى شمارات والى الخرتوم
* أكان شفت يا والينا
* أمس فى واحد بحكى لينا
* قال فى المحكمو جابو ستات الشاى وستات الهناى
* ختوا كفتيرة الشاى معروضات بى جاى
* وختوا جركانات الهناى معروضات بى جاى
* وبعد سماع القضية والمداولة أصدرت المحكمة حكمها على ست الشاى وست الهناى
* الغرامة مليون وتلتماية الف جنيه وفى حالة العدم السجن شهر عقوبة على ست الهناى
* الغرامة مليون وتلتمية الف جنيه وفى حالة العدم السجن شهر عقوبة على ست الشاى
* بتاع بحر كان قاعد معاى
* قال لى القاضى ده ما بعرف بى كم كباية الشاى وبى كم كباية اللهناى؟؟؟
* بحكم ساى؟؟؟؟؟؟؟؟
سلك كهربا
* ننساك كيف وإتساوت ست الشاى وست الهناى
والللللللللللللى لقاء
سلللللللللللللللللللك
في السلك – بابكر سلك
… متعة و فهم … يا ولــــــدنا ســـــــــلك …