الحاجات المحيرة في الحرب هو موقف مزمل فقيري وأتباعه من المرتزقة!
□□ حاجة تحير!
□ أنا من الحاجات المحيراني في الحرب دي هو موقف مزمل فقيري وأتباعو من المرتزقة!
□ لو كان انتماء مزمل قبلياً للناس ديل كان قلنا معقولة، ولو كان عقيدة الناس ديك توافق عقيدة مزمل ودعوتو كان برضو قلنا معقول لكن ديل كلهم مافي!
□ قد تقول لي يا ناصر عندنا وثائق أنو مزمل ده عميل لدولة الشر!
□ بقول ليك تمام، وده شي منطقي خاصة مع انحياز مزمل للمرتزقة من بداية الحرب، وقبل ما المرتزقة ينتهكوا المواطن زاتو.
□ ولكن:
□ الشيء المحير هو موقف مزمل من المرتزقة بعد انتهاكهم للمواطنين واغتصابهم وقتلهم وتشريدهم لهم!
□ والبحير أكتر أنو مزمل لما ناس الجزيرة نزحوا من الجزيرة هو نزح من بورسودان للجزيرة، وسكن مع المرتزقة، وبقى شاهد عيان على اغتصابهم وقتلهم للأبرياء وسكت على ده كلووووو!!
□ يعني لا رجالة ولا شهامة ولا وطنية ولا دين ولا حرارة قلب؟؟!!
□ وتعال شوف المصيبة الأكبر المرتزقة بي سبب قتلهم العشوائي للمواطنين قتلوا نسيب مزمل وبرضو سكت!
□ وبعد فترة قتلوا ولدوا فلذة كبدو بالغلط وبرضو سكت!
سبحان الله العظيم..
□ يعني حتى لو انت عميل حتظل عميل ودم ولدك اتسفك قدامك؟؟!!
□ قلنا قلبك ميت على المواطنين عشان كدة ما زعلك اغتصاب البنات قدامك ولا زعلك قتل الأبرياء ولا زعلك نزوح الملايين لكن قتل ولدك برضو ما يزعلك؟!
□ والمشكلة لما احتاج مزمل يطلع من الجزيرة طلع بحماية المرتزقة عبر جبل أولياء ثم دارفور ثم تشاد!!
□ لكن:
□ ده كوم وأتباع مزمل كوم براهو، إذا قلنا مزمل عميل عشان كدة بعمل الحاجات دي، أتباعو لي شنو ماشين بنفس النهج؟؟
□ شنو البخلي أغلب أتباع مزمل يحاربوا مع المرتزقة؟!
□ تخيل بعضهم جا من السعودية عشان يحارب معاهم، زي الولد الفي الصورتين ده، رفاعي جا من السعودية والآن بحارب معاهم موجود في المزموم بعدما هرب من سنجة لما الجيش خش..
□ حقيقة حاجة تحير جداً والواحد ممكن يكون جاهل لكن بكون راجل وصاحب ضمير يغضب لي عرض بنات بلدوا ويزعل لي مصايب وطنوا..
□ ولكن للأسف..
#من_أحاجي_الحرب
