أم

ﻣﻦ ﺗﺒﻘﻲ ﺃﻡ.. ﻣﻌﻨﺎﻫﺎ ﺗﺒﻘﻲ ﺣﻨﺎﻥ ﻭﺩﻡ ..
ﻭﻛﻠﻤﺎ ﺻﻐﻴﺮﻙ ﻳﺰﻳﺪ ﺳﻨﻴﻦ.. ﺗﺰﺩﺍﺩﻱ ﺍﻧﺘﻲ ﻛﻔﺎﺡ ﻭﻫﻢ.. ﺗﺘﺤﻤﻠﻲ ﺍﻷﺳى ﻭﺍﻟﺠﺮﺍﺡ.. ﻭﺗﺘﻨﺎﺳﻲ ﺇﺣﺴﺎﺱ ﺍﻷﻟﻢ
ﻣﺎ اﻧﺘﻲ ﺃﻡ.. ﻣﻌﻨﺎﻫﺎ ﺗﻀﺤﻴة ﻭﺍﻟﺘﺰﺍﻡ..
ﻣﻌﻨﺎﻫﺎ ﻓﻴﻚ ﺩﺍﻳﻤﺎ ﻋﺸﻢ!!
ﺗﺴﺘﻘﺒﻠﻲ ﺍﻟﻴﻮﻡ ﺑﺎﻟﺪﻋﺎﺀ.. ﻭﺗﻘﻮﻟﻲ ﺣﻲ ﻋﻠﻲ ﺍﻟﻔﻼﺡ.. ﺻﻠﻴﺘﻲ ﻓﺠﺮﻙ ﻓﻲ ﺧﺸﻮﻉ.. ﻭﺑﺪﻳﺘﻲ ﻳﻮﻣﻚ ﻓﻲ
ﺇﻧﺸﺮﺍﺡ..
ﺿﺎﻳﺮﺗﻲ.. ﻟﻤﻠﻤﺘﻲ ﺍﻟﻬﺪﻭﻡ.. ﻭﺩﻋﻴﺘﻲ ﺑﺎﻟﻬﺪﻱ
ﻭﺍﻟﺼﻼﺡ..
ﺣﺼﻨﺘﻲ ﻧﺎﺱ ﺑﻴﺘﻚ ﺗﻤﺎﻡ.. ﻭﺳﺄﻟﺘﻲ ﻣﻦ ﺍﻟﻠﻪ ﺍﻟﻨﺠﺎﺡ..
ﻣﺎ ﺃﻧﺘﻲ ﺃﻡ..! ﻣﻌﻨﺎﻫﺎ ﻣﻦ ﻗﻮﻣﺔ ﺍﻟﺼﺒﺎﺡ.. ﺑﺘﻮﺯﻋﻲ
ﺍﻟﺤﺐ ﻓﻲ ﺍﻟﺪﺭﻭﺏ.. ﻭﺗﻜﺒﻲ ﻣﻨﻮ ﻋﻠﻲ ﺍﻟﻤﻼﺡ..
ﻣﺸﻐﻮﻟﻪ ﺩﺍﻳﻤﺎ ﺑﺎﻟﻌﻴﺎﻝ.. ﻣﻠﻴﺎﻧة ﺑﺎﻟﺮﺿﺎ ﻭﺍﻟﺴﻤﺎﺡ.. ﻛﺴﺮﻭ ﺍﻟﺼﺤﻮﻥ.. ؟ ﻣاﺎاا مﺸﻜﻠﻪ..
ﺩﻓﻘﻮ ﺍﻟﻌﺼﻴﺮ ..؟ ﻣﺎااا ﻣﺸﻜﻠﻪ..
ﻛﺒﻮ ﺍﻟﺘﺮﺍﺏ ﻓﻮﻕ ﺍﻟﻌﺠﻴﻦ..؟ ﻣااا ﻣﺸﻜﻠة…
ﻗﻄﻌﻮ ﺍﻟﺤﺒﻞ ﻓﻴﻬﻮ ﺍﻟﻐﺴﻴﻞ.. ؟ ﻣﺎااا ﻣﺸﻜﻠة..
ﺑﺲ ﻣﺸﻜﻠة ﻟﻮ ﻗﺢ ﻭﺍﺣﺪ ﻣﺮﺗﻴﻦ.. ﻟﻮ ﺟﺎﺗﻮ ﺣﻤﻲ ﻋﻠﻲ ﺍﻟﺠﺒﻴﻦ.. ﻟﻮ ﺩﻣﻌة ﺳﺎﻟﺖ ﻓﻲ ﺍﻟﻌﻴﻨﻴﻦ..
ﻣﺎ إﺘﻲ ﺃﻡ.. ﻣﻌﻨﺎﻫﺎ ﺗﺒﻘﻲ ﺍﻟﺤﺒة ﻗﺒة..
ﺗﻔﻘﺪﻱ ﺍﻟﻤﻨﻄﻖ ﺗﻔﻜﺮﻱ ﺑﺎﻟﻤﺤﺒة.. ﺗﺒﻘﻲ ﻭﺍﺣة..
مﻬﻤﺎ ﺗﻜﻮﻥ ﺍﻟﺪﻧﻴﺎ ﺻﻌﺒة.. ﻭﻳﻔﻀﻞ ﺻﻐﻴﺮﻙ ﻓﻲ ﻋﻴﻮﻧﻚ ﺯﻭﻝ ﺻﻐﻴﺮ..
ﻣﻬﻤﺎ ﻛﺒﺮ ﻋﻦ ﻃﻮﻗﻮ ﺷبا.. ﻗﻠﻘﻚ ﻋﻠﻴﻬﻮ ﻣﺤﺎﻝ ﻳﺰﻭﻝ..
ﺣﺒﻚ ﺭﺑﻴﻊ ﻛﻞ الفصول.. ﻟﻐﺔ ﺍﻟﻘﻠﻮﺏ ﺗﻠﻐﻲ ﺍﻟﻌﻘﻮﻝ..
جواﻙ ﺇﺣﺴﺎﺱ ﺧﻮﻑ ﻋﺠﻮﻝ.. ﺃﺣﻼﻡ ﺟﻤﻴﻠة ﻭﺃﻣﻨﻴﺎﺕ.. ﺗﺘﻤﻨﻲ ﻣﻦ ﺍﻟﻠﻪ ﺍﻟﻘﺒﻮﻝ.. ﻣﺎ ﺃﻧﺘﻲ ﺃﻡ!!
ﻭﻣﻦ ﺗﺒﻘﻲ ﺃﻡ ﻣﻌﻨﺎﻫﺎ ﺗﺒﻘﻲ ﺃﻫﻢ ﺯﻭﻝ.. ﻣﻌﻨﺎﻫﺎ ﺃﻧﺘﻲ
ﺃﻫﻢ ﺯﻭﻝ…
تلويح:
الى كل أم.. ظلت كل عام.. بذات التجرد والتضحيات والحنان.. كل عام وهن بألف خير.. مع تحياتنا لكل أب نبيل أسعدهن.