اقتصاد وأعمال
ضبط أكثر من 8 آلاف كيلو ذهب بمطار الخرطوم
تمكنت ادارة جمارك مطار الخرطوم من ضبط ثمانية آلاف و977 كيلوجرام ذهب بالسفريات الداخلية وتم حجز المضبوطات وفتح بلاغ بنيابة الجمارك. واشاد العميد شرطة ازهري ابراهيم مدير ادارة جمارك مطار الخرطوم بالضباط والرتب الاخرى العاملين بالادارة لقيامهم بدورهم على اكمل وجه في حماية مقدرات الوطن اقتصاديا وأمنيا
المصدر :الرائد
الزول القبضهم ده بكرة بنسمع فيهو في جوبا ولا غرف الاشباح
لانو دقس يعني في زول مغفل للدرجة ده عشان يجي بالمطار وداخلي شايل ليهو دهب قدر كده بالتاكيد حقت مسئول لكن نسي ينبه ناس المطار او نام ولا مشي حتة ما جاء استلمها لكن هسع بتكون وصلتو تب كاملة ما ناقصة جرام والزول المسكا سجم وسواد ليلو
يا أخوانا اساسا الرقم خرافي لانه يقارب الطن من الذهب (ولو كان البتكلم مجنون ….) اتخيل الجرام بي 100 ريال وطن يعني مليون جرام يكون المجموع مية مليون ريال بالجنيه السوداني اضرب في سبعميه يعني سبعه مليار ….في زول يكون معاه مبلع زي ده يمشي بيه بي سفريه داخليه ولا يأجر طيارتين….؟؟؟ ارحمونا بالله عليكم
الكلام دة لا يعقل جملتاً وتفصيلاً وهو خيال ضحل بالعقل كدة …………….. ما ممكن اصلو خالص دة مصدر ونسة رمضانية
لا تعليق غيــــــــــــــــــــــــــــــــــــــــــــــــــــــــــــــــــــــــــــــــــر ياناس هووووي راجيكم شـــــــــــــــــــــــــــــــــبر واحد(؟)
بسم الله الرحمن الرحيم ..
أصبحنا وأصبح الملك لله ..
الشياطين محبوسة في هذا الشهر الكريم المبارك عشان كدة ظهر المستخبيء .. اللهم لك الحمد ولك الشكر ..
عارفين دي تعادل كم بالدولار ؟ الريال ؟ الجنيه ؟ ..إذا دي مسكة واحدة . البمر خلال السنة كم ؟
بلد عايزة بدل الوجيع 100 ؟ لكن كييييف مع البحللو ويحرموا على كيفهم ؟ مصاريف البيت ! قفة الخضار ! .. الخ .
يا حكومة أرفعي مرتبات هؤلاء الموجودين في المنافذ والقوات النظامية وقوات الأمن العام .. عشان الضمير يصحى ؟!؟!؟
الاخ طارق محقر كيف يكون الكلام ونسة والعميد أزهري ابراهيم مدير أدارة جمارك مطار الخرطوم علي عمل ودراية لانة شاهد الكميات المضبوطة وأشاد بالضباط كمان:mad: 😡 😡 😡 😡 😡
يا أخوانا الخبر قال : “السفريات الداخلية ” يعنى الكمية تم ضبطها على مرات عديدة…;) 😉
ازهرى عبد الرحيم هو شخصيا مهرب
يا ناس اعتقد ان الرقم الصحيح هو1977جرام اي واحد كيلو و977جرام وهذا هو الوزن الذي يمكن ان يحمله انسان في مطار وبالمنطق 8 الف كيلو تعني 8طن ودا عايز اثنين دينا نصف نقل ولا لوري هينو 8 طن!!!!!!!! ويخل المطار!!!!!!!!!!!!!!!!!!!!!!!!!!!!!!! ؟
اضبط الاجانب والافارقة بالاخص الاهم
8977 كيلو جرام دهب يعني ناقصة من ال 9 طن حوالي 23 كيلو جرام يا ربي كل الكمية دي دخلت المطار كيف؟
سعادة العميد شرطة/ أزهري إبراهيم ،،،،، يا راجل إشادة شنو بالضباط وصف الضباط؟؟؟؟ لو كان دي الكمية المضبوطة ،،، بالله عليك وإنت رجل شرطة ومتخصص في مجالك ،، أرجوك أن تقدر لنا الكميات التي لم تضبط وما عايزين رقم محدد ،، بس مجرد تقدير ،،، وجزاكم الله خيراً.